استفسار من لديه خبره خصوصا القدامى بالجامعه

[بنت قحطان]

والله شوف ياعزيزي دامك تبي بس شهادة والله انا علم نفس واشوف علم النفس حلو يدرس شخصيه وكلها اشياء على فكره في نفسك تطبقها يعني مجرد شي في شخص وانت تدرسه وتعرف وش هالشي يعني اشياء احنا نجهلها في نفسنا بس اذا عرفتها تفهم وش معنى هالشي .. واللي يقول علم الاجتماع اسهل لاتجلسووون تضحكون على بعض مافيه تخصص سهل ابدا كلها زي بعض .. واذا على الانجليزي مافيه تخصص مافيه انجليزي واذا قصدك ع المصطلحات عندنا بعلم النفس كم كلمه فيها يعني مو شي دسم .. بس شدحيلك اخوي مومعناته انك تختار سهل تفكر انه سهل وماتذاكر لا .. لانه مستحيل تنجح اذا ماجتهدت .. اول شي استخير وعسى ربي يختارلك الصالح ويسهل امورك يارب ..
ونصيحه مني لاتسمع الا كلام نفسك انت وش تميل له لانه لا رايي ولاراي الاعضاء راح يفيدك بشي خذ راي نفسك وقناعاتك انت .. وشوف وش الشي اللي انت تميل له وتتقبله اكثر .. بالتوفيق ان شاءالله

[alwazae]

بنت قحطان
كلام حلو وجزاك الله خير
انا صراحه اميل لعلم النفس بس اخاف يكون صعب علي لاني مااعرف عنه شي ابدا
وانا عارف مافيه شي سهل بس شي اسهل من شي هذا قصدي
قلت استشير اخواني وماخاب من استشار

[بنت سبيع]

انصحك بعلم الأجتماع ترى بالحيـــــــــــــل سهل وتافه

المهم مثل ماقالو الوظيفه بالشهاده مو بالتخصص اهم شي هالشخص يكون جامعي او يكون معه شهاده اعلى من كذا لأن هذا راح يساعدك في ترقيه مرتبك للأحسن وانا من رايي اشوف انك تاخذ علم اجتماع وعقبها تاخذ ماجستير ولا شك الكورسات للحاسب الألي والأنقلش والسكرتاريه والمحاسبه واداره اعمال راح تفيدك اكثر واكثر
وبالتوفيق اخوي

[alwazae]

مليون شكر لك اختي بنت سبيع
سوا تخصصت كذا والا كذا بس رايكم يهمني

[المبلع]

الدراسات الاسلامية

[بنت قحطان]

شوف إذا انت تميل لعلم النفس خلاص توكل على الله
بس لاتختااااااااااااااار تخصص ماتحبه انتبه انتبه انتبه ترى الكل يقول تخصصه أسهل لانهم هم يحبون هالقسم
بس انت وش تميله اكثر لانه هالشي يساعدك ع المذاكره اكثر
واقرب مثال لك انا مادخلت هالقسم إلا.. لأني أميل لعلم النفس والحمدلله درجاتي جدآ مرتفعه
.. وصدقني اذا انت تميل لعلم النفس راح تمشي فيه و الاعضاء اللي هنا ماراح يقصرووووون معاك
والكل شاهد بمجهود الاعضاء المتخصصين علم نفس وهذا شي بشهادة الجميع ..
بس اعيد واكرر لاتسمع راي أحد اسمع راي نفسك انت ..
بالتوفيق يارب

[alwazae]

الله يوفقك يابنت قحطان
ماقصرتي انتي وباقي الاخوان تكفي مشاركتهم معاي برايهم وبأذن الله راح اتخصص في التخصص هذا
صراحه كنت ناوي عليه من قبل اكون صريح معاك حتى في العمل طلبو مني التخصص في اوراق عندهم وقلت لهم
علم نفس مع اني اقدر اغير عادي الحين مايهم اللي عندهم

[بنت قحطان]

الله يوفقك ويسهل امورك إن شاءالله .. ودامك تبي علم نفس وتميل له صدقني راح تمشي فيه
ومافيه شي يجي بسهووووووله حتى اذا تعثر شخص في ماده مونهايه المطاف صح بنزعل بس
لازم يكون عندنا عزيمه عشان نتخطاها .. كل شي يبيله جهد وتعب ..
والشي اللي يجي بتعب واجتهاد مقابله نتائج طيبه راح تحس بحلاوتها لانك تحب هالقسم ولانك اجتهدت ..
ومن جد وجد ومن زرع حصد ..
واذا تبي شي أكييييييييييييييييد ماراح نقصر معاك انت او اي احد من الاعضاء هذي خذوها مني
اللي يبي شي انا حاظرررره ..
بالتوفيق للجميع ..

[عاقل طاح في وقت مجنون]

المشاركة الأصلية كتبت بواسطة alwazae السلام عليكم ورحمة الله وبركاته عندي استفسار من الاخوان والاخوات القدامى في الجامعه او المتخصصين ابي اسألهم عن التخصص من الاصعب علم النفس او علم الاجتماع هل يوجد تخصص اسهل من ذولي هل فيه تخصص لايوجد فيه لغه انجليزيه علما اني ابحث عن شهاده فقط بحكم اني موظف وانهيت السنه التحضيريه وابي اتخصص وشاكر لكل من يرد على موضوعي

يالغالي كل الاخوان والاخوات مااااقصروا كل واحد اعطاك نصيحه ووجهت نظره وشكلك محتاااار بين هذا و ذاك المهم والاهم رايك في الاخير وعنك الخطط الدراسيه لكل قسم تقدر تطلع عليها وتشوف اللي يناسبك بالتوفيق

[رمزالتضحية]

أنا حاليا علم اجتماع ,, والله القسم ماهو سهل ,,


الناس ماخذه فكره انه سهل ,, بالرغم من ان هناك مواد لها كتابين ماهو كتاب واحد ,, يعني تدرس كتابين لمادة واحده ,,


اعتقد ان علم النفس اسهل بكثير



هناك في علم الاجتماع مواد شبه أسطوريه وخياله مثل


النظريات والحضري

جميع الاخوه يتفقون في ذلك


روح علم الننفس واتكل على الله


بس استخير الله سبحانه وتعالى


وعموما


الدراسه تحتاج جهد كبير



بالتوفيق

وانت قدها وقدود دام الرغبه موجوده