بحث التخرررج >>هيلب مي بلييز

[nana14]

المشاركة الأصلية كتبت بواسطة سمورة اخت نانا اللة يوفقك ويطمنك انا مرة خايفة من البحث انا كمان مع هبة بس خايفة من الوقت مايكفي حبيت اعرف كم الوقت اللازم من بداية البحث حتى تخلصية وكيف تجيبي عينة وتطبقي عليها ومن فين مصادر للبحث انا اسفة طولت ودوختك بس اللة يشفي زوجك ويحقق امانيك

حبيبتي لاتخافي ولاتشيلي هم الوقت اكيد يكفي لانك انتي ماحتبداي من بعد الدوره

حتبداي من ايام الدوره تختاري الموضوع مع الدكتوره هبه وبعدين هيا تقولك المقاييس

اللي حتشتغلي عليها وتروحي تجيبيها من معمل علم النفس اللي في المبني الثامن وترجعليها

وتوريكي طريقه تصحيح المقاييس وبعدها تبداي تجيبي الاشياء التانيه من مراجع ودراسات

سابقه والاشاء الثانيه بس نصيحتي لكي ماتستني لين بعد الدوره يعني من اول يوم في الدوره

تبداي لانه الدوره حتكون 3 اسابيع وبعد الدوره لين الاختبارات كمان 3 اسابيع يعني شهر واسبوعين

اعتقد بالراااااحه تكفي ان شاء الله بس ابداي بدري بدري وان شاء الله تخلصي

بالنسبه للعينه حسب موضوعك يعني انا موضوعي كان على طالبات المرحه الثانويه وانا احسه افضل من مقارنه بين طلاب وطالبات تروحي لاي مدرسه وطبعا حتكوني مصوره المقاييس ( الاختبارات) وتوزعيها على الطالبات وهما يجاوبو عليها في الغالب الدكتوره هبه تحدد 30 عينه (طالبه) لكل اختبار وترجعي تجمعيهم وخلاص بس برضه دا لازم تسويه قبل بدايه البحث وتخلصي منه بدري لانه لسا حيكون يبغالها تصحيح

مصادر البحث مالك غير مكان واحد حتلاقي فيه كل اللي تبغي والله يعينك مكتبه الجامعه حتلاقي فيه

فيه بحوث شابقه تقدري تطلعي عليها والكتب والمراجع والدراسات السابقه كمان كله من المكتبه

لاتتعبي نفسك وتدوري في النت تقريبا ماحتلاقي كل اللي تبغيه الافضل مكتبه الجامعه وبرضه الله يعينك عليهم حتتعبي شويه في المكتبه لما تدوري على اشياءك



بس لاتشيلي هم الدكتوره حتكون معاكي خطوه بخطوه واهم شئ تروحيلها بعد كل شئ تسويه في البحث دا حيسهل عليكي المناقشه وممكن كمان لما تشوفك كتيير حتكون عارفه انه انتي اللي سويتي البحث وماوديتيه برا ماتناقشك وتريحك





وبالتوفيق ان شاء الله

يارب اكون افدتك زي ماانتي حابه

ومشكوره على دعواتك لزوجي الله يعطيكي العافيه

[نفول]

ااااااااااااااااااااااااب لعيون ميوره

[عاقله في زمن الجنون]

تسلموووووووووون بنات
ونفول خصوصا ماااااااقصرتي

[عاقله في زمن الجنون]

.................................................. ...............................

[اروى لول]

up up up

[غزال ما ينصاد]

معليش داخله عرض

عندي بحث وماني عارفه كيف اسوي مفحالي اسويه ابقى جاهز كيف ياليت احد يساعدني

[nana14]

المشاركة الأصلية كتبت بواسطة غزال ما ينصاد معليش داخله عرض عندي بحث وماني عارفه كيف اسوي مفحالي اسويه ابقى جاهز كيف ياليت احد يساعدني

عادي خذي راحتك
بس للاسف ماعندي اي فكره

[dhomi]

بنات وخصوصا اختي عاقله في زمن الجنون

يالغاليات الي موجوده بجده انصحكم بمراجعة استاذة البحث من الان حاولي توفري لك يوم قبل بداية الدوره ...افضل شيء عشان تخففوا الضغط عليكم ايام الدوره. مافي وقت بالذات الي معاهم التدريب والبحث بنفس الوقت..

واتمنى لكم التوفيق

[عاقله في زمن الجنون]

طيب اخر سؤال
البحث انتي تختاري موضوعه والا الاستاذه تعطيكي كذا موضوع وانتي تختاري بينهم

[nana14]

المشاركة الأصلية كتبت بواسطة عاقله في زمن الجنون طيب اخر سؤال البحث انتي تختاري موضوعه والا الاستاذه تعطيكي كذا موضوع وانتي تختاري بينهم

البحث اذا حضرتي من اول يوم للدوره الدكتوره تكون جايبه كذا موضوع يختارو
منه البنات واذا ماقدرتي تحضري من البدايه ممكن انتي تجيبي الموضوع وهيا تساعدك فيه
وتصيغلك هوا بحيث يكون موضوع للبحث

ممكن تسوي زي ماقالت ام دحوم الله يعطيها العافيه وتروحي للدكتوره قبل الدوره وبكذا
تستفيدي اكثر وتخلصي بدري

وبالتوفيق ان شاء الله