تجمع مستجدات أعمال عام ... *طالبات*

[نوره الغامدي]

عبير ما قلتي لي ايش صار عليكِ اليوووم ؟؟ رحتي الشؤون ؟

و كيف الجدول ان شاء الله تمام


::

[my Sunshine]

المشاركة الأصلية كتبت بواسطة esraa abdul kareem acct 117 ....... Da مبادىءالمحاسبة ( شريفة مصطفى) econ 107 ........ Fa مبادىءالا قتصاد الجزئي (غير معلوم p: ) elib 201 ....... Ac لغة انجليزية متقدمة i ( غير معلوم كمان ) isls 101 ...... Ka الثقافة الا سلا مية (1) الشعبة الوحيدة اللي مفتوحة ( اسيه الحربي ) stat 271 ...... Ea احصاء الا عمال (كماااان غير معلوم ) انا كمان مستجد اعمال عام .. ^^ اللي معايا في اي شعبة بليز يقولي .. D: و كيف ممكن اعرف اسماء الاستزات ؟؟

انتي معاية ثقافة وانجليزي يسير نروحهم مع بعض خخخخ

بس احسهم من جد يستهبلوا يعني متى بالله نصلي الظهر !!!

[بنت العسكري]

يا بنات انا رحت السبت الجامعة
لاني كنت ابغى اغير وقت محاضرة
الثقافة الاسلامية ..قالت لي
وحدة من الاستاذات بدري يا ماما على تغيير الشعب!!!!!! بعدين مو الحين
بالله صادقة و إلا تصرفني و إلا اش السالفة
انا اعرف انو هذا الاسبوع حذف و اضافة و اكيد كمان اللي يبغى يغير الشعبة و إلا؟؟؟
*انا ابغى اغير الى شعبة ثانية تدرسها نفس الاستاذة حقت الشعبة اللي انا فيها الآن
تتوقعوا يكون سهل لو اروح الاسبوع الجاي لــ استاذة المادة و اكلمها؟؟؟

[نوره الغامدي]

المشاركة الأصلية كتبت بواسطة بنت العسكري يا بنات انا رحت السبت الجامعة لاني كنت ابغى اغير وقت محاضرة الثقافة الاسلامية ..قالت لي وحدة من الاستاذات بدري يا ماما على تغيير الشعب!!!!!! بعدين مو الحين بالله صادقة و إلا تصرفني و إلا اش السالفة انا اعرف انو هذا الاسبوع حذف و اضافة و اكيد كمان اللي يبغى يغير الشعبة و إلا؟؟؟ *انا ابغى اغير الى شعبة ثانية تدرسها نفس الاستاذة حقت الشعبة اللي انا فيها الآن تتوقعوا يكون سهل لو اروح الاسبوع الجاي لــ استاذة المادة و اكلمها؟؟؟

حبيبي للأسف هذي وحده تصرفك و انا جربت هذي النوعية اللي ترفع الضغط !! مو مره وحده و ربي مرااااااات الين طفشت !!

عاتي انا يا ما رحت اغير شعبتي فـ مواد أصعب من الثقافة و مشي الموضوع اما حكاية لسآ بدري مرررة عباطه >_< .. ايش اللي بدري هيا و ووجهها !؟؟ خلاص هذا اسبوع الحذف و الإضافة و تغيير الشعب ~

امممم شوفي انا مره تبهذلت بهذلة ما يعلم فيها ربي , طلعوني و نزلوني و روحي و تعالي , وحده تقولك مافي تغيير و وحده تقول روحي المكتب الفلاني و وحدة نفسها فـ مناخيرها و معصبة مدري ليش !! , لكن و الله ما يئست بالعكس كل مالي ازيد اصرار و اللي تصرفني ادور على غيرها , و هكذا دواليك من وحده الى وحده , الين ما جيت فـ يد موظفة تخاف ربها و متعاونة جداً و خدمتني بكل بساطة =)

عشان هيك انتي حاولي تروحي عند وحدة طيبة تساعد , زي مثلاً أستاذة / آمال فـ الشؤون و لو انو عندها زحمة , او فـ الدور اللي فوق المكتب اللي على يسارك اول ماتطلعي الدرج على طووول , تلاقي فيه ثنتين أستاذة / بدور , و استاذة / مرام .. >> ان شاء الله تلاقيهم ^.^

و اذا مرة مالقيتيهم اقعدي لفي و دوري فـ المبنى و فـ الشؤون الين ماتحصلي وحدة تزبط لك الجدول ...


::


بالتوفيق =)

[hano mohammed]

السلام عليكم
أول شي: مرا شكرا على الموضوع
ثاني شي :أنا أتخصصت مستجد_ادارهـ عام ..
بسأل الدراسه كلها بالانقلش والاختبارات كيف تكون تضليل ولا ..؟

والي متخصصين من زمان كيف الدراسه سهله ولا لانو انا مومرا في الانقلش

وشكرا ..^^

[Esraa abdul kareem]

المشاركة الأصلية كتبت بواسطة my Sunshine انتي معاية ثقافة وانجليزي يسير نروحهم مع بعض خخخخ بس احسهم من جد يستهبلوا يعني متى بالله نصلي الظهر !!!

ان شاء الله حبيبتي بس اول ما نوصل على محاضرة الثقافة نصلي حتى لو دخلت ( برضوا اسماها ثقافة :p )

[Esraa abdul kareem]

بنااات بليز احد يرد عليا ... كيف استاذة اسيه العلواني :s

و في احد مداوم دا الاسبوع ؟؟

[1993]

المشاركة الأصلية كتبت بواسطة esraa abdul kareem acct 117 ....... Da مبادىءالمحاسبة ( شريفة مصطفى) econ 107 ........ Fa مبادىءالا قتصاد الجزئي (غير معلوم p: ) elib 201 ....... Ac لغة انجليزية متقدمة i ( غير معلوم كمان ) isls 101 ...... Ka الثقافة الا سلا مية (1) الشعبة الوحيدة اللي مفتوحة ( اسيه الحربي ) stat 271 ...... Ea احصاء الا عمال (كماااان غير معلوم ) انا كمان مستجد اعمال عام .. ^^ اللي معايا في اي شعبة بليز يقولي .. D: و كيف ممكن اعرف اسماء الاستزات ؟؟

انتي معايا في الاحصاء و الاقتصاد الجزئي ..

[1993]

بناات معليه بسأل ..
انا كل ما اعمل بحث في اسامي استازاتي يطلع اسامي كل الشعب الا شعبتي !!
مني فاهمه وفي كل ماده نفس الشي بيصير ..
مني عارفه ليه !!

[1993]

وايش هرجه الاقتصاد الكلي والجزي ؟؟
هما صح مترتبطين ببعض ؟؟
وازا كانت باخدهم في ترم واحد حتكون صعبه عليا !!
بليز احد يجاوبني