( 6 ) أشــــــهـــر في الســـجـــــــــن...

[افتكروني]

رائع ننتظر التكمله....

[مجبور اوادعها]

موضوع محترم وممتع صدقاً

اكمل يا زول ان كان لديك متسع من الوقت وكلي اذان صاغيه

+

السوالف ذي لها كتاب مطبوع ام انها من النت فقط ؟!

[just besh]

السلام عليكم ورحمة الله وبركاته

جزا الله خيرا كاتب القصة وناقلها يااارب

بس واااااااااااه وين التكملة ؟؟ لاتطول لو سمحت

[اللولو]

متابعـــــــــــــــــــــه

ننتظر البقية

[gold king]

موضوع جميل
ننتظر التكملة

[النور نوري]

الله يعافيك عجل علينا نبغى باقي القصة عايشين جوها

[TCHECO]

اسف على التأخير ..
جاري التكملة ..
مجبور اوادعها ..
كاتب القصة نشرها عبر الانترنت ..لو وثقها عبر كتاب لكان افضل ..

[TCHECO]

هل جربتم أن تعيشون حالة انفصال

وتعيشون خارج حدود الزمان والمكان

.
.

أن تكونون في مكان آخر .. غير المكان الذي أنتم فيه

وزمان آخر .. مختلف عن هذا الزمان

.
.

كانذ هذا هو احساسي وأنا أجلس

في زوايا السجن .. شبه المظلم

حيث كان المكان يفتقد لأبسط الامكانات

من نظافة واضاءه .. وتهوية

كانت رائحة الناس هنا

وضجيج أصواتهم

يحاصرني ..

.
.

ولكن عندما قررت أن أفكر

في أني هنا لخوض غمار تجربة مختلفة

لأتعلم .. لأطبق ما تعلمته

شعرت بالمتعة

وشعرت بقوة في داخلي

.
.

كنت أفكر من حين الى آخر

وأتخيل .. بعد خروجي سأكون

قد أمتلكت حصيلة زاخرة من التجارب

.
.

وها أنا اليوم منفصلا عن العالم

وأجلس أستمع .. وأشعر .. وأرى

جاسر .. ذلك الشاب القوي الشخصية

الجذاب لكل من حوله بأسلوبه المرح / الجاد

في ذات الوقت.

عميق الحكمة .. مبتسم .. مستهزئ

محترم ..

كلها .. صفات جاسر.

.
.

ولازال يحدثني عن أول يوم له في الوظيفة

ويقول

بدأت مع نظام الدين أول أيامي

وطلب مني آخذ مكنسة وأنظف البقالة

وأرتب كراتين البضاعة .. وأصف العصيرات في الثلاجة

وكنت متحمس مررررة

وشلت المكنسة وأنا مبسوووط

ونظفت المحل .. وسويت كل ما يطلبه

مني رئيسي المباشر ( ويضحك جاسر بصوت عالي )

وأثناء العمل كنت أتابع البيع

وأشوف الزباين

وأحفظ أسعار الأشياء

.
.

وفي نهاية اليوم .. رجعت طيراااان ( تعبير عن السرعة )

للبيت .. وأنا أجري راجع للبيت حسيت اني أمتلك العالم

وجالس أفكر بيني وبين نفسي في الكلام الذي سأقوله لأمي

وأتوقع وش راح تقول

وأكيد راح تفرح مررررة ..

طبعا أنا جااااااسر والرزق على الله

عمري ثمان سنوات ونصف

الأولاد في المدارس في الصباح

ويلعبون في الشوارع بعد الظهر

وأنا رجاااال .. ماعندي وقت للعب والخرابيط الفاضية

.
.

وصلت البيت وفتحت الباب .. وألاقي أمي جالسه

عند الباب .. تنتظرني

لم أتكلم .. ولم تتكلم

فتحنا ذراعينا

وألقيت برأسي على صدرها

وضمتني بقوة

بكيت .. ونسيت الكلام اللي كنت سأقوله لها

نسيت كل شيء .. وبكينا

.
.

