عيدكم مبارك " أقتراح لأهل الرياض وخاصة اللي عندهم بحوث وعمليات pad 351"

[فهد العنزان]

المشاركة الأصلية كتبت بواسطة مشوار طويل وسجل عندك انا ..اثنين طلاب .... بعد اذن الاداره... نبي طالب عن طريق الخاص نرسل له ارقامنا ويشوف عدد الطلاب وينسق مع الغزالي يجي للرياض .. ويتفق معاه على السعر وعلى موقع التدريس..وعلى عدد الحصص..اقل شي لمدة عشر ايام.... بالنسبه لمكان التدريس .. اقرب مدرسه اهليه يأجرون علينا فصل وبسعر حلو.. بالتوفيق....

تواصل مع أخي مستشفى لكي يرتب لكم الأمر مع الاستاذ/أحمد الغزالي وسوف تكون بادرة جميلة والمرة الأولى التي يتواصل بها الاستاذ على مدى سنوات عدة بطلاب الرياض
بالتوفيق

[أبو دانا]

ماحد تطرق للسعر ابداً ؟ شدعوة والله السعر صار يفرق

بصراحة مانبي ارقام فلكية,,

كافي علينا مصاريف

[مستشفى]

حياكم جميعا
بنسبة اكون انسقه معه
فاعفوني أخواني الطلبه " لظروف خاصة " عن هذا التنسيق
أنتم كلموه و نسقوا معه وان شاء الله مابقصر " وعندي أثنين من الطلبة من القسم الاخرى عندهم المادة هذي
مع أني أتصلت عليه اليوم و الى الان مرحب بالفكرة بس أهم شئ يكون عدد كافي للحضور
الملبغ اذكر انه 800 للطالب اذا ماخاب ظني
بتوفيق للجميع

[صبا نجد]

وسجل معاك اثنين نفر .

[أبو دانا]

ياليت الي كلمو الاستاذ يقولون لنا كم قالهم السعر !

[غازي الحارثي]

سجل معاك..منزل المادة وإن شاء الله معكم باذن الله تعالي

[أبو طلال22]

السلام عليكم
وكل عام وانتم بخير

توي مكلم الاستاذ احمد الغزالي وسألته اذا بينزل للرياض وقال انا مااعرف ولا شي بالرياض ويقول ماكلمني الا طالب واحد وانت الثاني ويقول لو جيت للرياض اسبوع واحد بس وطريقة التدريس تكون على شكل قروبات صغيره او معهد او مكان يستأجر
وسألته عن السعر ويقول ماعملت حساباتي اذا بجي للرياض بجدة اخذ 800 ريال

فيه مدرس في شارع الخزان اعطاني رقمه واحد من الشباب في المنتدى اسمه متولي كلمته قبل العيد واتفقت معاه على 800 ريال يقول ببدأ معاك بعد العيد ويمدحون هذا المدرس والله اعلم
وش رايكم ياشباب ؟

[أبو دانا]

بالنسبة لي اظن بسجل بمعهد جربته في مادة محاسبة حكومية وكانت رسومهم 700 ريال والحمدلله اخذت 86

والظاهر بسجل عندهم ودراستهم اسبوعين كل يوم حصة

انا الغزالي بصراحة صعبة يحشو راسي بمعلومات طويلة باسبوع مايمديني اركز


عموما بالتوفيق للجميع

[أبو طلال22]

المشاركة الأصلية كتبت بواسطة أبو دانا بالنسبة لي اظن بسجل بمعهد جربته في مادة محاسبة حكومية وكانت رسومهم 700 ريال والحمدلله اخذت 86 والظاهر بسجل عندهم ودراستهم اسبوعين كل يوم حصة انا الغزالي بصراحة صعبة يحشو راسي بمعلومات طويلة باسبوع مايمديني اركز عموما بالتوفيق للجميع

اخوي ابو دانا

من وجهة نظري استاذ متولي بيصلح لك يقول لي يوم كلمته ببدأ معاك من بعد العيد منهج كامل ومراجعة اسئلة وحل تمارين حسيت انه مريح من كلامه وقبل مااكلمه فيه واحد معانا من الشباب في المنتدى ينصح فيه ويقول ممتاز تدريسه وطريقته وياخذ على هذا كله 800 ريال وانا وببدأ معاه ان شاء الله
بالنسبة لي انا اشوف سعره مناسب جداً قياساً على المدرسين اللي سبق وجبتهم
حبيت انقل لك وجهة نظري

بالتوفيق لك وللجميع

[مشوار طويل]

إهلين بالأخوان
أنا راح أتولى التنسيق وإنشاءالله الله يوفقني وأكون عند حسن ظنكم
أنا كلمت الغزالي وماعنده مانع يجي للرياض إذا فيه عدد كافي
إلي أبيه منكم أكل واحد يرسلي رساله ويكتب اسمه غسان أعرفه
ؤاعرف عدد الطلاب إوأقدر انشق معاه يجي الاسبوع الجائ