نصيحة ببلاش للطلاب فقط

[محمد عبدالرحمن]

جزاك الله الف خير

[نصيب]

المشاركة الأصلية كتبت بواسطة شانزليزيه والله طز بكاس العالم مع اني راعي كوره بس مستقبلي اهم والله محد من اللعيبه دفع عني رسومي ولا حد عرف تعبي وغربتي باختباراتي ولا حد منهم عرف تعب مذاكرتي وانتظاري للنتايج ولا واحد منهم درى عن ازمه الحذف والاضافه الي انا فيها ولذلك طزززززززززززززززز فيك يا كاس يالعالم طززززززززززززززززز تحياتي لك يا صاحب الموضوع والله يوفقك ياخوي

الكبير كبير يا شانزلزية وضعت يدك على الجرح

اخواني انا بغير مسار النصيحة اولا انا مشجع رياضي واحب الكورة وتركيزي على الرياضة المحلية اكثر شيء، طبعا ما احب ان يتحول التشيع والتعصب الى مرض

يعني فيه ناس مساكين وربي لازم يشوف كل مباريات الدوري سواء المباريات المحلية او العالمية
انا قلصت المرض عندي طبعا مو عشان الجامعة لا مسئلة مبدأ يعني مبارة مثلا للاتحاد والهلال لا يمكن افوتها وان شاء الله في المتسقبل اقدر افوتها

يعني باختصار وش خلينا للمراهقين والله مساكين يالسعوديين مخ الشاب المراهق مافيه الا كورة
اي نعم الكورة متعه اي نعم تسلية اي نعم رياضة اي نعم عالم المجنونه لكن
باصوووول كل شيء في الدنيا هذي باصول

والعمل بالتعلم والحلم بالتحلم وكل شيء تعود نفسك عليه يتحقق، خلاص وقت التقليد ومع الخيل يا شقراء ولى
لازم نخلق بيئة فكرية جديدة خلونا نتبادل الافكار المفيدة لابد ان يبدأ كل شخص بنفسه بتقديم رسالة ينهض به حتى لا نعتبر من الشعوب التقليدية

أبدأ بنفسك ....

ما بي اطلع عن الموضوع مع اني تقريبا طلعت لكن والله من حماسي وغيرتي على شباب بلدي
انا ضيعت بعض من وقتي في اللهو واللعب في ما مضى ولاني صالح ولا شيء لكن الغلط هو الاستمرار على الغلط

أسأل نفسك إلى متى وانت على كذا ،،، وخل ثقافة التغيير للافضل عنوانك في كل سلبيات حياتك واجعل لنفسك هدف ولا هو ضروري ان الهدف يكون ملموس او مادي على الاقل في عادة او سلوك سيئة....

مثلا أنا واعوذوا بالله من كلمة انا: غيرت في نفسي شغله طبعا وادعوا لي انا مدخن وقررت اني ما اولع سيجارة امام اي طفل سواء يقرب لي او في الشارع او عند الاشارة
ليه؟ لان هذا الطفل ممكن يقلدني

والله لو نهتم بامورا وادق تفاصيلنا كان ننهض بمجتمعنا ونصير من اروع الشعوب ونعكس الصورة الحقيقة لمجتمع بلاد الحرمين

عسى ان تكون محاسن اخلاقنا سبب في ذياع صيتنا وطريق للخير
وتذكروا قول الرسول صلى الله عليه وسلم ( إنما بعثت لاتمم مكارم الأخلاق) او كما قال عليه السلام

اعذروني على اسلوبي الركيك وافكاري المبعثرة ولكنها رسالة من القلب طلعت كذا ...

دمتم بخير،،،

[شانزليزيه]

المشاركة الأصلية كتبت بواسطة نصيب الكبير كبير يا شانزلزية وضعت يدك على الجرح غيرت في نفسي شغله طبعا وادعوا لي انا مدخن وقررت اني ما اولع سيجارة امام اي طفل سواء يقرب لي او في الشارع او عند الاشارة ليه؟ لان هذا الطفل ممكن يقلدني

اسئل الله الكريم رب العرش العظيم ان الله سبحانه وتعالى ييسر امرك ويشرح صدرك ولا يحرمك جناته

اسلوب راقي بالنصح لا ركيك ولا حاجه

والله يفكك من الدخان ويطهرك منه

حبيت اعلن بس اعجابي بنقطه عدم التدخين امام الاطفال

مع ان كل الموضوع محل اعجاب

خالض ودي