قالت .. يمه ياجاسر

أول يوم تغيب عني ذا الوقت كله

وراحت تضرب بيدها على ظهري

ضربا خيفيف .. وكأنه عتاب لي

.
.

رفعت رأسي والدموع مغطيه على عيوني

وقلت بصوت مشوش

( يمه كنت في الشغل )

.
.

وكانت لها ابتسامه ونور .. يهز قلبي

يملك علي أحاسيسي .. يروي قلبي

العطشان للحب والحنان

كانت أمي هي كل الناس

فلا أعرف أب ولا أخوال .. ولا أصحاب

كانت أمي .. هي مملكتي كلها

.
.

جلسنا بعد طول عناق

نتكلم طويلا .. وأقول لها

خلاص يمه لا عاد تتعبين نفسك في الخياطه

ألحين صار عندي وظيفه .. وراتب

وأنا رجال البيت والمسئول عن المصاريف

.
.

ابتسمت أمي .. وأغمضت عيونها

وأسندت رأسها على الجدار

قالت " الله يحفظك .. الله يحفك .. الله يحفظك ياجاسر "

.
.

تأخرت مانمت تلك الليلة

وأنا أفكر وش راح أسوي بالراتب

فكرت أشتري ذهب لأمي

وفكرت في ملابس

وفكرت في ساعة

.
.

ونمت .. واليوم الثاني

صحيت مع أذان الفجر

وتوضيت .. وصحيت أمي

وبعد الفجر رحت البقالة لقيتها مسكرة

( ما يفتحون الا بعد الساعة 8 )

رجعت للبيت .. وجلست مع أمي

وأفطرنا .. وسألتني

كم راتبك يمه

قلت والله ما أدري بس اليوم بسأل

.
.

المهم مرت أيام .. وتعلمت الشغل

وسافر نظام الدين .. وصرت أنا مدير البقالة

( وكعادته جاسر .. يضحك بصوت عالي )

.
.

وكنت أبيع على الزبائي وأجمع الفلوس

وأعدها .. وآخر النهار يجي عمي راعي البقالة

وأحاسبه .. وتعلمت كيف نجرد البقالة آخر الشهر

ونعرف وش اللي أنباع .. وكم الربح

.
.

وكان راتبي 500 ريال

.
.

ومرت عشر سنين وأنا في البقالة

حتى انهم في الحارة صاروا يسمونها بقالة جاسر

وفعلت فيها خدمة التوصيل المجاني لجيراني

.
.

ايه نسيت أقول لك وش سويت بأول راتب

أشتريت سيكل من ولد جيراننا بخمسة وسبعين ريال

والباقي أعطيته أم جاسر

.
.

كبرت أمي وتعبت

وكنت قد أشتريت سيارة

وتركت البقالة

وصرت أوصل مشاوير

( تكسي يعني )

.
.

وكل يوم ألفلف في الشوارع

وأوصل مشاوير .. ومرات أوصل أولاد مدارس ..

وأحيانا معلمات

.
.

وصار لي عملاء خاصين

يتصلون بي .. وأنا أوصلهم مشاوير

وكان دخلي قد أرتفع الى 200 ريال في اليوم

يعني آخر الشهر 5000 الى 6000 ريال

وبعد مانخصم مصاريف السيارة

( زيت وبنزيم )

يبقى لي 4000 ريال تقريبا

.
.

في هذي الفترة كنت أصارع

نفسي .. وأصارع رغبة داخلية

للانفلات .. تعرف شباب

ومعي سيارة .. وفلوس تجري في أيدي

.
.

لكن كنت دائما أتذكر أمي .. وكلماتها

ودعواتها .. وابتسامتها ..

فأتراجع .. وأستمر في شغلي

.
.

وسكت جاسر طويلا

وقال

في يوم .. اتصلت بي وحده

وقالت أحتاج مشوار

ورحت لها

ووصلتها مشوارها

وأعطتني 50 ريال

ورديت أربعين ريال

قالت لا .. خلي الباقي هدية لك

وأصرت علي

وخليت الباقي معي

.
.

