المسترجلات من النساء .. !!

[روووني]

الشؤون ومشرفات الجامعه ماهمهم الا يمسكوني على التنوره القصيره ولا يمسكو على الجوالات كانو هادي اكبر مصيبه في الجامعه

ولعلمك ترا حتى في عندنا سكيورتي بويه تفجع <<مدري كيف حطوها سكيورتي

وترا غالبيتهم ماخدينو جست ستايل يعني لفت انتباه ولا ترا بعضهم زوق واخلاق فوق ماتتصورو
وبعضهم يارب استرنا واهدينا يارب

[د.الفريدو]

لا حول ولا قوة الا بالله

[ريان العتيبي]

الله لا يبلانا

[مشمشانا]

بصراحة سارو بيزدوا سنة ورا سنة
افتكر العام كنت برحلة مع المدرسة وجوا معانا 5 بنات متوسط والله انو قلبي وجعني
من شكلهم حتى اني لبست عبايتي حسيت انو في رجال غريب يتامل فيني بشكل جدا مقزز

وشارع الحب دا المصيبة الكبيرة انو قدام العمادة على طول يعني المفروض يكون دا الشارع بالزات مافي دي الاشياء
اشكال البنات هناك قمة القرف وحدة بوية قاصة بوي و لابسة زي الاولاد و التانية بنت نعوووووووومة وكلها دلع
كانهم رجال وبنت و غير الحركات اللي الله يستر علينا منها و اذا على ابو فيصل يهون قدام مشعل و محمد ونواف و خالد وعبدالله

وحتى في الثامن و مبنى الادارة منتشرين بكثرة و بشكل مرة يخوف كنت ماشية انا وصحبتي بالتامن ووقفونا اتنين
وحدة فيهم بتقول لصحبتي انتي عاجبه اللي جنبي وديك تطالع بشكل يخوف هيا قالت كدا بعدنا وجرينا انا وهيا لين
ما خرجنا من المبنى من الخوف وطول الوقت صحبتي بتقرى على نفسها من الخوف

بالنسبة للامن دول شغلتهم البطاقة يكتبوكي مخالفة لو نسيتيها و البلوزة لو ما عجبتهم يكتبوكي مخالفة و التنورة حسب مزاجهم
بس دول اللي لابسين كدا كانو عادي من باب اولى انهم هما اللي ينكتبلهم مخالفة مو البنت العادية عشان تنورة ميدي

[الأمورة بسوم]

اوقآآآآآآت امر من جنبهم وابغى اتأكد هي بنت ولاولــد

لأآآني بصرااحهـ اشك انهــا بنت

اللهـ يهديهم بسس


نفسي اعرف اهــاليهم كيف ساااكتين عليهم .؟؟؟؟

[تبوك قوية]

لا حول ولا قوة الا بالله

[سارة عبد العزيز]

المشاركة الأصلية كتبت بواسطة الأمورة بسوم اللهـ يهديهم بسس

آمـــين يااارب أسأل الله لهمو لنا جميعا الهداية و الرشد ... !

نفسي اعرف اهــاليهم كيف ساااكتين عليهم .؟؟؟؟

للمعلومية فقط ...
البعض منهم معاملة الأهل بـ تعزز عندهم هــ الشعور و تنميه ... !

تُشكر يا صاحب الموضوع على غيرتكـ ...

كونوا بــ
انتع ــآآآش

[تخصص 13]

هي صحيحة زادت حالتهم عن السنة الي فاتت لكنهم بالنسبه لاعداد الجامعه الكبير ما يعتبروا كثير..
معني كل يوم لازم اشوف أكثر من بوية ..

وأصلا نصهم ستايل بس
بدليل أن مره وانا خارجه من مبنى 420 لقيت وحده قاصه شعرها بوية
واحنا في المرر الطويل الي خارج المبنى دق جوالها وإمها الي كانت متصلة وكلمتها بصوت أنعم من صوتي حتى أن أنا إنفجعت إتوقعت من شكلها اني حاسمع صوت مخشن ولا شي ..وعرفت أنها بس ستايل ..الله يهديها


وفي بنات الله يهديهم مصدقين نفسهم و عاملين الدور من جد
من لبس و مشيه و صوت حتى في التدخين
أمس وانا خارجه من البوابة الغربية الي جمب العمادة دخلوا بويتين رحتهم دخاااااااااان يكتــم
الله يهديهم بس

[ليوناردو]

المشاركة الأصلية كتبت بواسطة تخصص 13 مشيه و صوت حتى في التدخين أمس وانا خارجه من البوابة الغربية الي جمب العمادة دخلوا بويتين رحتهم دخاااااااااان يكتــم الله يهديهم بس

الله يهديهم وش نقوول غير كذا ... وصلت دخان ويمكن معسل و شيشه وما هو أكبر ..

كذا مره كانت تشتكي لي قريبتي منهم .. وأنهم يذونها أكثر من مرره
صراحة من جد حقدت ولكن وش بيدي أسوووي اذا الووضوع عندكم زي ما تقولوون لا رقابة ولا هم يحزنون ...

[دنيا الولهـ]

يعطيك العافيه اخوي
الظاهره موجوده فعلآ



بس الدعوه تقليد في تقليد
في بعض البنات مو عارفين ايش يسو بس يبو يلفتو نظر
مو اكتر
وللاسف هما مو عارفين ايش يسوا
الله المستعاااان