على من الممكن ان تحب شخص دون انا تراه؟( موضوع للنقاش)

[نضال]

انا من الناس اللي بدؤا يؤمنوا ان الحب ما يتولد الا من العشرة

لان الحديث الجانبي لفترة

او الاستماع لصوت شخص " دافي الصوت "

ممكن يولد لاي شخص مننا مشاعر فياضه تجاهه

سرعان ما تبداء دي المشاعر تفقد بيريقها و لمعانها لان الشي اللي يجي بسرعه يزول بسرعه

عشان كدا

انا اعتقد ان الماسنجر وسيلة للتقريب بين القلوب , لكن ماهو شرط نجاح كل علاقة من خلاله ,,

تبغوا تشوفوا الحب على اصوله ؟؟!!

روحوا لجيل ابائنا و امهاتنا

[lazlo0oza]

حـب النت والمسنجـر والتليفـون حـب مؤقـت وزائـل...

واستحالـه احـب شخص عن طريـق النـت وتتكـون بيننـا عـلاقـه لان مصيرهــا تنتهــي... بس ممكـن يكـون بيننـا حـب وصـــداقـة

عشـان العشـرة والايـام اللي قضيناها مع بعض( يعني حب عشرة وبس) وخاصـة اذا كانت فترة معرفتنا طويلــة..

وفعــلا يانضال الشئ اللي يجي بسرعــة يروح بسرعــة...و لو نبـي نعـرف الحــب على اصـولــه نشـوف حـب الأبــاء والاجـــداد..

والحـب الحين صـار وسيلـة للعـب والتسليـة الا القلـة منـه... لانهـم مابيعرفـو وش معنى الحـب الحقيقـي...

[x_bioc]

الحب الي اتكلم عنه نضال شي و الحب في الله شي ثاني




خلينا نحط النقط عالحروف


شي طبيعي ان الناس الطيبه تتحب في الله و قلب الانسان مليان مشاعر و عروووق و خليا

يعني مهما حب الانسان محا تتغير مشاعره و احاسيسه بالعكس حينسا الناس الي يكرههم و حيكبر قلبه

و نا شايف ان الحب دا يكثر في العلاقات الجانبيه مع الجنس الاخر : سواء نت او عمل او تلفون او حتى G F

هدول الناس الواحد ما يخاف لمن يفتحلهم قلبه و يصارحم بمواضيع خصوصية بسبب انهم قريبين حسسيا و معنويا

و بعيدين فعليا ً ( فهمتو قصدي )

و بمجرد انك تفتح قلبك لانسان و تشكيلو و تفضفضله حيكون دخل قلبك و سار في حب صادق يجمعكم

و احتمال كبير يطور الموضوع و يسير حب حقيقي ينتهي بزواج اذا اتوفرت شرووط معينة يتفق عليها الطرفين

و الحب دا محا يكمل الا بالعشرة زي ما قال الاخ نضال ( يعني مع العشرة حيتضاعف الحب مئات المرات )

و اكيد اللي حببوو و اتزوجو عارفين الشي دا



و الجزء الثاني من هذا الحب نسبتو قليله و مو شرط يكون مع الجنس الاخر ، و في الغالب يكون مع شخص اكبر

في السن ، سواء ام ، اب ، خالة ، عمة ، خال ، عم ، صديق ، صديقة ........................ الخ


سبحان الله لا اراديا تلاقي الواحد فينا متعلق في واحد من هؤلاء اكثر من غيره و اي مشكله تحدث لانسان دا

تلاقيه اول شي يفكر فيه يتصل بالشخص دا اللي يحبو


و هذي نادرا ما تحدث في النت او التلفون و نادرا ما تنتهي بحب حقيقي ( زواج )


lazlo0oza

حـب الأبــاء والاجـــداد..

نضال انت رد عليها ..................... اعرفك تحب النقاش اللي من النوع دا هيهييييييييييييييي

حـب النت والمسنجـر والتليفـون حـب مؤقـت وزائـل...

حاجه ما جربتيها لا تتكلمي عنها ...................


في فرق بين حب العيال اللي بيسير في الشات و حب الكبار العاقلين الي ينتهي بالزواج


قلووب الناس مهي لعبة تحب مؤقت ( حب العيال)

الشئ اللي يجي بسرعــة يروح بسرعــة

ما ادري ايش دخل الكلام دا في الموضوع



بالعكس انا شايف ان الحب بعد الزواج يجي بسرعة

[نضال]

بايوك انت خلطت الابيض في الاسود !!