قالت .. خلي جوالك مفتوح ..

لأني اذا أحتجت مشوار ما أعرف الا أنت

قلت طيب

.
.

وفعلا .. كل يوم مشوار .. وكل يوم خمسين

وزاد الدخل .. وبديت أدلع أم جاسر

أثاث جديد .. وبوية .. وحركات ديكور

.
.

وفي يوم تفاجأت بهذي المرأة

تقول وديني أنا وأولادي للاستراحة

وكنت أعرف استراحتهم

لأني قد وصلتها لها أكثر من مرة

.
.

واتصلت على زوجها وهي معي في السيارة

قالت باروح أنا والأولاد للاستراحة

.
.

ولما نزلوا .. قالت أنزل

قلت لا .. اذا خلصتوا اتصلي بي

قالت لا .. انزل .. وخليك مع العيال في قسم الرجال

عشان ودهم يسبحون

وأنا في قسم النساء

.
.

ترددت .. وبعدين قلبي ما أرتاح لأسلوبها

قلت لا .. الحين تذكرت لازم أرجع عندي مشواااار مرررة مهم

.
.

حاولت .. وبعدين قالت طيب

.
.

رجعت بالسيارة

وعقلي يقول لي

هذي الحرمة في راسها شر

.
.

والشيطان يقول .. وش فيها لو

جلست .. وسبحت مع العيال

.
.

أرجع .. لا لا لا

أرجع .. لا ..

.
.

ورحت للبيت وكان قلبي مقبوض

والدم بيفجر عروقي

حتى أمي قالت وش فيك

ياجاسر .. وجهك أسود ذا اليوم

ما هو بالعادة

.
.

قلت برد سريع

مافيه شي.

.
.

وكانت نظرة أمي هذي المرة .. حادة

قالت " جاااااسر .. الله يحفظك ياجاسر "

حسيت أن امي تعرف شي

حسيت ان نظراتها وصلت لقلبي

وعقلي وقرأت اللي فيه

ماقدرت أناظر وجه أمي

.
.

وهي ساكته .. وتناظرني

وأنا أصد يمين وشمال .. وأسوي نفسي مشغول

.
.

[TCHECO]

قبل أن أستمر أحببت أن أشير بأن ما أكتبه هنا

ما هو الا خلاصة تجربة مررت بها، وجميع أحداثها

والشخصيات التي فيها .. هي حقيقة وليست

حدثت لأشخاص قابلتهم .. وكوا لي معاناتهم

وأسباب دخولهم للسجن

.
.

وتفاصيل الأحداث هي رؤيتي الشخصية

وكيف استطعت أن أستوعب التجارب

وأفهمها .. قبل أن أرسلها بطريقتي

الى عقلي اللاواعي لتكون

رصيدا من الخبرات

والتجارب

أستفيد

منها

متى

أحتجت

اليها

.
.

لا أزال في زاوتي شبه المظلمة

أجلس بهدووووء .. مع جاسر

وأستمع بانصات شديد الى تفاصيل

تجربته الشخصية ..



.
.


يقول جاسر

مرت بي أيام وأنا أعيش صراع داخلي

وأعاني ، من التشتت بين عقلي

الذي لم يعرف سوى ( علوم الرجال )

والطيبة والشهامة التي شربتها

من أمي .. وبين ثورة مشاعر

الشباب، والرغبة في أن أعيش مغامرة

عاطفية .. أريد أن أشعر بالحب والعشق والغرام

والهيام .. وقد تصورت في تلك الأيام أن هذه

المرأة تحبني، ومتعلقة بي وهذا ما فسرته

من نظراتها الجريئة، وعطاءها الغير محدود

من الفلوس ، وأسلوبها الناعم الذي يحرك الحجر

.
.

ويستكمل جاسر كلامه ويقول

في البداية لم أنتبه لأسلوبها وكلامها، ولكن بعد

محاولتها الأخيرة أن أبقى معهم في الاستراحة شعرت

بقلبي يخفق .. وكأن كهرباء تسير في جسدي

.
.

