حملة "العقال" تواجه حملة "سأقود سيارتي بنفسي"

[عَـبْدالعَزِيز الهَاشِمي ™]

^

تري إذا ساقت المرأة بنوصل القمر .... وبنصكصك على أمريكا وروسيا في الإختراعات

[ألماس الشريف]

المشاركة الأصلية كتبت بواسطة عَـبْدالعَزِيز الهَاشِمي ™ ^ تري إذا ساقت المرأة بنوصل القمر .... وبنصكصك على أمريكا وروسيا في الإختراعات

عذر البليده قيآدة السيآره

[•♥fŗŌồtą]

،،،،

الموضوع ما منو فايده بس تجريح بالناس

ياليت يتقفل

،،،

[عَـبْدالعَزِيز الهَاشِمي ™]

خخخخخخخ

[ألماس الشريف]

المشاركة الأصلية كتبت بواسطة عَـبْدالعَزِيز الهَاشِمي ™ خخخخخخخ

من جد شيطآن كبير <<خخخخخخخخخ

[عَـبْدالعَزِيز الهَاشِمي ™]

^

يوم تحترمون عائشة والصحابة الكرام نحترمكم


إما إنك الآن تعلنين برائتك ممن يسب عائشة والصحابة ...

وإلا الإحتقآر سيطالك سيطآلك

وبعدين مايحتـاج عندي

شوفو العقول يا ناس ويقولون احترمونا

يتبركون بترآآآآآآب

ويقولون إحترمونا .

أنا آخـاف أركب تكـاسي ومستحيل أركب تكسي بروحي

أركبي ناقه

[المحامية]

وجادلهم بالتي هي احسن !
صوت الفجر يا رائعة دعي صورتك الجميله تبقى كما هي في نظر الجميع

بيوكيميائية .. أسأل الله ان يهديك وجميع المسلمين لطريق الحق والصواب

[صوت الفجر]

المشاركة الأصلية كتبت بواسطة المحامية صوت الفجر يا رائعة دعي صورتك الجميله تبقى كما هي في نظر الجميع

ابشري طال عمرك على راااسي يا اختي ،،


من ناحيتي سـ اغلق النقاش ،،،

لاكن اذا تمادت في رد راح ارد ،،

.
.
.

[خالد9921]

