الحب حلال أم حرام ؟؟

[dr_love]

نووودي موضوعك اكثر من رائع
تسلم الايادي والله يهدي الشباب والفتيات

[Taurus]

أخي الكريم الحب ليس بحرام ولكن اللعب على بنات الناس بأسم الحب هو الحرام , وتمضية الوقت لأجل التسلية بأسم الحب هو الحرام , واللعب بمشاعر الآخرين بأسم الحب هو الحرام ..

طيب أبغى أعرف ايش حدود الحب الحلال بالزبط ؟

[NooDy]

اول شي انا بنووووووووووووووووته انا فتاااااة حرام عليكم لاتخدشولي انوثتي .

بالله في ولد اسمه نودي ممكن مودي ,و الي حيقولي مشكور ومدري ايه ياويله مني حينضرب ..

شكرا رياض , د.هاني, ويزارد, dr.love, و توروس على مروركم :)

يااخ رياض والله العظيم انا ماكنت عارفه ايش يعني اسمك وعرفته .. انته ليه زعلان من سؤالي ؟ ترى ماقصدت شي..

ويزارد ده جاني ايميل وفنهايته كان مكتوب اسم شيخ .. ولو مو الي كاتبه شيخ وكاتبه انسان عادي فهو كلام منطقي ونضيف.

توروس حبيبي انا مني مفتية افتيلك فده الموضوع بس حقولك رايي فضوابط الحب الحلال لانه الحب بحد ذاته مو حرام والرسول حلله , يعني لو كل انسان فكر فحبيبه بطريقه صح ونضيفه واعتبر علاقته بيها عشان من جد يبغاها تكون زوجته كان سار حب حلال, مو يلعب بيها وياخد الي يبغاه باسم الحب, كل الناس معتقده انه الحب واصحابه بطالين , ليه ؟ لانه الكل سار يشوف الحب من منظور واحد انه لازم اي علاقة حب بين اتنين تكون بقلة ادب ويعملوا الحرام بس عشان يحبوا بعض .. والله مو شرط الحب يكون بقلة الادب .
ونقول طب كيف حيقابلوا بعض ؟ لانه حرام يشوفها. ايش فيها لما تقابله بحجابها فمكان عام..
وعالمكالمات , يقدروا يتكلموا بادبهم من غير مايتعدوا حدود الادب .. واولا واخيرا يكون الهدف من ده كله الارتباط بالحلال مو تسلية وتضييع وقت .. ويضعوا الله امام اعينهم فكل شي يعملوه او يقولوه مع بعض ...

وفي النهاية ده رأيي وقد يخطئ ويصيب _دي كلمة عاشق الله يذكره بالخير :) _ شكرا واسفه طولت عليكم

[Taurus]

شكرًا يانودي يا حياتي...
رأيك يهمني و أحترمه بس أختلف معاكي شوية في نقطة المقابلة
لأنو حتجر بلاوي..
و بعدين ديننا بعدنا عن الاختلاط لما يجره من شر عظيم..
صدقيني الحب إذا كان مخفي فالغالب انو حرام لأنو (الإثم ما حاك في نفسك و خشيت أن يطلع عليه الناس)
حدود الحب الحلال في نظري ضيقة خاصةً في زمن زي زمنا و لازم ننتبه لأنو بعض الناس في زمنا باعوا نفسهم للشيطان
و ياما بنات و أولاد انضحك عليهم باسم الحب...
و برضو زي ماقلتي و يقول أخويا العاشق هذا رأيي قد يخطيء و قد يصيب...
و مشكووورة يا عمري نوودي على ردك العسل الي زيك...

[NooDy]

صح كلامك توروس حبيبي انا معاكي . بس مافي حديث صحيح واكيد يأثم الاختلاط وانا شفتها ف يلا شباب وبردو الى الان ماجتمعوا جميع العلماء على غطا الوجه لانه في مذهب واحد من المذاهب حلل كشف الوجه بضوابط طبعا من غير ميك اب و تغطية الشعر كامل . فلو شافها كدا ماحيكون في بلاوي بعده , ده لو الاتنين عرفوا يحبوا صح وانتي فاهمه قصدي ..

وعموما الموضوع متفرع ويطول فيه النقاش :) الله يهدي الجميع للخير وال

صح

[NooDy]

صح كلامك توروس حبيبي انا معاكي . بس مافي حديث صحيح واكيد يأثم الاختلاط وانا شفتها ف يلا شباب وبردو الى الان ماجتمعوا جميع العلماء على غطا الوجه لانه في مذهب واحد من المذاهب حلل كشف الوجه بضوابط طبعا من غير ميك اب و تغطية الشعر كامل . فلو شافها كدا ماحيكون في بلاوي بعده , ده لو الاتنين عرفوا يحبوا صح وانتي فاهمه قصدي ..

وعموما الموضوع متفرع ويطول فيه النقاش :) الله يهدي الجميع للخير والصح

[wizard]

نودى حبيبتى اشكرك على راييك وانا معاكى في انا الحب حلال لكن كيف اقابله؟

[NooDy]

ياسلام سرت مفتي المنتتدى

انا من رايي انه لما الواحده تخرج متحجبه كويس يعني شعرها موباين منه شي ومهي حاطا ميك اب او حاطه

خفيف وفمكان عام . ايش المشكله ؟؟

انا ماحاحلل من عندي وافتي .. بس ده رايي اني احب بالطريقه دي ولا احب بطريقة الزمن ده .. وبردو موشرط يكون رايي صحيح وشكرا ..

[mooon_14]

نوودي
كلامك جميل بالفعل ..
ويشرح الصدر مع انو الموضوع من جد صعب .!
تسلمي عيوني .

[NooDy]

الله يسلم عيونك ياعيوني انتي ياقمر ..

وشكرا على مرورك حبيبي :)