ظلموا علم النفس لما قالوا عن اللي يدخله يصير..................

[كيكيو]

السلام عليكم ورحمة الله وبركاته
ابغى اسألكم سؤال وابغاكم تجاوبوني بكل امانه
انا ابغى اتخصص علم نفس وانا ماأعرف عنه شيء
لأني لما كنت في الثانوي كنت علمي
والناس خوفوني قالوا تتخرجي منه عندك حاله نفسيه
الا اذا كنت قويه وماتطبقي الشي اللي تدرسيه على نفسك
وانا موقويه عشان ادخله ومن النوع اللي اصدق اي شي
هل الكلام هذا صحيح او لألألألأ
وابغى منكم التفاعل والاجابه في اسرع وقت ممكن
لاني ابغى اتخصص

[القمر الحقيقي]

شوفي ياكيكو اذا تحبين الشي تبدعين فية ومالك بكلام الناس واللي يقولوة لو بنقعد نسمع بنتعب انا زيك كنت علمي بالثانوي وكمان تحضيري علمي بعدين حولت لاني حابة الشي وماسمعت كلام الناس والحمدلله ماشية اتمنا اكون افدك وبالتوفيق يارب لنا ولكي

[سكون الورد k.a.u]

لاتردين على احد ، والتخصص مرهـ ممتع ومافيه اي نفسيات ..

بالتوفيق ..

[@سويت روز@]

آآآخر همــك كلام النآآس بالنسسبه لي اشوف الناس اللي بعلم النفسس من اكثر الناس اللي تعرف تتعامل مع غيرهآآآ .. سوآآء طآلبآت ام استآآذآآت .. ودآمك تحبي هالتخصص لاتسمعي ولا حتى تفكري بكلآم النآآآس ابد ولاآآ تنسي الاستخآره والله يوفق الجميـــع ..

[Esraa.MD]

شوفي يا اختي لو كل الناس تمشي على كلام غيرها كان كلنا ضعنا حاحكيلك قصة صغيرة لعلها تفيدك

يقلك في يوم كان في مسابقة جري للضفادع للجبل وكانو وهما يجرو الحيوانات الباقية تصرخ تقول حتخسرو محا توصلو للجبل خسرانين فكانت كل الضفادع تقع على الارض وتقع وتقع الا ضفدع واحد استمر في الركض لما وصل الى قمة الجبل عارفة ايش السبب ؟ لانو كان اصم لا يسمع ولا يتكلم هو الوحيد الي ماسمع كلام بقية الحيوانات لكن الضفادع الاخرى كانت تسمع الاحباط وتقع وتقع ومن القصة دي حاتستفيدي انك ماتسمعي لكلام الناس ابدا ابدا ابدا

وعلم النفس من افضل وارقى العلوم وان شاءلله سوف نرتقي بقسمنا وبايدينا نجعله من ارقى العلوم الاخرى واي شي تحبي حاتبدعي في فان كنتي تحبي اهلا وسهلا ماتحبي فبقية الاقسام موجودة

وبالتوفيق

[ALOA]

المشاركة الأصلية كتبت بواسطة esraa.md شوفي يا اختي لو كل الناس تمشي على كلام غيرها كان كلنا ضعنا حاحكيلك قصة صغيرة لعلها تفيدك يقلك في يوم كان في مسابقة جري للضفادع للجبل وكانو وهما يجرو الحيوانات الباقية تصرخ تقول حتخسرو محا توصلو للجبل خسرانين فكانت كل الضفادع تقع على الارض وتقع وتقع الا ضفدع واحد استمر في الركض لما وصل الى قمة الجبل عارفة ايش السبب ؟ لانو كان اصم لا يسمع ولا يتكلم هو الوحيد الي ماسمع كلام بقية الحيوانات لكن الضفادع الاخرى كانت تسمع الاحباط وتقع وتقع ومن القصة دي حاتستفيدي انك ماتسمعي لكلام الناس ابدا ابدا ابدا وعلم النفس من افضل وارقى العلوم وان شاءلله سوف نرتقي بقسمنا وبايدينا نجعله من ارقى العلوم الاخرى واي شي تحبي حاتبدعي في فان كنتي تحبي اهلا وسهلا ماتحبي فبقية الاقسام موجودة وبالتوفيق

بصراحة كفت ووفت الاخت اسراء يعطيك العافية اختي على الكلام الحلو وانتي صادقة
لازم مانسمع الشي اللي يحبط معنوياتنا ومانعطي اذننا لاحد
انا وحدة من الناس اللي اهلي وبعض من صديقاتي اتضايقوا لمى سمعوا خبر تخصصي لدرجة انو وحدة من صاحباتي قالت لي لمى تدخلي القسم لاتكلمني لانك راح تصيري مريضة نفسيا ...!!
مو كل الناس اللي يحبوا الخير لنا ومافي شي يعجب احد حتى لو الشي هذه هو عملوا ولمى عملوا كان راضي ومقتنع لو شاف احد ثاني عمل نفس الشي راح يستأ وماراح يعجبوا باختصار لاتسمعي كلام الناس الله يوفقك ويدلك على الطريق الزين واللي يصلحك دنيا واخرة يارب

[كيكيو]

تسلموااااااا الله يعطيكم مليون عافيه على مجهودكم
وعجبتني صراحه القصه وتفاعلكم
وان شاء الله راح ادخل علم نفس ونصير صديقات

[هانا الشريف]

واللة ياعزيزتي اظن انو مافي شخص بهذا الزمن مامعاة حالة نفسية ياعزيزتي الحالة النفسية أفة العصر يعني عادي
يعني كذا كذا اكيد هيا موجودة االحالة وانا بصراحة حاااابة علم النفس كثير واتمني ماتسمعي كلام الناس اذا انتي حابة التخصص صدقينى بتبدعي اتمنااالك التوفيق صديقتك هنوو

[البرنسيسة منو]

بقولك مثال متواضع وانت احكمي


لو عندك آله معقده كثير وتفاصيلها دقيقه اكثر

وانت عندك خبرة بالألآت عموما

ووحده ثانية ماعندها خبرة زيك بس معها الكتلوج الخاص بهذي الأله وبكل تفاصيلها


تتوقعي مين بيعرف يشغلها ويشتغل عليها ويتحكم ويسيطر ويضبط افضل انت والا هيا

Some thing to think about

[أم السعـد]

هههههههه سمعنا هالكلام كثييير والحمدلله

بس تعرفي هذا لا ينقص من قدر هذا العلم ولكن يدل على جهل المتحدث بالشيء

ع فكره قبل لا تدخلي التخصص لازم تسألي نفسك انتي شو حابه تكوني في المستقبل

نصيحتي اقرأي عن فروع علم النفس بصفه عامه وشوفي اذا كنتي مياله الى قسم معين أو لا

مع إن الدراسه بتغير مفهومك وبتحتاري أيهم أقرب الى نفسك

استخيري والله يكتبلك الي فيه الخير وبإذن الله تتضح لكِ الرؤيا