بآك مره ثانيه
طبعا انا طالبت بردي الأول ان هذا النقاش يكون اخر نقاش هنا حول للقيادة
ليس إساءه للموضوع أو تهميش له
إنّما لأن الناتج للاسف كنت عارفه من البداية هو إننا نطلع بمجموعة خيبة فكرية رهيبه
للأسف إن موضوع القيادة لا يعي الكثير إنه مجرد إشغال للمسلمين عن الأولويات والمهم
في ظل هالظرف السياسي الامني الخطير بالمنطقة خصوصا بعد وفاة بن لادن والثورات
لكن للأسف مره ثانيه إن الكثير بكل سهولة ينساق ورا الحملات الإعلامية السيئة لهذا الغرض
وإلا الموضوع القيادة للعلم موجود على الطاولة ومجلس الشورى من 2004 يمكن
وإنتهى الكلام فيه وصارت سالفة آل زلفه و و و .. وانتهى الأمر من ذاك الوقت
ماحد سأل نفسه
مين المستفيد من طرح الموضوع الآن مره اخرى بعد 5 سنوات من إغلاقه وعمل خلاف إجتماعي وفكري بين الأفراد ؟
بالطبع هي جهتين ومعروفة ومعروف أهدافها
الأولى هي الجهات الإعلامية أمثال سبق وعكاظ والحياة وغيرها ..
وهاذي معروف هي واجهه لمين ومين الداعم لها ..
وطبعا نشوفهم هالأيام تغطيات للحدث أول بأول على صفحاتهم رغم ان الموضوع ماتت أهميته من سنين
لكن الخطّه يجب إتمامها بالشكل المطلوب وحتى تلهي الشعوب بالتوافهه عن كبار الأمور اشغلهم بالتوافهه ودعهم يتناطحون !
وسوف تراهم يصلون لدرجة لا يعقلون فيها ماهو مشابهه وحاصل من بيع الرجال لملابس النساء الخاصة والاختلاء بالسائقين
وسوف تراهم يدخلون معارك مع انفسهم ولا لهم الحق ولا القول ولا حتى التفكير في كبار الأمور ومصير الأمّه للاسف
فقط مُسيّرة عقولهم على موضوع القيادة وللاسف ان العقول تستجيب لهاذي الحملات الاعلامية المعروف غرضها
خصوصا في ظل الوضع السياسي السيئ للمنطقة والثورات يُعتبر إشغال العقول بموضوع تافهه زي القيادة نصر عظيم وكبير !!
الثانية هي الاقزام الليبراليين المستغلين لهذا التوجّه الإعلامي
طبعا التوجّه الاعلامي مو حب في الليبراليين الا عشان يلهينا فقط عن كبار الأمور
لكن الليبراليين يستغلون هاذي الفرصه فـ تراهم يطالبون ويطالبون
وما الأمر بالاخير الا عار ثاني على هذا الاعلام انه منح فرصة ذهبية لليبراليين ويؤكد فساد هذا الإعلام!!
الآن راح ادلل ان فعلا عندنا فريقين يتم سواقة فكرهم سوووق وصب كل تركيزهم على هالموضوع فقط
الأولى فئة المطالبين وهم عندهم إستعداد للعناد والإستمرارية بالقيادة متى ما سمحت الفرصة مثل المساعدة الإعلامية الآن
وهؤلاء للاسف ما نشوفهم يطالبون مثلا بإنشاء بيت لكل مواطن رغم القدرة المادية في بلدنا
ما نشوفهم يطالبون بتحسين الفكر والعقل عند شباب جيلنا والأجيال الجايه
من خلال الإهتمام الحقيقي للتعليم وجودته ماهوب التعليم العالي الهزيل عندنا واللي ماله بحوث لها صيت في العالم !
ما نشوفهم يطالبون بإخراج القنوات الفضائيه من البيوت لانها تهد الأجيال او إغلاق محلات الأغاني
ولذلك هم من الأساس يواجهون أساسا
مجتمع وجيل مُشبّع بالأمراض الفكرية والاخلاقية والجهل والقمع ..
والافضل يرتاحون لأن قيادة نسائهم في ظل وجود ناس اخلاقياتهم وتعاملهم غير مسؤول وتافهيين
ما راح تجيب لهم ولنسائهم إلا الويلات والتحرشات .. اكبر دليل على كلامي منطق الفئه الثانيه اللي راح اتطرق لها الحين
الفئة الثانيه هي فئة معارضين القيادة المتحمسين بالنقاشات والهجوم على المؤيدين
هؤلاء أيضا مع كامل إحترامي وإن كانوا يعقلون .. لا ينبغي انهم يفرحون أشد الفرح بمنع القيادة
تفرحون على ايش ؟ علشان القيادة ممنوعة وهي اصلا لا صارت ظاهرة ولا شي ؟
طيب طيب ناخذها معكم بالهداوه
يعني منظر الرجال اللي يبيع لحريمنا ملابس نسائيه خاصة المنظر المقزز هذا كويس وجميل ؟
مالكم لا تملكون غيره في منظر مؤلم زي هذا ويهين الرجل المسلم
مالكم لا تكسرون الكيبوردات والاسواق علشان تمنعون القرف هذا !
عاجبكم يعني مناظر البنات والحريم مع السواقين الاجانب
ناهيك عن شكاوى بعض الاخوات هنا من باص الخالد اللي اهتزت لها رجولتي !!
ايضا .. يعني محلات الاغاني اللي تبيع المنكر علانية وجهاراً وبموافقة اجهزة الدولة شي رائع ناهيك عن الفضائيات ؟
يعني اللي يقف ضد الجهاد لا يُحتسب عليه ؟
او يسمح بالبنوك الربوية اللي اهلكت النسل والحرث وطبعا بنوكنا كلها ربا !
يعني اللي يعلن المنكر في يوتيوب من البرج بالرياض ما تعرفه الهيئه وسوا سالفته في كولومبيا ؟
وغيره وغيره وغيره من أكل المال العام وسيول جده والبطالة و و و من القضايا اللي فعلاُ تهدد بالخطر وكااااارثية الوضع
أرجوكم أرجوكم سخروا كل قواكم على كوارث أكبر بكثير من القيادة وفعلاً موجودة مثل بعض اللي ذكرتها أعلاه
لأن في ظل الكوارث اللي فوق مثل بيع الرجل للنساء والاختلاء
والمصايب الاكبر اللي تحتها وتنخر جسد الأمّه فعلاُ
موضوع القيادة لا يعني شي أبداً
فليذهب الى الجحيم لا قيمة له ان كان كل هالبلاوي عندنا وساكتين اقصد فرحانين
ولا ينبغي اصلا الفرح والا الفخر ان القيادة ممنوعة عندنا
نفرح على ايش !! على ان خيبة قمعناها وقمعنا الكثير من اخواننا
و حنّا عندنا انواع الخيبات الثانية المنيّله بستين نيله ولا نتكلم عنها ولا نملك القرار حولها ولا عقال ولا حتى اظافر وناكل تبن !!!
ترى الأسد من رفع العقال في كبار الأمور ماهوب على شوية حريم وبنات في موضوع سخيف والغرض منه اختلاف الناس زي القيادة !!
اتمنى اشوفكم اسود فعلا ونشوفكم في كبار الامور واعظمها ماهوب هالنزاع الاعلامي المعروفه اهدافه
لان انا عن نفسي ضد القيادة نوعا ماُ خصوصا ان منطقكم هو انحراف الناس اللي بتجيب الويلات لبنات الليبرالين على ما تسمّون !
وهنا بصراحه نقطة تأمل ان ليش المعارضين يغلبون ظن السوء وان بتصير فتنه وانحراف مع القيادة
ليش ما يغلبون حسن الظن وان الانسان بريئ حتى تثبت جريمته ؟
إلا طبعا لان الكثير يخفي داخله حقيقة الانفلات الاخلاقي الرهيب عندنا بس هنالك نفاق اجتماعي يغطي الامر أحياناً
وهذا تاكيد على كلامي لفئة المطالبين والويلات لنسائهم اول وماهية منطق فئة المؤيدين اللي نابع من حقيقة للأمانة ..
عموما ارجع واقول انا من المعارضين نوعا ماً
بس استحي احارب اهل القيادة شخصاُ شخصاُ وارفع العقال على حريم واتعامل بهالهمجية والإستئساد على ناس ما يخوفون
في حين كبار القضايا والمؤثره فعلا ساكت فيها ومالي حق اتكلم فيها ويا ويلي لو تكلمت فيها
امّا اني اكون أسد في أمر عظيم والا بلاش .. القوة في قوة الأمر وقوة أهله لا على شوية هالحريم الغلبانين وحملتهم الفاشله للمطالبه ..
عقلي ما ينساق سووق ورا هالحملات الفاشله عشان تهد طاقاتي وتفكيري عن كبار الأمور الخطيرة
ويستفيد منها فلان وفلان وحنّا مثل ما حنّا ليومنا نناقش القيادة وضايعين بالطوشة
اخيراً في شي صرت احب استدل فيه على ضعف التفكير عندنا والمنطلقات الصحيحة غير الإزدواجية
وهو اني بكثير منتديات صرت اشوف ناس ترفع صورة بن لادن الله يرحمه وتمدح فيه
فيه حين إنك تلقاههم يمدحوا كمان سمو الأمير نايف بنفس اليوم
واللي يعتبره بن لادن اشد الاعداء له وكلنا نعرف محاولة الاعتداء على محمد بن نايف
كل الفريقين كفروا بعض واحد يقولك هؤلاء كفره وخونه وعملاء للغرب
والدوله تقول هؤلاء خوارج هذا الزمن وكفره ايضا ومفسدين ..