بقيت ثلاثة أيام ما أشتغلت

ولا رحت مشاوير على التكسي حقي

بس أخرج من البيت .. وألفلف

ولا أوقف لأحد

وآخر النهار .. أرجع وأتعشى وأنام

وكانت نظرات أمي .. وتقاسيم وجهها

تقتلني .. تربكني .. تهزني

أشعر أنها تعرف كل شيء

أو على الأقل .. تعرف ان عندي أزمة

ومع هذا فقد كانت عظيمة أم جاسر

ويبتسم ابتسامة كلها حزن

ويهز رأسه ..

.
.

تصدق كلما فكرت أعمل أي شيء

أرى صورة أمي قدامي

وأحس من نظراتها .. ما هو رأيها فيما أفكر فيه

.
.

بعد ثلاثة أيام من تطنيش مكالماتها على الجوال

ورسائلها التي تقول فيها

وينك ، ما جيت تودي الأولاد للمدرسة

ارجو الاتصال

كلمني ضروري

.
.

بعد ثلاثة أيام أتصلت عليها

وردت علي وقالت

" أنا زعلانه منك ياجاسر "

قلت " ليش "

قال " يعني .. مطنش .. وشايف نفسك "

أربكتني .. ولم أعرف أرد

بيني وبينك لأني ما تعودت على ( هيك احساس )

ويضحك ضحكة ممزوجة بالحسرة

.
.

يكمل جاسر كلامه

بعد ما تكلمنا شوي قالت اليوم لازم تجي

الاستراحة لأنه بيجيني ضيوف يوم الخميس

وأحتاج أنظف الاستراحة ، وأشتري شوي أغراض

من السوق .. وطبعا قلت بصوت مهزوز .. مهزوم

( حاضر)

وكانت هذي الحاضر أول تنازل .. ولحظة ضعف

دفعت ثمنها .. غاااااااااااااااااااااااالي

وربي انها غلطة عمري اني قلت حاضر

.
.

كانت أمي قريبة وسمعت مكالمتي

وجتني وقالت " ولدي ياجاسر .. من ذي اللي تكلمها "

أرتبكت وحاولت أكذب لكن ماعرفت

قلت " وحده تبي مشوار "

وكان ردي المتلكك .. وصوتي المهزوز

ونظراتي الضايعة .. واحساس أمي

كل هذي كسرت كبرياء وشهامة

الرجل في داخلي

.
.

كنت دائما أقول أنا رجال .. وأعتز وأفتخر

اني ما عرفت طفولة ولا مراهقة

كنت أشعر بالشموخ والعزة

والكبرياء والثقة في

كل خطوة أخطوها .. وفي كل كلمة

في كل حرف .. كنت أحس اني وااااثق

.
.

لكن هذه الأيام .. بدأت أفقد معاني كثيرة في داخلي

بدأت أشعر بانهزام أمام ذاتي

وكلما نظرت الى المراية .. احتقرت ذاتي

بسبب احساسي بأني أسير في طريق

نهايته أن أفقد الرجال اللي أعرفه في داخلي

أفقد جاااااسر في أعماقي

.
.

ذهبت اليها .. وطووول الخط

وأنا في صراع

أرجع .. لأ ما أرجع

أرجع .. لأ ما أرجع

أرجع لأن عقلي يقول

عيب اللي تفكر فيه ياجاسر .. وممكن تضيع

وقلبي واندفاع الدم في عروقي

وطيش الشباب .. يقول

كفاية انحرمت من أشياء كثيرة

كل الشباب في مثل سنك عايشين حياتهم

وأنت مكبر نفسك قبل يومك

.
.

كانت المشوار بين بيتنا والاستراحة نصف ساعة

وأنا لفيت أكثر من ساعتين

.
.

وصلت الاستراحة .. وكانت المرة فيها

وقابلتني عند الباب

قالت " أهلين جاسر "

شعرت بانكسار ذاتي

.
.

