جامعتي العزيزه..طلبات منتسب..أضيفوا عليها ماشئتم !

[vip555]

المشاركة الأصلية كتبت بواسطة عهد جدة واااااااااااااااو رائع اهنيك على هذا الابداع الكتابي *ماشاءالله لا اطق الرجال بعين))) صح السان

تسلمي كلك ذوق

يعافيك ربي

[vip555]

المشاركة الأصلية كتبت بواسطة om_assil اخي الكريم انا معك قلبا وقالبا في جميع ما ذكرت ولو اني لا اهضم حق الجامعه فقط في برنامج السنترا صراحة برنامج تقني رائع بمعنى الكلمة لو انه تم تفعيله لغرضه بشكل جيد وتهيئة سيرفر تمام لاستيعاب الضغط والعدد الهائل من الطلاب واذا كانت الاوقات غير مناسبة فيتم تسجيل المحاضرات بآاليية ممتازة وليس مثل ما حدث انه للاسف بعض المحاضرات لم يتم تسجيلها بعد انتهاء المحاضرة وللاسف كمان نقطة كانت في غير صالح السنترا وهيا حذف جميع المحاضرات قبل الاختبارات باسبوعين يعني احوج وقت للطلاب انه تكون المحاضرات موجوده صراحة وقتها حسيت ان الجامعه ماشية بالعكس.

كلام حلو وهالشي اللي نهدف له حتى لانتشتت ونتعب على شي غير مهيأ لنا تماماً

[vip555]

المشاركة الأصلية كتبت بواسطة ماكنتوشه ماقصرت الله يجزاك خير بس مين يسوي نسخ ولصق ويرسل الموضوع لاصحاب الشأن ؟ .. موفقين

اذا في ايميل للجامعه( للاداره واصحاب الأمر) هاته..واضيفوا على الموضوع وسأنسقه بطريقتي

[vip555]

المشاركة الأصلية كتبت بواسطة اعتاب السنين ليه ماتكون مناشدتنا هذه عبر برنامج إذاعي ممكن يسمعه مدير الجامعه او مسؤول في التعليم العالي وربي ظلم كل شيء غير اللي يقولوا عليه إذا واكي انا عندي برنامج ممكن نشارك فيه حتى اللي انظلموا في الانجليزي ممكن يشاركوا انتظر ردكم

حلو

واعتبريها موافقه من الجميع

بارك الله فيك

[vip555]

