تفضلو خبرتي مع بعض الأستاذات.

[فراااااشة]

دراسات إدارية معاصرة منى الرفاعي جبت a+ في هالمادة.. المنهج كله 6 فصول وسهل جدا . الأستاذه حبوبه ونص الترم غايبه وأسئلتها مرررره سهله بس راجعو أسئلة الأترام اللي فاتت لأنها تجيب مثلها وعندها كم واجب بس كلها سهله. نزلوا المادة معها وانتو مرتاحين.

سهلة يعني ينفع اخدها اختياري ؟؟؟؟

النوع الاجتماعي وتنمية الموارد البشرية كاميليا الجنايني المادة بساعه بس الدكتورة مكبره الموضوع ومطلعه الساعه من عيون البنات. الماده سهله وتتكلم عن المرأة يعني مذاكرتها متعه بس المشكله في طلبات الدكتورة. توزيع الدرجات 20 إختبار دوري , 20 تطووع , 20 بحث تسوينه مع مجموعه وكانت محدده أربع مواضيع نختار منها, 40 نهائي . أسئلتها سهله .. بس المشكله هالتطوع والبحث صراااحه معقده الموضوع بزيادة مفروض تخلينا نختار بحث أو تطوع .

متاكدة اسالتها سهلة ؟؟ ولا مو مقالي

[FloOora NANO]

ماشاءالله عليكي بما إنك خبره ممكن تساعديني باسماء إستاذات رياضيات إحصاء وإش رأيك أخدهم مع بعض واحذف وحده من المواد اللي تحت ولا حيكونو صعبين مع بعض محاسبه 1 آمال عوض سلوك إنساني مع سحر آمين تسويق مع نجاح ماليه شركات مع نسمه

صراحة أنا في خطتي مادرست رياضيات درست بس إحصاء.
رياضيات + إحصاء لو أخذتيهم مع بعض بيكون صعب عليكي .
إحصاء أنا أخذتها مع دكتورة ما اذكر أسمها بس الماده مو سهله ويبغالها مذاكرة حتى الرياضيات نفس الشيء يبغالها شدة حيل يعني لو كل وحده بترم لحالها أحسن.
حلووو لوتاخذين رياضيات أو إحصاء يعني مادة وحده منهم بس مع المواد اللي ذكرتيها.
محاسبة 1 أنا أخذتها مع نهال الجندي وبصراحة ما اعرف آمال عوض بس أكيد البنات يفيدونك.
سلوك إنساني مع سحر آمين ... الدكتورة هاذي كويسه وتكلمت عنها وعن المادة.
تسويق مع نجاح .. ما اعرفها بس كثير يمدحونها وكثير يسبونها وانتي الحكم.
ماليه شركات مع نسمه .. أنا أخذت مالية شركات + استثمار مع نسمه بس لسه ماتكلمت عنها .. ولاتترددين إنك تآخذين المادة معها.

[FloOora NANO]

سهلة يعني ينفع اخدها اختياري ؟؟؟؟

سهلة جدا ومع الأستاذه هاذي حتكون أسهل.

متاكدة اسالتها سهلة ؟؟ ولا مو مقالي

أسئلتها عبارة عن صح وغلط واختياري , وبعد في سؤال ( تكلمي ) يعني تعطيكي موضوع وتقولك تفلسفي فيه على قد فلسفتك بتآخذين درجة .
واتذكر كان عليه 5 درجات في الدوري والنهائي .. غالبا هي مابتحاسبك على الكلام صح أو غلط لكن هي تقول إنها تحب تشوف وجهة نظر البنت.

[FloOora NANO]

استثمار + مالية شركات

نسمه حشمت

إنسانة مررره هادية وحبوبة وشرحها وافي وكافي ولازم تكونين معاها في كل محاظرة لأنك لو تغبيبين محاظرة وحده تحسين نفسك ضايعه.
تخليكي تكتبين معاها المحاظرات وأنا صراحه أفضل هذا الشيء لأنك تطلعين من المحاظرة فاهمه.
توزيع الدرجات 25 و25 دوري أول وثاني .. 10 واجبات , 40 نهائي .
أسئلتها عبارة عن إختياري ودايما تكون سهله وماتطلع عن شرحها بس يبغالك تكونين سريعه في الحل لأن الوقت يدووووووب يمديكي.

[tagread]

يعطيك العافيه والله يوفقك
بانتظار البقيه

[فراااااشة]

أسئلتها عبارة عن صح وغلط واختياري , وبعد في سؤال ( تكلمي ) يعني تعطيكي موضوع وتقولك تفلسفي فيه على قد فلسفتك بتآخذين درجة . واتذكر كان عليه 5 درجات في الدوري والنهائي .. غالبا هي مابتحاسبك على الكلام صح أو غلط لكن هي تقول إنها تحب تشوف وجهة نظر البنت.

معليش حا اتعبك معايا بس عندي سؤال كمان من فين كنتو تزاكرو ؟؟ كتاب و لا محاضرات

[قمة الأنوثة]

الله يسعدك بجد ريحتيني كتيرررر

[اه من الجامعه]

الله يسسسعدك ياقمر

ويوفقك وييسر امرك,,

والله انا خايفه مرا من اداره اعمال بالانجلش ,, ربك يعين,,

[FloOora NANO]

معليش حا اتعبك معايا بس عندي سؤال كمان من فين كنتو تزاكرو ؟؟ كتاب و لا محاضرات

في بداية الترم كانت تخلينا نكتب معاها .. بس بعدين صرنا ما نلحق لأنها سريعة .. كانت المذاكرة الفعلية من السلايدات حقتها.
وكان في ملزمة مدري كتاب للمادة بس السلايدات حقتها وافية المنهج لأنه كله 6 فصوووووول وكل شيء مذكور فيها.

[فراااااشة]

في بداية الترم كانت تخلينا نكتب معاها .. بس بعدين صرنا ما نلحق لأنها سريعة .. كانت المذاكرة الفعلية من السلايدات حقتها. وكان في ملزمة مدري كتاب للمادة بس السلايدات حقتها وافية المنهج لأنه كله 6 فصوووووول وكل شيء مذكور فيها.

مشكووووووورة جزاكي الله الف خير ياعسل