بخصوص تأجيل التخرج .. للخبرة الرجاء الرد

[منصور الشمري]

طيب يا شباب بالنسبة لو اخترت الآن 12 ساعة والصيفي 8 ساعات هل لازم ابلغ
الجامعة ولا عادي اضيف تلقائي وخلاص ؟ ولا لازم اعطيهم خبر لأني خريج ؟؟؟

[اللة أكبر]

شد حيلك يا بن عمي والله بترم وآحد أذكر رفعته من 2،36. الى 2،82.

وحط اكثر جهدك باختيار المواد الاختياريه السهله وتأكد من دكتورها واختر ماده حره

سهله وانصحك بالتأثيرات النفسيه اذكر جبت فيها 96 وفالك البيرق

الأمور في غاية السهوله ولاكن يبي لك شدت حيل وعزم سنعوسي وموفق خير

[منصور الشمري]

المشاركة الأصلية كتبت بواسطة اللة اكبر شد حيلك يا بن عمي والله بترم وآحد أذكر رفعته من 2،36. الى 2،82. وحط اكثر جهدك باختيار المواد الاختياريه السهله وتأكد من دكتورها واختر ماده حره سهله وانصحك بالتأثيرات النفسيه اذكر جبت فيها 96 وفالك البيرق الأمور في غاية السهوله ولاكن يبي لك شدت حيل وعزم سنعوسي وموفق خير

هلابك اخوي ما قصرت والله عطيتن دافع معنوي قوي وإن شاء الله تتسهل الامور لكن ابي فزعتكم بالمواد جميعا بدون استثناء

[منصور الشمري]

السلام عليكم ورحمة الله وبركاته ...

يا شباب بعد مشاورات بيني وبين نفسي وبين الزملاء وبعض آراء الشباب ممن ردوا علي في هذا الموضوع
نويت في هالترم انزل 12 ساعة .
لكن ابي فزعتكم بالمواد الاختيارية السهلة جداً يعني المنهج ماهو كثير وتكون سهلة .

التحليل التنظيمي مادة اساسية ويقال ان فيها صعوبة .. لكن الشكوى لله مجبور فيها .
الاستشارات الإدارية مادة اساسية لكن سمعتها طيبة إن شاء الله يقال أنها حليلة .
مادة اختيارية فكرت في النظام السياسي السعودي لكن اذا فيه اسهل ياليت احد يفيدني .
مادة اختيارية كنت ناوي اخليها ادارة المشروعات العامة لكن ترددت بردود الاخوان انها ما تصلح اختيارية ومنهجها كثير وفيها نوعا ما واكيد فيه اسهل ..

كذا صارن 12 ساعة لكن فزعتكم بالاختيارية ابي اسهل الموووووووواد وتكون بديهية يعني شي معروفة .

[ممدوح حائل]

شف موضوعي اللي فوق مثبت ،،
راح تتضح لك الصورة كاملة ،،

وبما انا مسارك غير مسارنا شف ردي الاخير بنفس الموضوع اعلاه

بالتوفيق للجميع ،،، .

[منصور الشمري]

حلوو بس اغلب الشباب النظام السياسي السعودي وادارة المشروعات العامة ..

النظام شكلي نويت اخذها لكن ادارة المشروعات ودي بافضل منها اختيارية اسهل

لكن اذا ما صار الا هذولي معي هل فيه ملخصات نعتمد على الله ثم عليها يا شباب ؟؟؟

[ممدوح حائل]

ادارة الجودة في الاجهزة الحكومية pad421
مناسبة جدا ،، مع الدكتور شمسان

بالتوفيق للجميع

[ماني من أشباهي]

ادارة المشروعات فقط 35 صفحة ملخص الاخ سطام الشتوي ، الشباب يشتكون منها لأن صار فيه اخطاء بالرصد وظلم بالدرجات ،
ادارة الجودة ممتازة اذا بتنزل مع شمسان .
الله يوفقك ويحقق أمانيك .

[منصور الشمري]

المشاركة الأصلية كتبت بواسطة ممدوح حائل ادارة الجودة في الاجهزة الحكومية pad421 مناسبة جدا ،، مع الدكتور شمسان بالتوفيق للجميع

هلابك اخوي ممدوح المادة هذي اخذته الترم هذا الي راح وحتى درجتي فيها مش ولا بد لكن الحمد لله توقعت اجيب اكثر والله لانها اختيارية

[منصور الشمري]

المشاركة الأصلية كتبت بواسطة ماني من أشباهي ادارة المشروعات فقط 35 صفحة ملخص الاخ سطام الشتوي ، الشباب يشتكون منها لأن صار فيه اخطاء بالرصد وظلم بالدرجات ، ادارة الجودة ممتازة اذا بتنزل مع شمسان . الله يوفقك ويحقق أمانيك .

الله يعطيك العافية اخوي ماني من اشباهي وما قصرت على المعلومات القيمة والله