المشاركة الأصلية كتبت بواسطة om_assil اخي الكريم سأذكر قصة بسيطه حدثت لي وءاسف لو كان فيها اطاله واتمنى الحكم على ما حدث فأنا كنت لأكثر من اسبوعين مثال حي عن وضعنا في الجامعه انا طالبه انتساب لسنة تحضيرية انا وزوجي لهذه السنه ما حدث اني كنت اتمنى ان اكون انا وزوجي في نفس الخطه للترم الاول وشاء الله ان اكون انا خطة ب وهو خطة أ وعند نزول الخطة بشكل مغاير لرغبتي تقدمت بمعاملة الكترونيه وجاء الرد( بمراجعة شطر البنات ) وانا موظفة فما قدرت استأذن من عملي دورت لين جبت فاكس دكتور مشاط وايميله ارسلتله فاكسين وارسلتله ايميل وما جاني اي رد في وقتها واتصلت على رقم سكيرتيره وبرضوا ماحد رد وانا موظفه واعرف ايش يعني يكون الانسان مشغول ومايرد على تليفون وعلى قد ما ناس تشوفها عيب انا اشوفه وضع عادي لانه مع ضغط العمل ياما بيصير المهم بعدها بكم يوم رحت الجامعه عند العماده ودخلت للدكتورة المسؤوله هناك وتكلمت معاها وشرحتلها ظروفي انا وزوجي ورفضت تماما وقالتلي مستحيل مافي اي تغير لاي خطه نهائي وقالتلي الانسان المجاهد لازم يكون كده وكده وانا احترمت وجهة نظرها حتى لو ماكانت متفقه مع رغبتي لاني من الناس اللي بتحترم انه النظام لازم يطبق ولكن على الجميع بدون استثناء وخلاص فوضت امري الى الله واشتريت الكتب لاني ماني من انصار الملازم وبدأت مذاكرة على شويه شويه وكنت من متابعين الاودس لمتابعة جدول الاختبار ولعل انه ممكن تتغير خطتي في خلال الاسبوع اللي ارسلت فيه الفاكس وتقريبا بعد مرور شهر على كل دي المواضيع ماعاد فتحت الاودس الابين كل فترة وفتره وقبل الاختبار ب 10 ايام فتحت الاودس ماادري ليش جتني صدمة اني خطه أ وقتها الدنيا لفت فيا كيف قبل الاختبار ب 10 ايام ارسلت وقتها رساله الكترونيه وماجاني ليهااي رد وراستاذنت من عملي ثاني يوم ورحت الجامعه واتكلمت مع السكرتيرة وراحت شافت وقالتلي ان خطتي متغيرة من شهر ونص وانا وقسما بالله متاكده اني كنت بدخل على الاودس من اقل من اسبوعين وخطتي كانت ب ومش تكذيب لها لا والله بس اني كمان ماني كذابة وراحت وجابتلي الفاكس الموجهه ليا للدكتور المشاط وان التغير كان عن طريق قسم الاولاد مو عن طريق قسمهم ويناء على طلبي طيب قلتلها شوفي تاريخ الفاكس كم وشوفي على كلام جهازكم التغيير تم بعد كم بعد اكثر من شهر كيف الكلام ده يا يتم التغير في مثلا خلال اسبوع اسبوعين يا بلاش متى نجيب الكتب ومتى بندأ نذاكر ومتى ومتى اشياء كثيرة واتشحططت والله في ده الموضوع الاسبوع اللي قبل الاختبار كله وانا ماني عارفه انا خطه أ ولا خطة ب ورحت الجامعه اكثر من 5 مرات وصراحة كانت متعاونه معايا سكرتيرة العماده بس قالتلي هما طلبوا انهم يتاكدوا اني حضرت محاضرات السنترا ولا لا والموضوع ده من قسم الرجال وقسم الرجال اتأخروا عليهم بالرد لين رحتلها يمكن يوم الثلاثاء اللي قبل الاختبار ولمن قالتلي روحي واحنا نردلك زي كل مرة والله بكيت وسبت مكتبها وخرجت لاني وقتها حسيت اني ولا شي رحت وجيت 5 مرات على قلت فايده وانه ماعاد بقى على الاختبار شي وانا معلقه وجلست بره لين هديت ورجعتلها واتكلمت معاها دخلتني للدكتورة وسالتني الدكتوره طيب انتي قدمتي واجبات قلتلها اي واجبات قالتلها السكرتيرة هذي انتساب مو تعليم عن بعد قالتلها اه انتساب خلاص روحي وانا هغيرلك واول ما رجعت شغلي شيكت حصلت اني رجعت خطة ب ودخلت اختباري ويوم اختبار ثاني ماده جاني تليفون من قسم الرجال انه تم تغيير خطتي بعد مااختبرت اول اختبار قلتله عارفه لان اللي حولني قسم البنات وانا امس كان عندي اختبار يعني بتبلغ بعد ما اختبرت النتيجه الوحيدة اللي وصلتلها من موضوعي انه توبة الى الله اطلب اي شي من الجامعه وانه ممكن الطلب يدخلك في متاهات كبيرة انت في غنى عنها يعني الانسان يرضى ويسكت وانه في تفاعل مع الطلاب بس للأسف تفاعل بطيء جدا وانه دكتور مشاط شاكر بيراعي ظروف الناس وبيدخل في امور ما بتنحل الا عن طريقه وانا رغيت كثير بس والله حابه انه الموضوع يكون عبره لكل اللي حابب يعمل زيي مستقبلا وتمنياتي بالتوفيق للجميع.

