نظام الكليه في الفصل بين الجنسين

[No0o0oN]

المشاركة الأصلية كتبت بواسطة dr.am اختي والله اذا الله كاتب لك تدخلي طب حتتسهل امورك تخيلي انا درست التحضيري وانا متزوجة وعندي بنت كمان ولا كان عائق لي ابد وجبت نسبة الحمد لله حلوة وزوجي غيور ومتأكدة اكثر غيرة من ابوكي وكان رافض بتاتا الطب حتى كنت شايلته من راسي ولما جاء التسكين حطيت كلية الحاسب وطلعت نتائج التسكين زي ما اخترتها وبعدها لما الله اراد سخر لي زوجي وهو اللي جاء وقال لي ادخل طب ورحت وجيت للجامعة عشان التحويل كذامرة وبعدين استخرت ألاف المرات لاني حسيت مالي نصيب وفجأة جتني رسالة على جوالي بتغيير التخصص صحيح ان زوجي كان قلقان بس انا فهمته ايش معنى الأختلاط ومتى يكون وثقته فيني كبيرة ولله الحمد انتي استنتجي من قصتي اشياء كثيرة ويارب اكون ساعدتك

ما شاء الله تبارك الله ..مبروك التحويل ..
الله يوفقك ..و نشوفك معانا ...

[Ahmad-k-92]

بالتوفيق بالتحضيري .. وشدي حيلك

والي كاتبة ربي بيسير انشاء لله ...

[No0o0oN]

الله يوفقك يا صاحبه الموضوع ..
و ييسر لك الخير اينما كان ويرضيك به ..
اللهم آميين ..

[ــــــــــ]

حبيبتي الطب كله زي بعضه
كله فيه إختلاط والإختلاط محرم ولايوجد أحد من علماؤنا حفظهم الله أباح الإختلاط لأجل الدراسة
وتذكري قول الله سبحانه وتعالى : (( ومن يتق الله يجعل له مخرجا ))

المهم ,,,
فأنتِ ذحين قدامك سنة كاملة ... كل ماصليت ِ ادعي ربي يرزقك بالتخصص اللي فيه الخير لك
وكلنا ماحد يعرف فين الخير له .. الخيرة فيما اختاره الله ..
أحيانا الواحد يدخل تخصص وهو مو حابه أبددداً ... لكن بعدين بيرتاح فيه ويعجبه .. وربي بيبااااااااارك له فيه ..
فأنت ِ دائماً ادعي إن ربي يرزقك التخصص اللي فيه الخير لكِ ,,,
وربي يوفقك في الدنيا والآخرة ,,,
ويـــــــــــــــرزقك كـــــــــــل الخيــــــــــــــر ,,,

[yaa raab]

وعليكم السلام السنوات الأساسية في الطب ( ثانية وثالث ) مافيها اختلاط لا في الفصول ولا في المعامل بصراحة فيه دورات قليلة في سنة ثانية ممكن يكون فيها اختلاط .. وفيه دكاترة رجال ممكن يدرسوكم لكن الإختلاط الفعلي يبدأ من سنة رابع والإختلاط يكون في المستشفى او اذا كان فيه شغل ميداني خارج الجامعة ويكون تحت اشراف اداري وفيه قوانين وضوابط تعرفيها بعدين لما تدخلي الكلية

هل دا برضو في طب الاسنان ؟

والعلوم التطبيقيه كيف كمان ؟

[واثق الخطا]

الإختلاط حرام ؟؟؟؟!!!!!

ايش تعريفكم للإختلاط اصلا وبناء عليه يفرق الحكم ويختلف الكلام ...