دخلت الاستراحة .. وقالت وش تشرب

قلت لأ .. شكرا وش تبين

ضحكت وقالت طيب وش بك مثل الطالب اللي ما حل الواجب

قلت لأ .. بس وين بتروحين

قالت ما ني رايحه مكان

قلت طيب والمشوار

قالت أي مشوار

قلت السوق وأغراض الضيوف

ضحكت وقالت بعدبن بعدبن

تعال أنت عشان ننظف الاستراحة

.
.

وكان أولادها الكبار في المدرسة ومعاها بنت صغيرة تلعب

وفي لحظة ضعفي البشري

ظهرت لي صورة أمي

" الله يحفظ .. الله يحفظك .. الله يحفظك ياجاسر "

.
.

انتفضت .. وسرت في جسدي صعقة كهرباء

وكانت المرة قد رجعت بدون عباية ، ولا غطوة على وجهها

وما حسيت بنفسي .. ماني شايف شي

منهار نفسيا .. ضايع

خايف .. محتقر نفسي

محتاج للحب والحنان

المرأة كانت حلوة مررررة

( ويبتسم وضحكة خفيفة .. ودمعة عالقة في عيون جاسر )

.
.

وسكت جاسر .. وأنا بعد

سكتنا

.
.

غمض عيونه


سمعت صوت قلب جاسر

.
.

أكثر من عشر دقائق

.
.

تنفس عميقا

وقال

ياسعيد .. الانسان اذا تنازل مرة .. ممكن يتنازل ألف مرة

لأن القزاز ينكسر مرة وحده


الانسان اللي داخلنا مثل الجوهرة الثمينة

أي لمسة ممكن تطبع فيها

واحنا مسئولين عن المحافظة عليها


ياسعيد احنا بشر ضعفاء ، لكننا أقوياء بالله

عشان كذا نستخير ربنا يدلنا الطريق الصح

ويرحم ضعفنا ..

.
.

وفجأة انتفض وجلس

و ( تحنحن )

وقال

بس لاتخاف .. اللي ربي معه

وأمه داعية له .. وربي ما يضيع

لأن الله يحفظه

.
.

يوم كنت واقف في الاستراحة وشفت المرة قدامي

بدون عباية ولا غطوة على وجهها

ماحسيت بنفسي الا وأنا رافع ايدي

وأعطيتها كف من اللي قلبك يحبه



وكعادة جاسر بروحه الجميلة

وقلبه لأبيض .. يضحك

بصوت عالي

ولا تزال بقايا الألم في عيونه

.
.

ويكمل أعطيتها كف على وجهها من غير ما أحس بنفسي

وبسرعة رحت وفتحت الباب وخرجت وركبت سيارتي

وكل هذا في ثواني

.
.

حسيت اني استرجعت قوتي وعزيمتي

أحترمت نفسي .. وشعرت بنشوة الانتصار

وقمت آكلم نفسي

" الله يحفظك يا أم جاسر .. الله يحفظك يا أم جاسر .. الله يحفظك يا أم جاسر "

.؟
.

وانخرطت بعدها في نوبة بكاء هستيري

ولكني أبكي وأنا فرحان

مبسوط لأني أنتصرت على ضعفي

لأني ما خيبت أمل أمي فيني

لأني حافظت على الجوهرة اللي في داخلي

.
.

ما أدري كيف وصلت للبيت

وفتحت الباب

محتااااج أم جاسر

:
.

دخلت ولقيتها تصلي صلاة الضحى

سااااااجده

.
.

وقفت قريب منها

أصارع ثورة مشاعري

وأخفي صوت البكاء ..

كنت أقرط أطرف شفايفي حتى أكتم صوت نشيجي

.
.

خلصت أمي صلاتها

وجلست على ركبي

.
.

وضميتها بقووووة

.
.

كان هذا الحضن اللي أحتاجه ..

.
.

لم تقل لي أمي أي كلمة

حتى أنتهيت من ضم أطهر وأحن وأعظم قلب

.
.

ولما انتهيت

وجلست قدامها

قالت

" الحمدلله انك طيب "

.
.

لم أرد عليها

وكنت أسأل نفسي

هل كانت أمي تعرف شيء


.
.