أخرجه البخاري ومسلم عن ابن عمر بلفظ:
أيما رجل قال لأخيه: يا كافر، فقد باء بها أحدهما. و
زاد مسلم في رواية: إن كان كما قال؛ وإلا رجعت عليه. وفي لفظ آخر عند مسلم: إذا كفر الرجل أخاه فقد باء بها أحدهما.
المنطق والحديث الشريف يأكد لنا أن احدهم كافر .. ومع ذلك تجد الكثير يصفقون للفريقين بدون أي ذرة تفكير وتأمّل ..
هنا فعلا ما تستعجب لماذا تنساق العقول لمواضيع يصنعها الاعلام لإشغال المسلمين عن عظائم الأمور
وهنا ايضا ما تستعجب اذا الحوارات
تحولت لشخصنه وإساءات وضحك وإستخفاف دم ولا مُباله في الاخير كما شاهدت هنا !!
أو فرد عضلات وكأن مافي مشاكل ومتلاعبين بالدين اكبر من اهل القيادة !! سكتم بكتم (:


الأفراد عندنا لديهم مشكلة فكرية وعقلية في المبادئ والمنطلقات كبيرة كبيرة للغاية
وعشان اصلا نصنع جيل يفرّق بين الامور الجديرة بالاهتمام وبين الأمور اللي يشعلها الأعداء لغرض النزاع بين افراد المجتمع
وعشان كمان نصنع جيل يعرف يناقش بمنطلق ديني وعقدي وثقافي ثابت ليس عناد وهجمية وازدواجية في الافكار
نحتاج اساساُ اننا ننشئ العقول السليمة والتفكير السليم وهذا يبغاله ثورة فكرية وعلمية
الأمور الآن ما تساعد مره وخير دليل هذا الموضوع !
للجميع / أيقنوا اللعبه فعلاً فقد تكررت كثيراً بمواضيع كثيرة على مدى السنوات السابقة
واربأ بعقول الجميع أن يصيبها العار وهي تهتم وتحارب وتسخر طاقاتها بمشكله سخيفة امام المشاكل الثانية
ومعروف مين المستفيد من طرح هالمشكلة السخيفة ونزاع المسلمين عليها وتفريقهم وبغضهم لبعضهم البعض
كان الله بالعون ..

[المحامية]

تسلمي يا رائعة
رأيت فيك شيء من الحكمة لذا خصيتك بالكلام واعلم انك تدركين تماما ان الحكمة تقتضي ايضا عدم الرد وإن ردت هي بعد ذلك بعد ذلك :)