عاجل . استفسار عن الطب النفسي .!

[Dr.Passed]

وحده كانت ترعبني مجنونه وكمان كانت تقلي تلعب بورد
وشكلها يخوف مره يالطيف تعرفي دولا الي يلبسو اسود الايمو الي استغفر الله بس

والمشكله ما كنت أكلمها ولا اساعدها ولا اي شي

بس كانت ترسل رسايل وتخوفني بتخاريفهم ههههههه
بس من جد كنت احس انها نفسيه وبقوه


بس والبنت شكلها يعني...ما اعرف ايش اقلك ( مو آدمي ) من جد
فافكري كويس في الموضوع دا...لأنو حتمر عليكي حالات تشيب الراص من جد

[تفاحة الخليج]

وى الحمد لله انك قلتيلى
مشكوووووورة الله يوفيقيك ويوفق الجميع

[جيزان]

[QUOTE=Dr.Passed;4936889]ههههههه جيزان
Cut تنطلق على الي يجرحو نفسهم باشياء حاده


غريبه اللي اعرفو انو cut تستخدم للقطع واحيانا للقص مثل قص الشعر دايم معاها cut << من بقايا التحضيري
بس كويس قولتي لي
لاكن نصيحه يادكتورة باسد ابعدي عن هالناس والله ممكن يغيروا عقيدتك وزي كذا ,, حلو المساعده شي رائع فيكي وصفه حلوة تميزك عن غيرك بس بلييز لاتكوني طيبه بزياده
انا بصراحه مااضمن نفسي لو تكلمت مع ناس زي كذا ممكن اتجنن مثلهم مو قله ايمان او ضعف في قلبي لا ,, لاكن من جد تحسي انهم يقنعوكي غصبا عنك ومع الايام مااتدري عن نفسك
نصيحه من اخت لكي

[Dr.Passed]

فاهمه عليكي الله يسعدك ههههههه اقلك تبت
يعني بعدت...ما كان الحمدلله في شي يأثر على عقيدتي
بس كنت اتعب نفسيا من الكلام معاهم

يعني اضيع 4 ساعات من حياتي اكلم في وحده وتحسسني انها اقتنعت بكلامي وني سويت شي دحين
وأقوم افرح بيني وبين نفسي واحنا قاعدين ننهي كلامنا تقوم تقولي

ايش في طريقه مو مؤلمه الواحد يقتل فيها نفسو ؟؟

انا: ليه ؟

هيا: بس بسأل

انا: مافي طرق مو مؤلمه ( بس كده ماشيه معاها على الخط)

هيا: شفتي كيف انك بس تمسلي انك مهتمه وانتي اصلا مايهمك أموت ولا اعيش....والخ

وابدأ من جديد هههههههه

من جد تعبت وانا اسمع

انا أمور الدين ما ادخل فيها أبدا الا لو حسيت انو في مجال للهدايه والحمد لله اهديت بإذن الله وحده وجوزها =) إن شاء الله انهم انهدو...قالو انهم يبو يروحو عند امام وما امام ..الخ


بس والمجانين تركتهم من زمان بس والله شفت وسمعت كتير اشياء غريبه واخدت خبره من تشيتا وشخصيات كتير...يعني ما ندمت إن شاء الله


وشكرا اختي على نصيحتك