ومرت الأيام ورجعت جاسر الرجال

وأقوى

.
.

وقررت اني أنتبه للمزالق اللي ممكن

الانسان يقع فيها في لحظة ضعف

وتعلمت اني

أقف مع نفسي

قبل أي قرار أتخذه

وأسأل نفسي

" وش رأيك ياجاسر .. صح ولا خطأ "

.
.

ما كنت أقدر أغير جوالي لأن أكثر الزباين والناس

اللي أوصلهم مشاوير يعرفون رقمي ذا

.
.

والغريب ان المرأة أستمرت ترسل لي رسايل

" جاسر .. لا تفهمني غلط "

" أنت كبرت في عيني .. "

" أنا آسفه .. كفك صحاني .. "

" كنت محتاجه للكف .. ومحتاجه واحد مثلك أثق فيه "

" خلاص أنا تغيرت .. بس لازم تودي العيال للمدرسة "

.
.

رسائل يومية .. وأنا على طول أول ما أقرأ اسمها أمسح الرسالة

.
.

وفي يوم كلمتني من جوال ثاني

وقالت

أنا أخطأت لأني ضعفت في لحظة وأعجبتني قوتك

لكن أنا ما أبي أحد غيرك يودي عيالي للمدرسة

لأني أثق فيك .. وأخاف أجيب سواق غيرك يستغل

ضعفي .. تكفا ياجاسر .. تكفا

.
.

وطبعا أنا على طول قلت طيب

شكلها فعلا تغيرت ..

مع اني في نفسي أحس اني أكذب على نفسي

أحس ان فيه شي بيصير

ما أدري وش هو بالضبط

لكن احساس خفي . .

.
.

وبدأت أروح وأودي عيالها المدرسة وأوصلها مشاوير

وهي بكامل احتلاامها لي

حتى قلت في نفسي

الظاهر اني تسرعت وظلمتها

.
.

وبعد شهر

اتصلت علي وقالت اشتري الأغراض اللي برسلها لك في رسالة

وديها للاستراحة، وفعلا أشتريت أغراض

ورحت للاستراحة وكان فيه حارس بنغالي

فتح لي الباب


ودخلت السيارة داخل الاستراحة

لأن فيها اغراض ثقيلة

.
.

ولما نرلتها

قالت طيب تكفا نظف المكان ورتبه وغير موية المسبح

لأن فيه ناس بيجون الليلة

وبعطيك مية ريال حق شغلك في الاستراحة

وفعلا قلت مية ريال " ماهيب شينه "

.
.

ونظفت الاستراحة وأنا جالس عند دينو الماء

سمعت ونانات الشرطة قريبه بس ما خطر في بالي انها

جايه على شان أخوك الغافل جاسر

ويضحك بصوت عالي

ويكمل

في لحظة خرجت علي المرة ..

في لحظة دخول اشرطة اللي مسكوني

بقوة .. وسحبوني للسيارة

وأنا فااااااااتح فمي

ما أدري وش السالفة

.
.

رحت مع الشرطة

وبدأ التحقيق بأني أتحرش بالمرة

وأني حاولت أعتدي عليها

بالضرب ..

.
.

وطااااااااااااااح قلبي

.
.

المهم دخلت السجن

وأمي ماتدري

وأنا تايه

.
.

فكرت أتصل بواحد من جماعتنا عشان يروح يطمن أمي

لكن خفت وترددت .. وش بيصير لأمي اذا كلمتها

وعرفت اني في السجن

.
.

لكن أهون تعرف .. من أنها تبقى قلقانه

.
.

اتصلت بقريبنا وراح وأخبر أمي

.
.

وفي الليل لقبت قريبنا يتصل

ورديت

.
.

وسمعت صوت أمي

ألو .. جاسر

.
.

تلخبطت .. وقلت

لبيه

قالت

" عساك طيب "

قلت

" الحمد لله "

قالت

" عسى مازليت "

مازليت باللهجة العامية " أخطأت "

رد جاسر

" لأ يا أمي .. والله اني ما أخطيت "

قالت

" أجل لا تخاف .. ربي بيفرجها عليك، أما أنا فلا تخاف علي "



وسكرت السماعة أمي

.
.