الحب في الله شي و الحب اللي انا اتكلمت عنه شي تاني


انا بصراحة مؤمن ان جيل ابائنا و اجدادنا كان يعطي للحب معاني اكبر و اجمل من المعاني اللي بنعطيها احنا للحب

الحب في جيلنا صار يمثل كلمتين حلوة على كم لحظة مشاعر جارفة و السلام بعكس جيل ابائنا

معظمنا يمقت دي النظره في الحب , لكن معظمنا بيطبقها و هوا ما يدري

فيه احصائيه عملتها جهة اجتماعيه اثبتت ان 80% من علاقات الجوال علاقات فاشلة ,,

و نسبة كبيرة من الزواجات اللي تتم عن دا الطريق زواجات فاشلة و غير سعيدة في نفس الوقت , و دا الكلام ماهو من عندي

من عند نفس الجهة الاجتماعيه اللي عملت احصائياتها , و احصائياتها كانت على اشخاص لهم علاقة وثيقة بتجربة الحب و الزواج

=============
و بمجرد انك تفتح قلبك لانسان و تشكيلو و تفضفضله حيكون دخل قلبك و سار في حب صادق يجمعكم

و احتمال كبير يطور الموضوع و يسير حب حقيقي ينتهي بزواج اذا اتوفرت شرووط معينة يتفق عليها الطرفين

و الحب دا محا يكمل الا بالعشرة زي ما قال الاخ نضال ( يعني مع العشرة حيتضاعف الحب مئات المرات )

و اكيد اللي حببوو و اتزوجو عارفين الشي دا
=============

انا اشوف في دا المقطع انك اتفقت معايه اتفاق شبه كامل


آخر اقتباسين في ردك يا بايوك

"حـب النت والمسنجـر والتليفـون حـب مؤقـت وزائـل..."

هو بالفعل حب زائل و مؤقت لان شروط اقامة العلاقة الناجحة تكاد تكون معدومة فيه ..

ما قد سمعت ان العين تعشق قبل الاذن ؟

انت او انا او اي احد من الشباب , لو شاف وحدة حلوة في الشارع ممكن يحس باعجاب قوي تجاهها , " تختلف ردة الفعل تجاه دا الاعجاب بختلاف الشخص ,,, فيه ناس اول شي تصلح الشماغ , فيه ناس تفشخ فمها و تبتسم, فيه ناس تدور على قلم و ورقة و فيه ناس ترخي عينها في الارض .. مو دا موضوعنا "

لكن لو قابلت وحدة على الماسنجر , يمكن يعجبك كلامها او صوتها لو كنتوا على الجوال لكن بمجرد ما تشوفها حتختل نسبة التوافق بينك و بينها او بينك و بينه اذا كانت عكس اللي تخيلته عنها

و السبب واضح

انت جالس ترسم في بالك صورة لهدا الشخص و احتمال كبير ما تطابق الصورة الواقع


على دا الاساس , حب الماسنجر و التلفون حب زائل و مؤقت



اما الاقتباس الثاني

"الشئ اللي يجي بسرعــة يروح بسرعــة"

اعتقد انك اذا تعلقت بشخص معين و حبيته في وقت قصير ..

حتقدر تنساه او تتناساه في نفس الوقت القصير دا

خد على سبيل المثال

دائما اذا حصلت اتنين عايشين مع بعضهم لمدة 15 سنة مثلا او اكتر , و حصل بينهم مشكلة لا سمح الله


حتلاقي احتمال انفصالهم ضئيل , لن كل واحد اتعود على وجود التاني في حياته للدرجة اللي ما تسمح لهم انهم يفكروا كيف بتكون الحياة بدون التاني

لكن في حالات حديثي الزواج ,, تحصل نسبة الطلاق جدا مرتفعه , و خصوصا في دي السنوات , و الاحصائيات تتكلم

الرياض مثلا نسبة الطلاق في السنة ماضية وصلت اكتر من 40% من حالات الزواج اللي حصلت في نفس السنة

و السبب واضح

اللي عاشوا مع بعضهم لفترة اطول حصل بينهم عشرة زي ما انت قلت يا بايوك بعكس اللي دوبهم متزوجين

و الحب زي ما انت قلت يزيد و يقوى مع العشرة


اسف على الاطالة بس الموضوع شدني :)