... الأعلان عن نتائج التعداد السكاني للمملكة العربية السعودية ...

[DANoOo.R]

ماشاء الله تبارك الله
بس هذولي في المملكه كلها ولا بس جده
أتوقع بس جده ههههههه

[DANoOo.R]

المشاركة الأصلية كتبت بواسطة بوليمر® يعطيك العافية ينادوول بس السؤال : ايش فايدة هالتعداد؟

عشان يعرفو كم عددنا
ويشوفو هل اقتصاد الدوله يقدر يغطي على متطلبات السكان والمقيمين أو لا
>>اعتقد عشان كدا

[توووbearooيتي]

شُــــــــكراً بنـآدول ع ـــــلى الخ ـبـر ,,

أرقآم التع ـدآد مـؤسفهـ ,,

[بيو كيميائية ^_^]

المشاركة الأصلية كتبت بواسطة سكووت مو شرط الجرايم سببها المقيمين ..حتى المواطنين ماقصرو بصراحة وتفننو بانواع الجرايم والنصب واخرها بحادثة جدة وغيرو كتييير

صح

السطو على المنازل وسرقتها أكثرها من قبل سعوديين

وكم هندي سرقوا فلـوسه سعوديين

وكمـ هندي (اسيوي) قُتل من قبل سعودي

وكمـ أب سعودي عذب إبنته لين ما ماتت

وكمـ زوجة أب سعودية عذبت أولاد زوجها

وكم زوج عذب زوجته وهم كلهم سعوديين

وكم سعودي نصب على الناس وسافر وكمـ وكمـ

هذهـِ كلها جرائم ومنفذينها سعوديين

وأيضًا الأجانب سوا جرائمـ بس مو معناتها كل الجرائم من الأجانب

[سلطان زمانه]

والله قليل السعوديين ... بس مصيبة 8 مليون مقيم والله كثيير
الله يصلح أحوال الشعب

[m u l a n]

لفتني عدد المقيمين بالدوله "8 مليون" ..!!

الله يصلح الآحوال بس ..

[نسايم الورد]

ماشاء الله تبارك الله
مشكووور اختي على المعلومه

[بحر الحرية]

السلام عليكم..
بصراحة كل ما أشوف فكرة التعداد السكاني باقية موجودة عندنا، انقهر على الميزانية اللي تصرف عليها، يعني باللهي عندنا أجهزة حاسب آلي في الجهات الحكومية فيها لكل شخص رقم مدني خاص فيه، حتى المولود الجديد له رقم مدني خاص، ومع الأنظمة الجديدة والتشديدات والإرهاب والأشياء دي، صار من الصعب تلاقي واحد بدون هوية، ولو كانوا موجودين ف راح تكون نسبتهم قليلة..
واحنا لساا باقين نحسبهم بورقة وقلم، ونصرف ميزانيات كبيرة وضخمة

يعني ليش بدل ما يحطوا الميزانية دي ف التعداد اللي يقدرو يحسبوه عن طريق الأرقام المدينة لكل الأشخاص، وبعدين يضيفوا عليها نسبة تقديرية للأشخاص مجهولي الهوية، لأنوو حتى داا الإحصاء مو دقيق بنسبة 100%، ليش ما نطور بدي الميزانية البلد، ليش ما نصلح فيها الحدائق العامة، ليش ما نصلح فيها الصرف الصحي اللي قاعد يصيبنا بالأمراض، ليش ما نصلح فيها الشوارع اللي كل أبوها حفر ف حفر، ليش ما نصرفها على التنظيم الداخلي في المدن للأحياء والشوارع، بحيث إنك لمن تتصل على أي قطاع حكومي زي الإسعاف أو الدفاع المدني أو الشرطة أو اللي يكون ويصير يكونوا عندك في أقرب وقت، بدل ما يقعدوا تايهين لين تحل عليك المصيبة ولا تموت محروق ولا مخنوق ولا مقتول
لكن شكل كل قضايانا زي سيول جده.. راح تروح ضد مجهول مع الأسف

والله شي يقهررررر

بالنسبة لعدد الأجانب أعتقد إنه عدد طبيعي جدا، لأنه أقل من الثلث، ولا تنسوو إنوو السعودية مو زي أي بلد تاني، لأنوو فيها مكة والمدينة، والعالم كللوو يقصدها، وحتى اللي أتوقعه إنوو نسبتهم الكبيرة دي حتكون أكتر شي بين الطائف ومكة وجدة والمدينة.

الله يصلح أحوالنا يارب، ويفضح كل الفاسدين وينتقم منهم على كل شر كانوا سبب فيه بفسادهم حسبي الله عليهم؛؛

[حنيذ]

على الأقل نحن اكثر من الأجانب شوفوا الكويت كيف

يمثلون 32% من إجمالي السكان كويتيون يقرعون "ناقوس الخطر" لتحولهم إلى أقلية بين الوافدين حذر مراقبون من أن المجتمع الكويتي يواجه مشكلة تتمثل في تصاعد الخط البياني للخلل في التركيبة السكانية، وعدم القدرة على إجراء توازن، إذ يعيش ما يقرب من مليون و200 ألف كويتي أقلية في خضم أعداد من الوافدين الأجانب تصل إلى مليونين ونصف المليون تقريباً، حسب إحصاءات رسمية. وفي الوقت الذي عزا فيه محللون الخلل في التركيبة السكانية بالكويت إلى ارتفاع أعداد العمالة الوافدة بنسب كبيرة، مقابل تدني نسبة المواطنين، إلا أن آخرين رأوا أن الخطط التنموية غير الواضحة هي سبب الخلل، لا سيما في العقد الأخير، في ظل الظروف الراهنة والأزمات الاقتصادية المتلاحقة التي تمر بها المنطقة. إحصاءات وتشير آخر إحصاءات السكان والعمالة الصادرة عن الهيئة العامة للمعلومات المدنية إلى أن الكويتيين يشكلون 31.6% من المجتمع السكاني، بينما يشكل غير الكويتيين ما نسبته 68.6%، بمعدل واحد كويتي إلى 2.5 وافد تقريباً بأغلبية آسيوية واضحة 56.5% من إجمالي الوافدين مقابل 36.8% للجنسيات العربية مجتمعة. أما الأفارقة والأوروبيون والأمريكيون والأستراليون فلا يشكلون في مجموعهم سوى 2.3%، بينما فئة البدون (غير محددي الجنسية) فتشكل حوالي 4.5% من إجمالي غير الكويتيين (بواقع 105.633 نسمة)، حسب دراسة أعدها مجلس الأمة الكويتي أوائل العام 2009. وتشير تلك النسب إلى أن تعداد السكان قد بلغ 3.4429 مليون نسمة، الوافدون منهم نحو 2.3405 مليون نسمة، وبلغ إجمالي عدد العاملين نحو 2.074 مليون عامل، أي ما نسبته نحو 59.4% من ‏مجموع السكان، بينما بلغت نسبة العمال الكويتيين نحـو 31.2% من إجمالي عدد المواطنين.

المصدر : العربية

[بنادوول]

المشاركة الأصلية كتبت بواسطة بيو كيميائية ^_^ ماشاء الله طلع عدد الذكور أكثر صح أنا وأختي حسبونا مرتين الله يحفظ الجميع

اشكرك على مرورك .. احنا دقوا علينا الباب وماكنا موجودين وقتها ولا احد حسبنا في التعداد مع انا عائلة كبيره ومأثره بالتعداد