يااااااااااااااااالله

ما أقواها أمي

وأنا اللي كنت خايف تنهار

كنت خايف يحصل لها أزمة ..

.
.

كانت أقوى مني

.
.

فعلا .. شعرت ان القريب من الله

ربي يعطيه من قوته .. من حكمته ..

.
.

أرتحت مرررررررررررررررررة

.
.

زالت عني كل الهموم

من لحظة سمعت كلمتين أمي

.
.

" لاتخاف .. ربي بيفرجها عليك "

.
.

قوية قوية قوية أم جاسر

رغم سنها الكبير .. وضعفها كأنثى

وعايشة لوحدها .. ومريضة

لكن حسيت أنها أقوى من العالم

.
.

[TCHECO]

صباحكم .. خبرات وتجارب

صباحكم .. عقول متفتحة .. وقلوب بيضاء

تتعلم مع كل اشراقة شمس

نفوس تتزكى .. وهمم ترتقي

.
.

لا أزال خلف القضبان

أحمل روح انسان

يصارع الواقع .. في السجن

لا عمل أقوم به .. سوى الانتظار

والملل يغلف أجواء الزنزانة .. وروائح السجائر

.
.

أحيانا أقول .. أنها فرصتي لأتعلم .. وأطبق .. وأتعرف أكثر على

تجارب الآخرين عن قرب، حيث يوجد أناس عاشوا تجاربهم الذاتية

ووصلوا الى هنا على قدر الله .. لأجدها فرصة .. وأتعلم



وأحيانا تعتصر المرارة والحسرة أعماقي

وأستعيد شريط ذكرياتي .. وأراجع أخطائي

كما تتزاحم صور وكلمات الناس

من أقاربي .. وماذا يمكن

أن بقولون عن سعيد

الرجل المثقف الواعي القدوة

.
.

لا بد أنهم الآن يشمتون بي .. ويستهزون

.
.

وأغرق في بحر متلاطم من الأفكار والمشاعر

حتى أستصغر ذاتي .. وأشعر بالحسرة عليها



وفي قاع الألم .. أشعر بقوة خارقة

تدفعني الى أعلى فأنتفض

وأقول

( لن تتوقف الحياة عند هذا الحد ، وكيف ستختبر ياسعيد قوتك .. وقدرتك على التعامل الصحيح مع المشكلات .. )

.
.

وأستعيد توازني قليلا قليلا .. وأبدأ في تغيير

مسارات تفكيري .. لأحولها الى المستقبل

بعد أن أخرج وأنا لدي كم هائل من الخبرات والتجارب

توازي كل ماتعلمته نظريا

.
.

لا بد وأن هذه الخبرات ستضيف شيئا جديدا لحياتي

.
.

وأهدأ

.
.

لافكر بهدوء عميق

فيما أسمعه من أبوناصر

ومن جاسر

.
.

وفي كل حكاية من حكاياتهم الكثير من الهدايا

المغلفة بدموع وألم التجربة

فقط كا ما أحتاجه أن أستعيد

كلماتهم التي قالوها

وأشعر بها

وأستخرج منها تلك الهدايا

.
.

واليوم .. أجد نفسي

أروي معاناة مررت بها .. وأنتهت ولفها الماضي بوشاحه

ولم يتبقى منها سوى كلمات .. من نور

أتذكر تفاصيلها .. وأبكي أحيانا

وأنا أستعيد تلك الذكريات

أشعر بالفخر العميق

والحنين لأولئك الأساتذه

الذين تعلمت على أيديهم .. خلف القضبان

.
.

والآن

أريد منكم جميعا التوقف هنا

واعادة القراءة من بداياتي


.

أرجوكم .. ستجدون في أعماق الحكايات

دروس .. ودروس

عيشوها

واستشعروا نعمة الله علينا جميعا

بأن وهبنا هذه الدروس والخبرات

دون أن نقع في معاناة التجربة