ظــــاهــرة الغــش اثــــنــاء الاختبارات ؟!.

[نجوله>>]

هههههههههههههه اما البنات برستيج مااشوف الا الوحده رازه عمرها فديتهم
ماعندهم حركات نص كم كل وحده قاضبه القلم وجاهزه
اما الي يسأل وش الماده هههههههههههههههههه ماعنده احساس هذا متبلد

[رسمي]

الموضوع سهل ..

اللي مايبي وجع الراس

يجلس أول صف ويرتاح

تحياتي ..

[MiSs PaRiS]

ههههههههههههههههههههههههههه
هههههههههه والله يا اني ضحكت ضحك

خصوصا الاخ لوفنق يوم قال خربت الخطة ههههههههه
ومن كلامكم انه غصب تغششني


انا اليوم في ثنتين قدامي اقلقوني الله يصلحهم والمشكة اصواتهم عالية
والمشرفة لاحظت وعصبت عليهم , بالله وش استفدتم ماغير طاحت وجيهكم !

[SkAyLaR]

والله لو انا منك اقولو تووكل بسس ..

آول شي إذآ غششتو تتحمل ذنبو وانت في اختبارات وتتمنى من الله التوفيق !!

وما اعتقد ربي حيوفقك وانت تغشش ؟؟

ثآني شي انت تقعد تذاكر وتكررف وفي النهايه يجي واحد بليد ماعندو احساس وياخذ الاجوبه على طبق من ذهب !

لييييييه !!!!!!!!!!

والله عيب الحركات دي ..

الواحد كبير مو صغير ويجي يقلك غششني !!

استحي على وجهك طالب جامعي وتفكيرك تفكير مبزره !!

اذا انت مو قد الجامعه يآآخي لا تدرس واعطي غيرك الفرررصه !!

اخذت حيز وضيعت فلووسك على الفاااضي وانت مو وجه تعليم ودراااسه

افتكر مرره صارلي موقف جاني واحد في قاعة الاختبار سلم عليا وقلي مذاكر ؟

قلت ايوا الحمدلله ..

مادريت ان الدعووه غششش !!

الرجال جلس جمبي .. ويوم بدينا الاختبار !!

والرجال يحاول يغششش !!

غطيت الورقه بيدي بحيث انو مايقدر يشوف الاجابات حقتي .. خخخ

والله اذاكر واكررف وفي النهايه ياخذها بارده مبرررده ..

لا والله بدررري عليه وعلى من علىى شاكلته !!

[الوثلاني]

بعض الناس ودك تعطيه الثلاث الاف وتقوله اطلع من الجامعة !!!

[عاشق الماضي]

.






واحد عيا يخليني اجلس في الكرسي >> يقول هذا محجوز للي مذاكر ويبي يعلمني >> يعني ياتغششني ياماتجلس هنا ..>> على طول غيرت القاعه والدور كله ولوكان بيدي غيرت الجامعه والمدينه والدوله والقاره والكوكب .. لاني حسيت انه يبي يلعن اللي ما يغششه ..ويقلب القاعه مصارعه حره واللي يعلق الراشد.. وضربه خطافيه ...

[طالب علم9]

الله يعين الجمييييييييييييييييييييييع

[ابو اسامه 106]

غيرت القاعه والدور كله ولوكان بيدي غيرت الجامعه والمدينه والدوله والقاره والكوكب


باقي المجره ودرب التبانه

[Nada AlWard]

هههههههههههه يالعيال والله حالتكم صعب
انا والله ماعمري شفت احد يغش من البنات الا اللهم في اختبار واحد
اختبار البديل حق المطر يوم كانت الايام بعد المطر سمعت البنات يغششون
وانا جيت متأخره وهم بيطلعووون والمراقبه منعتهم عشان انا جيت متاخر خخخ
في ذيك الوقت سمعت الغش والمشكله مابي مساعدتهم بس يبوني اخلص بسرعه
ومع ذلك ماسمعت كلامهم وحليت اللي انا اعرفه واللي ذاكرته والحمدلله جبت درجه كويسه
يافيكم جرأه انتو يالشباب احس اني لو اطالع يمين يسار راح انطرد ولا افكر اغش حتى لو ماذاكرت
اتوكل على رب العالمين واللي مكتوب لي يصيبني

[ساهي]

ياشباب ترى الغالبية من هالنوعية مايعرفون للمنتدى ولا يدخلون ابدا
ولو قلت له تعال معي على جرير خذ لك جهاز ..وادخل المنتدى .. كأنك أهنته
بس يجي يوم الاختبار ويهين نفسه عند الطلاب والدكاتره بالغش شيء عادي

فعلا . فليسقط الغشاشين..