يله يا خطه ب نقدم نصاحنا لخطه أ

[مرام&تهاني]

تسلمين والله الله يعطيك العافيه

[*زهرة السوسن*]

يعطيكي العافية

[90909]

يعطيك العافيه على الفكره الطيبة ,, واللمحه الشاملة عن الخطة ب

وفعلاً موضوعك مفيد

[FLOOOWER]

هاذا واجبنا وحابه الكل يشارك عشان نفيدكم يا خطه أ احنا هنا في المنتدى عشان نستفيد ونفيد بعضنا ولله يجزا الجميع بلخير

[الالمعي @]

الموااااد ماهي صعبــــــه لاكن المشكله كلها في الوقت ؟؟؟؟؟؟

[نجد بنت المجد]

ذاكرو قبال شهرين الاختبار الانهة يبيلة فهم بالمرة
مو قصت صعوبة بس عشان اذا جاء الاختبار ميمديك اذاكر ابداً
وتمناى من الله انه يسهل عليكم ويوفقكم إن شاء الله

[الفاءين]

السلام عليكم .. الصراحة صح كلام نجد بنت المجد لازم تذاكروا قبل الامتحان بفترة خصوصا الاحصاء

[كبريآء أنثى]

وه فديت خطه ب والله سهله

الله يستر من أ

والله خآآيفه منهآآآ

[احمد المنتسب]

يعطيك العافيه وسلمت يديك

[al7b_5aled]

الاخت فلور ..

فالبدايه احب اشكرك على موضوعك الحلو لانه يفيدنا وبالذات انا لاني من خطه أ

يعطيك العافيه وما قصرتي والله يوفق الجميع بالاختبارات ويعطينا على قد نيتنا

وبالنسبه لمواد خطه أ طبعا مو صعبه كلها حلوه ويعني ما فيها ذاك التعب بصراحه

ما عدا المهارات اللغويه هو اللي كان اختباره مره صعب لان الاسئله متشابهه ولحست المخ

عموماً طبعا المواد اللي هي رياضيات وثقافه اسلاميه والانقلش والمهارات اللغويه والحاسب

طبعاً الرياضات كان مره سهل هو بالبدايه الواحد يخاف من مصطلح اسمه رياضيات لكن

بالنهايه حلو ولزيز وبالنسبه للثقافه الاسلاميه بصراحه لما شفت الكتبا اول مره وفتحت الصفحات

جاني مغص كلوي حاد بالمعده لكن عدا على خير لما اخذت ملخص كان مسويه واحد من الاخوان

جزاه الله عنا الف خير انا بشيك عليه وراح افيدكم فيه لان كله على بعضه الملخص ممكن 70 صفحه

وشامل كل شي انا ما ذاكرت من الكتاب مذاكر من الملخص والحمد لله كان امتحاني مره حلو

وبالنسبه للانقلش برضو حلو للي بيذاكره انا بصراحه ما ذاكرته مره لان ايام الثانويه كانت هالماده

لما يكون عندنا اختبار فيها نعتبر هذاك اليوم اجازه لان لو ذاكرت ما راح افهم شي ولما اختبر يكون

الاختبار بالحظ يعني حط وبس واختر وبس :) لكن هنا لا غير عموما هو حلو للي بيذاكره وفيه

واحد من الاخوان الله يجزاه عنا كل خير يقاله ( ابي سلف 60 مليون ) << مو انا اللي ابي هو

اسمه كذا الله يهديه مدري من اللي بيسلفه هالمبلغ انا قلت عندي 30 مليون بس ما نفعت معه << اخلص

المهم هذا اخونا ملخص الكتاب كامل يعني بيريحكم جميعا والله ما قصر الله يجزاه خير مره استفدنا

من تلخيصه , اما ماده المهارات اللغويه هذي الماده لما اسمع اسمها احس بغثيان ولما افتح كتابها

مو احس بالغثيان لا يكون اغتثيت وخلصت المهم ماده ثقيله دم لانها كلها ارفع وضم وافتح وصك

واسكن واعرب وابني واهدم وهيك حتسي يعني لا تذكروني فيها تكفون << انت اللي مذكر عمرك

اما الحاسب وين اللي كاتب الامتحان امطخ خشمه تكفون وربي انه فله يعجبني وهي اصلا ماده

زي الحلاوه يعني ما يبيلها مذاكره لانها كلها كيف تنسخ وكيف تلصق وكيف تطبع يعني مره حلوه

لا تشيلون همها , زبدة الحكي الرياضيات ذاكرو قبل الامتحان بكذا سبوع علشان تستوعبون

الفكره كيف واما الثقافه برضو اقروه قرايه قبل الاختبارات واذا جا يوم الاختبار راجعوه

والانقلش ذاكرو القصص والقرمر والباقي احذفوه والمهارات اللغويه << مو اقول لا تذكروني

فيها << بلى بثاره , الله يعينكم عليه بس انتبهو له وذاكروه قبل بكم يوم والحاسب لحد يذاكر

خذوها مني << انك بتوهقهم :) لا بس مره حلو وبسيط ..

وبالنهايه سامحوني على الاطاله والله يوفق الجميع يا رب

احترامي وتقديري ,,