ياساتر,,,,,,!! قصه مؤلمه

الاشكاليه واضح ان المعامله تتناقلها المكاتب وانتي ياغافل لك الله..ويزيد الطين بله تسأل احد منهم ويقول مستحيل ومايدري ان المعامله تم اخذ اجراء بالموافقه

حقيقه قصتك قمة التوهان.. لعدم وجود أليه موحده وهذا مايسمى بالشغل ( الدكاكيني ) وعدم النظام

الله يوفقك وييسر لك امرك

[بدايتي]

كلام كبيييير من شخص مبدع

اقسم بالله انني اعجبت في طرحك فعلا ارجوا ارسالها لمدير الجامعة

ولا تسنى ترسلها للجرائد عسى ان نجد صدى لها في المستقبل

واي شي نحن تحت امرك

تحياتي وتقدري لك ايها القلم المبدع

[vip555]

المشاركة الأصلية كتبت بواسطة بدايتي كلام كبيييير من شخص مبدع اقسم بالله انني اعجبت في طرحك فعلا ارجوا ارسالها لمدير الجامعة ولا تسنى ترسلها للجرائد عسى ان نجد صدى لها في المستقبل واي شي نحن تحت امرك تحياتي وتقدري لك ايها القلم المبدع

يسعدك ويوفقك المولى

حقيقه نحن هنا نريد ان نتفق على صيغه موحده لعلها تجدي نفعاً لما فيه صالحنا بدلاً من كثره المواضيع وتشتتها

اتمنى اتفاق الجميع,,فالموضوع يخص كل منتسب

[SeЙorita]

موضوعك حلو اخوى وكلامك صحيح
هذا الي الى حاصل معنا
حلوه انو ترسله على ايميل مدير الجامعه او احد القائمين على الجامعه (صراحه انا استثنى لكم >>عبد الفتاح مشاط)
والله يعقد لك الموضوع وهو بسيط وماتطلع منه لابحق ولا بطل
ربي يسهل لنا الامور

[Amajed]

شخصياً بما اني من الرياض دفعت 3000 ريال رسوم المستوى ، و 1000 ريال رسوم اختبار المناطق ، و 300 ريال قيمة الملخصات وآلة حاسبة ولو اني مهتم في الدراسه كان اضطريت اجيب لي كم مدرس خصوصي لهالمواد وبيكلفوني على اقل تقدير 700 ريال
بمعنى اني ادفع 5000 ريال كل مستوى ، يعني 40000 ريال مقابل الشهاده ، هذا في حال ماحملت اي مادة.

اتصور مبلغ كبير للغاية لطالب (جامعي)

طالب الانتظام يحضر المحاضرات ، وكل شيئ موجود قدامه ، لا يحتاج مدرس ولا يحتاج ملخصات ويقدر يتبادل خبرات مع طلاب آخرين في شعبته ، وفوق هذا يستلم مكافأه شهريه.
فليش الانتساب عكس الامر تماماً ؟ استغرب بصراحه.


على العموم الله يوفق الجميع ، واذا عندي ملاحظات فهي بتكون عن السيرفرات ، سواء سيرفرات المنتدى او سيرفرات مواقع الجامعه ، جميعها سيئة للغاية سواء في وقت الضغط او خاليه ، دائما بطيئة ، وكثيرة التعليق وفيها مشاكل لا حصر لها ، شوفوا لكم سيرفرات مثل سيرفرات البوابة الرقمية ، تعاقدوا مع سعودي.نت او اي شركة محلية تأجر عليكم سيرفرات محلية يسهل الوصول لها حتى لو انقطع كيبل بحري -.-

[$ريم$]

رائع بماتعنية هذه الكلمة



:


: