استفسار لاهل الطب .. ساعدوني الله يساعدتكم

[maryam.n]

الســـلام عليكم جميعا ...


اخواني طلاب و طالبات الطب البشري انا طالبة تحضيري و محتــــــــــــــــــارة بين (الطب البشري ) و ( العلوم التطبيقية ) ..

اانا حقولكم اش الاشياء اللى احبها و في شخصيتي و انتو بما انكم درستوا الطب فأبغى استشارتكم لاهنتوا ..

احب مساعدة الناس و احب الشغل العملي اكثر من النظري و ايضا احب البحوث و الابداع و التطور ..
بالنسبة للمواد : ماعندي مشكلة مع الاحياء حق التحضيري .. و الكيميا مو مرة (عشان كدا ما بفكر ادخل صيدلة )

.................................................. ...........................................
بس ما احب اني اشتغل في مكان واحد و اتحبس فيه ( يعني شغلي يكونو روتيني )


و ما احب انو الدراسة ما يكون فيها تطور يعني خلاص اخد درجة معينة و بس.. (عشان كدا ما افكر ادخل التمريض) لان احس مافيه تطور ..
و اخاف انو الطب البشري يكون مرة صعب و ضغط عليا لدرجة انو ما اقدر اوفق بين الدراسة و البيت و الاولاد ( ان شاء الله لما ربنا يقدر و اتزوج )
و اخاف كمان انو ممكن فيه تخصصات مدة دراستها اقل و في نفس الوقت قويــة جدا و لها مستقبل و اقدر اخد فيها ماجستير و دراسات عليا و بحوث و انا مرتاحة يعني مو حموت من الضغط ..

.................................................. .......



جزاكم الله خير

[محمد عماد]

وعليكم السلام ..

اولا :: انا حجاوبك من وجهة نظري والقرار راجع لك

احب مساعدة الناس و احب الشغل العملي اكثر من النظري و ايضا احب البحوث و الابداع و التطور ..

هذي صفة جدا رائعة فيك
بس لازم تعرفي انو سنوات الطب الأولى ( ثانية وثالثة ) نظري بحت يعني مافي شيء عملي
في السنوات الكلينيكال يبدأ التطبيق العملي والإحتكاك بالمرضى

بالنسبة للمواد : ماعندي مشكلة مع الاحياء حق التحضيري .. و الكيميا مو مرة (عشان كدا ما بفكر ادخل صيدلة )

مواد التحضيري ليست مقياس لشخصيتك
لان مواد الطب تختلف عن مقرر الأحياء الي درستوه في التحضيري تماما

بس ما احب اني اشتغل في مكان واحد و اتحبس فيه ( يعني شغلي يكونو روتيني )

هذي تختلف من تخصص لأخر
لكن بصفة عامة عملك كطبيبة حيكون محكوم بالتخصص الي بتشتغلي فيه

و ما احب انو الدراسة ما يكون فيها تطور يعني خلاص اخد درجة معينة و بس.. (عشان كدا ما افكر ادخل التمريض) لان احس مافيه تطور ..

بالنسبة للطب فهو مجال خصب للتطوير والإكتشافات

و اخاف انو الطب البشري يكون مرة صعب و ضغط عليا لدرجة انو ما اقدر اوفق بين الدراسة و البيت و الاولاد ( ان شاء الله لما ربنا يقدر و اتزوج )

حاليا انسي موضوع الزواج نهائيا
صعب انك توفقي بين دراستك وحياتك الإجتماعية كزوجة

ان شاء الله بعد ما تتخرجي من الطب اتزوجي براحتك
والله يرزقك بالزوج الصالح

و اخاف كمان انو ممكن فيه تخصصات مدة دراستها اقل و في نفس الوقت قويــة جدا و لها مستقبل و اقدر اخد فيها ماجستير و دراسات عليا و بحوث و انا مرتاحة يعني مو حموت من الضغط ..

فيه تخصصات غير الطب قوية جدا
مثل البيوكيمستري .. هذا التخصص جدا ممتاز ولها مستقبل كبير جدا
الصيدلة وطب الأسنان .. لها مستقبل كبير وتكاد تكون منافسة للطب



هذي اجابتي على اسئلتك .. وانتي بس الي تقرري اذا تبغي طب او لا

والله يوفق الجميع ||~

[فتى تثليث]

ما شاء الله مراقبنا المتميز كفى و وفى..ما اقدر ازيد على كلامه شئ..الله يوفقك و يزقك بالتخصص اللي ترتاحين وتبدعين فيه..

[maryam.n]

المشاركة الأصلية كتبت بواسطة محمد عماد وعليكم السلام .. اولا :: انا حجاوبك من وجهة نظري والقرار راجع لك هذي صفة جدا رائعة فيك بس لازم تعرفي انو سنوات الطب الأولى ( ثانية وثالثة ) نظري بحت يعني مافي شيء عملي في السنوات الكلينيكال يبدأ التطبيق العملي والإحتكاك بالمرضى مواد التحضيري ليست مقياس لشخصيتك لان مواد الطب تختلف عن مقرر الأحياء الي درستوه في التحضيري تماما هذي تختلف من تخصص لأخر لكن بصفة عامة عملك كطبيبة حيكون محكوم بالتخصص الي بتشتغلي فيه بالنسبة للطب فهو مجال خصب للتطوير والإكتشافات حاليا انسي موضوع الزواج نهائيا صعب انك توفقي بين دراستك وحياتك الإجتماعية كزوجة ان شاء الله بعد ما تتخرجي من الطب اتزوجي براحتك والله يرزقك بالزوج الصالح فيه تخصصات غير الطب قوية جدا مثل البيوكيمستري .. هذا التخصص جدا ممتاز ولها مستقبل كبير جدا الصيدلة وطب الأسنان .. لها مستقبل كبير وتكاد تكون منافسة للطب هذي اجابتي على اسئلتك .. وانتي بس الي تقرري اذا تبغي طب او لا والله يوفق الجميع ||~

..................................................



شكرا جزيلا على الرد و يعطيك العافية د . محمد

سؤال طيب .. اش الفرق بين الطب و الطب الموازي ؟؟؟؟؟؟؟؟؟

سؤال تاني : اللي يدخل مختبرات(كلية العلوم التطبيقية ) يستطيع يكمل ماستر في (الجينات مثلا ) و بعدها يسير باحث ؟؟؟؟؟ .. عارفة انو السؤال مكانوا غلط .. لكن اللي يعرف يجاوب ..



و الف شكر

[maryam.n]

المشاركة الأصلية كتبت بواسطة فتى تثليث ما شاء الله مراقبنا المتميز كفى و وفى..ما اقدر ازيد على كلامه شئ..الله يوفقك و يزقك بالتخصص اللي ترتاحين وتبدعين فيه..

امين يارب دعواتكم ربنا يخترلي اللى فيه الخير ..

[محمد عماد]

المشاركة الأصلية كتبت بواسطة فتى تثليث ما شاء الله مراقبنا المتميز كفى و وفى..ما اقدر ازيد على كلامه شئ..الله يوفقك و يزقك بالتخصص اللي ترتاحين وتبدعين فيه..

حياك الله اخوي فتى تثليت نورت المنتدى

المشاركة الأصلية كتبت بواسطة maryam.n .................................................. شكرا جزيلا على الرد و يعطيك العافية د . محمد سؤال طيب .. اش الفرق بين الطب و الطب الموازي ؟؟؟؟؟؟؟؟؟ سؤال تاني : اللي يدخل مختبرات(كلية العلوم التطبيقية ) يستطيع يكمل ماستر في (الجينات مثلا ) و بعدها يسير باحث ؟؟؟؟؟ .. عارفة انو السؤال مكانوا غلط .. لكن اللي يعرف يجاوب .. و الف شكر

العفو اختي ولو هذا واجبنا :)

الطب العادي ( الإنتظام ) بمكافئة
اما الطب الموازي بدون مكافئة
وما في اي فرق بينهم غير المكافئة فقط ..

بالنسبة لسؤال الثاني :: ما عندي علم
ممكن تسألي في منتدى كلية العلوم الطبية التطبيقية هم يفيدوكي اكثر

موفقة ..~
واي سؤال عندك احنا حاضرين

[Dr.Passed]

حبيبتي انا اقلك الطب لو انتي تحبي ومستعده تضحي الكتيييييير عشانو ادخلي

بالنسبه لموضوع الجواز انا كنت متخوفه منو عشان المسؤوليات ودا الكلام و شغل البيت و حقوقه و الطب
بس شوفي الطب في الجامعات الخاصه حيريحك من النقطه دي نوعا ما


وفعلا احس الضغط اخف ...يعني احس قلقي خف كتيييييير
يعني اجيب درجات على قد ما ازاكر ماشالله معد سار في ستريس زي اول

فا ...ما اعرف انا ما أشوف انو سبب قوي تتركي الطب عشان صعب او عشان الجواز
ازا نفسك في ...خشي طب عشان دي رغبتك

الجواز لمن ربي يكتبلك ترا اشياء كتيره تتغير اول حاجه ماحتتجوزي في يوم وليله

اكيد حتكونو مخطوبين سنه ولا كم شهر ولسا في ملكه ....في وقت بين الملكه و الفرح ..
وانتو كمان ماطلو ....وطولو المده يعني اجلو اجلو..الين ماتلاقي نفسك سنه رابعه =) ههههههههههههه
يعني لاتشيلي هم كتير عارفه ....السنين تمشي
وانتي كمان لاتقبلي بأي احد ...الا تكوني متأكده وهو فاهم ايش يعني "طب" و تكونو متفاهمين على دا الموضوع..
يعني مو من نحيه تقصير في الواجبات...بس انك حتسير عندك مناوبات..والخ

انا والله صحبتي دخلت طب وانخطبت على طول وجوزها اصلا ما كان يباها طب وكده قعد يقنع فيها ويكلم فيها الين ما مسكينه ما اعرف كيف اقتنعت وسابت الطب

وشوفيها ست بيت دحين...شوفي قدي ايه ضيعت على نفسها
حتى مايباها تشتغل =(

فا لاتفكري في احد دحين ولاتخلي احد يقلك لا صعب ولا جواز ولا ما اعرف ايش
شوفي انتي ايش تبغي قرري مع نفسك واستخيري وتوكلي على الله

وعمرك لا تقبلي بعريس الا تكوني متاكده انو هوا قابل بالطب ومحترم مهنتك وعارف ايش تعنيلك

وأخيرا اقلك استخيري و الله يكتبلك الي في الخير
وترى مو صعب مافي شي صعب ازا انتي تحبي ...ازا تحبي الطب خلاص حتمشي في انتي عندك اهداف ماشالله

الله يسعدك ويخترلك الخير فيما تختاري

[maryam.n]

شكرا د. عمــــــاد .. و ربي يخترلي اللى فيه الخير (لازم صلاة استخارة مكثفة )
د.باســد شكرا على ردك ونصائحك و ان شاء الله بستخير و الله ييسرلي اللى فيه الخير .. بس برضو شايلة هم ما اعرف .. انا حستخير و اللى ربنا يقدمه لي الخير ...