نظم معلومات e مع أستاذه رهف ~

[حايسه بدنياي]

سوسو شلت هم مرا بعد كلاس اليوووم :(
بعدين وش تحس فيه يوم تقول كل شوي انا تخرجت من بريطانيا طيب خلاص عرفنا يختي
سوسو لازم نسألها عن طريقه اسئلتها خوفتني اليوم لما جلست تسأل اسئله وتقول زي كذا يجي في الاختبار مرااااا مصيبه لو زي كذا
نفسي اقولها احنا مو تخصص انجلش ترا مفروض تراعي هالشي والاسئله تكون مباشره وماتخرج عن المكتوب عندنا والله شكلها تجيب بالفهم الله يسسسستر بس كنت متأمله اخذ a+ شكلي لو اخذت c كويس

[ღ احسـاس طفلهـღ]

مسائكم فل

انا عارفه ان الماده تخوف بس حسيت الاستاذه تتقبل وتاخذ وتعطي لو سالنا وكذا احنا عقدتنا اللغه بس بالعكس حسيتها تفهمت الشي هذا لانها صارت تتكلم شويه عربي لانها عرفت مستوانا
الشغله يبغالها تركيز ومذاكره اول باول وان شالله حنجيب احلى درجات انتو بس تفائلو ولاتتحطمو وتحبطو من البدايه لانه كذا حتى لو انتي فاهمه ومذاكره مخك حيقفل :)<<<عن تجربه

[حايسه بدنياي]

احساس مساء الووورد .. بصراحه ياعسل جالسه احاول اتفائل خير بس انا من النوع اللي اكره الاحراج وهي مرا تحرجنا بصراحه بأسئلتها مفروض تكون عارفه مستوانا وخلاص اللي يعرف يجاول يجاوب واللي مايعرف براحته واكثر شي خايفه منه اسئلتها لانه ماعطتنا اي فكرا عن هالشي بس يلا ان شاء الله خير

[susu MIS]

الله يستر والله لا تحرجني وتسألني لأنو انا اتلخبط لمن أحد يسألني بالعربي كيف بالانقلش

لالالالالالالالالالا وكمان تقول انو مستوانا واحد مرررررررررررررره تحبط وشايفه نفسها الله يستر بس

كل ماتجي تتفشخر تتفشخر ياخوفي يطلعو عيالها فاشلين هههههههههه

[حايسه بدنياي]

سوسووو .. خبريني وش سار اليوم بالكلاس بالتفصيييييل لاني ماحظرت راحت علي نوووومه :)
وان شاء الله في تطورات ولاباقي الوضع زي ماهوو
انتظرك ياعسسسسل

[susu MIS]

والله يختي ادتنا ورقه مليانه شويه مو زي ديكا المره

وكالعاده ما تشرح الا لمن تسأل البنات وتقولك try وتفشل خلق الله واي وحده ما تتكلم وتقولها عارفه بس بالعربي
تقولها أجل كيف حتحلي في الاختبار

بيني وبينك كلمة افهمها و عشره لا والله شايله هم مرررررررررررره الله يستر

حتى نفسي اقولك الموضوع كان عن ايش بس بصراحه انا مييييييييح لازم اترجم وادرس بعدين اقدر اقولك هههههههههههههههههههههههه

يعني على يوم جمعه كدا اكون استوعبت محاضره اليوم

[حايسه بدنياي]

هههههههههه سوسو ربي يسعدك مو مشكله ياقلبي
بس قوليلي طلبت منكم شي تسوه يعني ماقالت عن هالمقال حاجه
وبعدين الباس واليوزر نيم هيا قالت راح ترسلهم ع ايميل كل وحده ولايتهيالي ؟

[my hero]

سلام للحلويين ^^
انا اموووت بالافتخار هذا انا خريجة دار الحكمة انا متخرجة من بريطانيا انا وانا وانا والنهاية واحنا فين انشاءالله ,,,,,
مرررررره اسلوبها مو عاجبني كل ما البنات المساكين قالوا شئ بالعربي او حتى انجليزي مكسر قالت صفر حتاخذوا ال f للاسف هذا مو اسلوب استاذة عشان تجي وتحطم البنات ؟!!!!!
على العموم انا اهم شئ عندي انها تقلنا عن اسلوب الاختبار كيف يجي مع انه الباين انه حيكون مقالي والله يستر ...

[حايسه بدنياي]

سلام ياعسسل ~
ياشيخه خليها ع ربك انا ميته خوف من أسئلة الاختبار مصيبه لو كانت مقالي ياسلام راح اروووح فيها :)
والمشكله احسها بعد ماتجيب شي مباشر يعني ممكن ع حسب فهمك وهيك
بس لازززززم لو قالت مقالي نعترض يعني هي بالله مو شايفه مستوانا بالانجلش ؟
شي عجيب والله يعني تبي ثلاث ارباع الشعبه تحمل الماده ولاكيف !
الله يستررر بسس ويوفقنا ياحلوات ..

[susu MIS]

منجد والله لازم نعرف اسلوب الاختبار وفي رأيي تسويلنا اختبار تجريبي

بالنسبه لمحاضرة يوم التلوت عرفت لمن قريتها ههههههههههه

تتكلم عن تحديات نظم المعلومات و انو ليها 3 جوانب

1- ايش تسوي الشركات
2- لحظة العملاء في تقييم
3- دور تقنية المعلومات

طبعن كل شي لي شرحو

والله الله يسسسستر بسسس ونعدي الماده