السنوات الأساسية في الطب البشري وطب الأسنان اللي هي 2 و 3 ما فيها اختلاط يبدا العمل في المستشفى من سنة 4 وقتها و بسبب طبيعة المستشفى يكون فيه اختلاط وفي النهاية ترى الأغلبية ناس محترمين وطلاب طب يعني هم الواحد فيهم يشغله عن التوافه هذي

الله يوفقك في التحضيري و يكتب لك اللي فيه خير

:)

[yaa raab]

طيب سنة 4و5و6 بشري الاختلاط فيها يكون انو الاولاد يدروسون كذا مع البنات ؟!
اذا الاولاد بجهه ونحنا بجهة تانية كذا معقوله
لكن سمعت انو ندرس مع بعض في نفس الوقت يعني صعبه ابويا يسمحلي ادرس مع اولاد

[No0o0oN]

المشاركة الأصلية كتبت بواسطة yaa raab طيب سنة 4و5و6 بشري الاختلاط فيها يكون انو الاولاد يدروسون كذا مع البنات ؟! اذا الاولاد بجهه ونحنا بجهة تانية كذا معقوله لكن سمعت انو ندرس مع بعض في نفس الوقت يعني صعبه ابويا يسمحلي ادرس مع اولاد

شوفي ياحلوه هذا ردي لك في موضوعك اللي في منتدى الاسنان ..

المشاركة الأصلية كتبت بواسطة no0o0on لا ياحلوه ..مين اللي قال انه البشري في سنوات الكلينك يدرسوا البنات و الاولاد مختلط .. لا حتى كل منهم له مواد غير .. يعني متلا في سنه رابع البنات الترم الاول ياخذوا جراحه عامه و مواد تانيه وكدا .. اما الاولاد في الترم الاول احصاء طبي وطب أسره مجتمع .. وغيرها والترم التاني يتبادلوا المواد -يعني مو مع بعض و المواد مختلفه كمان - وكمان في كل السنوات بس ممكن البنات يدرسوهم دكاتره رجال.. فمستحيل يخلوا الاولاد والبنات يدرسوا مع بعض بقاعه وحده .. فهمتي .. ولا تخافي اذا الله كاتب لك انك تدخلي طب بشري او اسنان او اي تخصص .. رح تدخلي باذن الله .. ولا تنسي انه لسى وراك سنه تحضيريه .. موفقه ..

يعني المواد مختلفه زي احنا في التحضيري خطه ب و أ

[Beeshoob]

الاختلاط محرم

امممم

وكل من يفعل المحرمات فهو مذنب واثم

اذن بمان الطب فيه اختلاط ف الطبيب مذنب والطبيبه مذنبه والممرض والممرضه والمريض بنفسو والمريضه

واللسته اطول منها مافي

يااااجماعه الحرام فعلا

اننا نفتي من عندنا نحرم ونحلل لا وندخل كل العلماء معانا ويصير تبلي كمان وذنبين في نفس الوقت

يااا قوم اتقو الله ايش الكلام دا

المحرم هوا الخلوه اواختلاط على مفسده

والطب ليس مفسده ولا مكان الرسول جعل لرفيدة الاسلمية خيمه في المسجد النبوي تداوي فيها جرحى الغزوات والمعارك

هي ومن معاها من الصحابيات ولاحظو هي والصحابيات يداون الرجال الجرحي في بقعه مقدسه بعلم رسول الله

وفي بعض الاحيان كان يرسل لها الجرحي لتداويهم

[Dr.Passed]

المشاركة الأصلية كتبت بواسطة beeshoob الاختلاط محرم امممم وكل من يفعل المحرمات فهو مذنب واثم اذن بمان الطب فيه اختلاط ف الطبيب مذنب والطبيبه مذنبه والممرض والممرضه والمريض بنفسو والمريضه واللسته اطول منها مافي _________________________________________ يااااجماعه الحرام فعلا اننا نفتي من عندنا نحرم ونحلل لا وندخل كل العلماء معانا ويصير تبلي كمان وذنبين في نفس الوقت يااا قوم اتقو الله ايش الكلام دا المحرم هوا الخلوه اواختلاط على مفسده والطب ليس مفسده ولا مكان الرسول جعل لرفيدة الاسلمية خيمه في المسجد النبوي تداوي فيها جرحى الغزوات والمعارك هي ومن معاها من الصحابيات ولاحظو هي والصحابيات يداون الرجال الجرحي في بقعه مقدسه بعلم رسول الله وفي بعض الاحيان كان يرسل لها الجرحي لتداويهم

ههههههههههههه لسا كنت حضارب معاكي بعدين قلت مايسير كده نقرا نص الكلام وننفلت على الناس نشوف ايش يبغو يقولو اول :p