أسئلة مبهمــــــــــــــــة ؟!! محاسبة 101

[أم مجاهد]

صباح / مساء الخير أخواتي

كيفكم مع المداكرة إن شاء الله تمام ...

طبعا أنا قاعدة أداكر محاسبة ومن أمبارح مانمت طبعا جالسة

معاها وسوالف بيني وبينها مررة حلوة ومرة ترفع

الضغط .... كل يوم أكتشف جديد ... المادة فاهمتها بس


ادا راجعت من البداية ... كأني أول مررة


أشوووووووووووفها .....


والمصيبة الكبيرة ادا اخدت أسئلة سابقة وحطيتها بين يداي

وعقلي المحاسيبي

في أشيااء أتنح وأوقف ...............(أقووووووووووووول

ياكثر هرجي


نجي للمهم عندي أسئلة ماعرفت لها ويمكن بتضحكوا


يابنات لكن ياليت اللي تعرف تجاوبني لاتطنشوني ..


1ـ معادلة الميزانية = حقوق الملكية +الخصوم كدا صح

الجملة ولا غلط ؟؟


اللي أعرفوا ان الخصوم أول .... لا تضحكوا بس أنا

تعقدت من الجامعة ممكن لازم في معادلة الميزانية الترتيب

وأنا حريصة على كل تعقيدة معقدة .....هههه

ولا أنا غلطانة اللي تعرف ترد ؟؟



2 _قبول المنشأة بورقة تجارية من أحد الدائنين يؤدي إلى :

أ_ زيادة حساب أوراق الدفع ب ـ زيادة حساب الدائنين

ج ـ زيادة حساب المدينين د _ زيادة حساب أوراق القبض


طبعا في الورقة اللي عندي مكتوب الإجابة فقرة أ

طيب ليش مايكون الحل فقرة ب لأن الأوراق التجارية

من أحد الدائنين تعتبر أوراق دفع طيب هوة ادا دفع

لاحد بيزيد حسابه والناس تدفع له ..


يعني يزيد .. كلامي صح ولا غلط ؟ ولييش



3 _ قيمة مالم يتم استهلاكه من الأصل الثابت في نهاية

السنة المالية يسمى ...........


مالقيت اجابه دورت ف الملزمة مافيش دورت


ف الكتاب مافيش عيوني احولت ... وأنا أدور ...


ياليت اللي تلقاها تحولها عليه ... في أقرب فرصة ممكنة .

قبل لا أفقد عييناتي ..



4 ـ ماهو الفرق بين إيراد المبيعات وتكلفة المبيعات ....؟




5 ـ ادا جعل كل من الأصل والخصم مدينا فهدا معناه

زيادة الأصل ونقص الخصم

( صح ولا غلط ) وكيف بالله يجي الاصل والخصم مدين

في نفس اللحظة ؟ عجزت ألقى الحل


طبعا والقادم أحلى


أتمنى بس ماتطنشوني علشان أعرف أنام وأنا مرتاحة بعد

ماأشوف الحل ...


وياليت اللي متأكدة من الحل ..



ادا قولتوا لي الحل ... راح أقولكم ع أسئلة متوقع مجيئها

في الاختبار 100%


وأشياء تسهل عليكم المحاسبة وفهمها بسرعة ... (من الشطارة الزايدة .. )



لا والله بالفعل أنا توقعاتي دايما صحيحة والبنات قبل

الاختبار دايما يجوا عندي لأني أم التوقعات الخنفشارية


الرابحة .... وأقولهم دا بيجي ... ودا حيجي سؤاله كدا احفظوا دا ودا لا ...

والحمدلله يخرجوا يدعوا لي ويقولوا كل ماحلينا

سؤال افتكرنا كلامك ... ودعينا لك .. ( ماكله ف نفسها

مقلب ههههههههههه




صدجوني أنا ماحتيت الا الصدج .. بس يمكن مع الضغوط

يحصل تتنييييييييييييييح فما عرفت أحل الاسئلة ...


و دمتم بود