سكن الطالبات

[.,.نيــــــــــــــــــــران.,.]

هذي الصورة من السكن؟

[بيو كيميائية ^_^]

الحمدلله سكنا النوافذ نقدر نفتحها ونتنفس مو مثل كذا سجن

والباب يتقفل في الليل

[~Aspirant~]

مجبور يمكن إنهم لسى ماركبوا الشبابيك فقفلوه عشان لايدخل احد ..حمامات .هدهد..حرامية!

إلا إذا كنت مصورها ومتأكد ..فهنا السالفة غير

مآآفي احد بيعيش كذا ابد ابد ):

[AnoOosa NoOoSa]

ههههههههههه

بس تدري والله عندنا معـــــــقديييييين

مدري هم خايفين علينا ولا مننا

حتى في المدارس

الأبواب حديد وكلبشات كاننا فــــــــي سجن مو مدرسة

والله هم يبكي وهم يضحك

[غرور فتاه]

الله يعينهم

[^سما^]

اووما عاد وش عندهم ..!
بـجد وش يحس فيه راع الفكره ..!
ودك تدخله في علبه كرتون وتقفل عليه ..؟!

الله المستعان ..

[مملكة عمري]

من جد مايمزحوون ؟؟ !!

وش هالكتمة
واش هالتفكيـــر اللي قد فتحة الابرة :(

[علي العسيري]

لا بصرارحه فيه تحسن في المزاج العام هالايام ....يمكن ارتفاع درجات الحراره يضاعف من تزايد الاكسوجين في الجو مما يخلق مناخا جيدا للتفكير <<<<<<< جت الفلسفه ,,
بصراحه قرأت الموضوع مره ومرتين وماصدقت انو مجبور يتحفنا بمثل هالافكار النيره ... وين اللاعلام المضخم للامور عن مثل هالصور وين الاعلام الذي يريدنا ان نتجرد من القيم وين اللبراليين الذين يريدون للمجتمع ان يغرق في الفساد والامور العضام !!!!
هنا اليوم ليستريح كل هولاء وشهد شاهد من اهلها :
اخ مجبور لايوجد غلق للشبابيك قدر ماهو غلق للعقول قبلها ,, فالانثى عندنا كائن اسطوري خرافي يجب عزله عن الهواء و يجب سجنه عن العالم ويجب اعتقاله في غياهب ثقافه متعجرفه اجزم ان الدين منها براء , يجب ويجب .. لم نحفظ من الاحاديث سوى ( الانثى اذا خرجت استشرفها شيطان ) و( ولاخير في قوم ولو امرهم امرأه ).. او كما جاء في الحديث الشريف ... ونسينا عشرات النصوص المقدسه التي تشيد بدور المرأه ( ضرب الله مثلا للذين امنو امرأت فرعون ).. الايه . (واستوصو بالنساء خيرا ) الحديث و( لاتمنعو اماء الله مساجد الله ).. الحديث ... وغيرها ..
ثقافه تجرد الانثى من كل كينونتها ومعنويتها بذريعة الحفاظ عليها وحمايتها من مكائد الشيطان .. لانؤمن برشد المرأه وقد رأيت بام عيني صبيا مراهقا ينهر امه البالغه من الكبر عتيا بحجة الوصايه ,,
قبل فتره ذهبت الى احد مستوصفات الحي عندنا .. وحينما طلب مني احضار الملف الطبي امرت بالتحدث الى خشبه مصمته تماما على شباك تقع خلف المبنى في استدارة تنبئك عن مدى ماوصلنا اليه من عبقرية الاتصال والمعلوماتيه ..... يقبع خلفها مكتب مسؤلة الملفات ..و لها منفذ صغير جدا للاسفل يستدعيك ان تنثني الف انثنائه تمجيدا لثقافة الوسوسه , حصنا حصينا من اشكال الطهر الزائف .. وكان بجانب هذه الشباك المصمته مكيف يبدو عليه انه استهلك جل عمره فكان هدير محركه هو الصوت الوحيد السائد في ذلك الموقف .. قبل ان اسمع صوت ناعم زاجر .. انت ماتسمع ؟!!! اجبتها نعم فسمعي مثل سمع وبصر مدير هذا المركز الموقر ..
وفورا اتجهت الى مدير ذلك المركز الصحي ... واعطيته رقم الملف الطبي واعلنتها له صراحه انا ارجو منك انت كموضف بالكادر الطبي ان تحضر لي الملف . والا من هنا اتصال على فلان هو يعرفه (بالشؤون الصحيه ).. وماهي الا دقائق وخرجت تلك المحتشمه لتدلف بالملف الى مكتب المدير .. كنت حريصا على لحظة تواجدها لاوجه لسعادته سؤال سريع لماذا لايكون المسؤل عن الملفات (رجلا ) وتريحونا من محادثة الخشب المصمت !! بعدها كانت ممرضة اخذ العلامات الحيويه ( ممرضه شرق اسيويه ) جاز لهم ان تتواجد معي في خلوه لايشاركنا فيها الا الميزان ومقياس الحراره وجهاز فحص الضغط ... ولم تزجر ولم تسخط !!!!
لكن اذهب الى اي مركز صحي تجاري لترى الفرق ,,
وانا لم اعد اعرف الفرق ,,
وتقبلو تحياتي ,,

[MEMA2009]

اللة يعين البنات اللي جوا....
:

تشكرات لصاحب الموضوع
:

[نونا طيبه وحنونا]

السلام عليكم الموضوع مره حلو تسلم يا مجبور انا ما كنت اتوقع سكن الجامعه كدا اضفت لي معلومه جديده شكرا