سؤال لدفعة السنة الماضية ..(تعبنا من الشائعات!)

[Mr.Mohanned]

ياعزيزي .. أنا الحمدلله فاهم التسكين كويس .. إذا انت مو فاهم بإمكانك تسأل :)

وبعدين احنا هنا في منتدى جامعي .. وفالأول والأخير احنا مازلنا طلاب ونحاول قد مانقدر نكتب لزملائنا ونجاوب على تساؤلاتهم .. وإذا قدرنا نحاول شوي نعطيهم دفعة إلى الأمام ومانحبطهم !

ممكن يكون كلامك خطأ .. وممكن يكون كلامي خطأ

بس أنا هذا اللي فهمتو من مكتب قبول الكليات الصحية في عمادة القبول والتسجيل .. مو من راسي !

وبرضو جبتلك صور فرز السنة التحضيرية من الأودس .. وحاطين لك كل المعلومات
النسبة الموزونة للكلية اللي .. والنسبة الخاصة لكل طالب - اللي هي نسبة الخمس مواد - .. اللي بناءً عليها تم الفرز
واللي بناءً عليها حُـذفت حضرتك في شمال جدة مو بناءً على معدلك .. ماحطلوك نتيجة المفاضلة مثلا، أو أدنى معدل انقبل، بالعكس كاتبين أدنى نسبة موزونة

احنا ما قبلنا أول شي حسب معدلنا بعدين سوولنا مفاضلة .. ماأدري هذا الشي عمري ماسمعت عنو
لو كان المعدل له أي علاقة في القبول كان أساساً كتبوه وماوجعو راسهم وسوو نسبة خاصة وموزونة ..
بس هم كل سنة يطلبون عدد مقاعـــد معين .. وياخذون العدد هذا حسب أعلى طلاب في النسبة الخاصة

المهم .. اللي له نصيب فالقبول بينقبل سواءً على معدلو ولا على نسبتو

بالتوفيــق ..

Mr.Mohanned

[MR.Google]

المشاركة الأصلية كتبت بواسطة mr.mohanned ياعزيزي .. أنا الحمدلله فاهم التسكين كويس .. إذا انت مو فاهم بإمكانك تسأل :) وبعدين احنا هنا في منتدى جامعي .. وفالأول والأخير احنا مازلنا طلاب ونحاول قد مانقدر نكتب لزملائنا ونجاوب على تساؤلاتهم .. وإذا قدرنا نحاول شوي نعطيهم دفعة إلى الأمام ومانحبطهم ! ممكن يكون كلامك خطأ .. وممكن يكون كلامي خطأ بس أنا هذا اللي فهمتو من مكتب قبول الكليات الصحية في عمادة القبول والتسجيل .. مو من راسي ! وبرضو جبتلك صور فرز السنة التحضيرية من الأودس .. وحاطين لك كل المعلومات النسبة الموزونة للكلية اللي .. والنسبة الخاصة لكل طالب - اللي هي نسبة الخمس مواد - .. اللي بناءً عليها تم الفرز واللي بناءً عليها حُـذفت حضرتك في شمال جدة مو بناءً على معدلك .. ماحطلوك نتيجة المفاضلة مثلا، أو أدنى معدل انقبل، بالعكس كاتبين أدنى نسبة موزونة احنا ما قبلنا أول شي حسب معدلنا بعدين سوولنا مفاضلة .. ماأدري هذا الشي عمري ماسمعت عنو لو كان المعدل له أي علاقة في القبول كان أساساً كتبوه وماوجعو راسهم وسوو نسبة خاصة وموزونة .. بس هم كل سنة يطلبون عدد مقاعـــد معين .. وياخذون العدد هذا حسب أعلى طلاب في النسبة الخاصة المهم .. اللي له نصيب فالقبول بينقبل سواءً على معدلو ولا على نسبتو بالتوفيــق .. mr.mohanned

[彡yS❤Ry彡]

المشاركة الأصلية كتبت بواسطة mr.mohanned ياشبــااب .. احنا لما انقبلنا في الكلية ولله الحمد ماكان في حاجة اسمها إنو يسوو مفاضلة بعدين يشوفو النسبة الخاصة اللي هي نسبة الخمس مواد ! وأساساً من لما كنت في سعادة السنة التحضيرية عمري ماسمعت عن هدا الشي .. ماادري الناس من فين جايبة هالكلام .. بعدين يا مزاج .. من شروط القبول في كلية الطب أو الهندسة .. انك ماتكون راسب في أي مادة من المواد وتحملها معاك فالصيف .. حتى لو كانت مهارات اتصال ولا حاسب .. طيب كل واحد ياريت يفتح الأودس ويشوف نتيجة فرز السنة التحضيرية لاحظو في الصورة الأولى النسبة الخاصة للطالب وموزونة الكلية .. ولاحظوها كمان في الصورة الثانية .. وبعدين ياأخوي يسوري .. ال 89 هذي ماكانت النسبة العامة لكل المواد .. بالعكس كانت النسبة الخاصة .. حتى جرب احسب درجاتك في الكيمياء والأحياء والفيزياء والإنجليزي 1 و2 وشوف كم تطلعلك .. حتطلع لك نفسها النسبة الخاصة للطالب اللي بناءً عليها تم القبول .. بالضبط .. طيب نفترض إنو موزونة الكلية 89.333 وكان عندي طالبين .. الأول كانت نسبتو الموزونة 89.4 ومعدلو كان شوي نازل بسبب مثلا الرياضيات ومهارات الإتصال والحاسب .. اللي هي مواد مالها دخل في حسبة كلية الطب والثاني كانت نسبتو الموزونة 89.2 ومعدلو أعلى من الأول بسبب مثلا الرياضيات ومهارات الاتصال اللي مايطلو فيها اساسا في القبول في كلية الطب حياخذو الثاني على الأول بسبب معدلو ؟؟! أصلاً بالعقل ماتجي .. المعدل هذا يمشي معانا إلى آخر ترم في الدراسة .. ومنطقياً إنو مايكون لو دخل في القبول في كلية الطب .. إنما النسبة الخاصة تبعت الخمس مواد .. mr.mohanned

طيب انا برد عليك وبقنعك بكلامي

ياحبيبي انا نسبتي الخاصة 84.6
والعامة 86.8

اذا كان كلامك صح وانها " بالنسبة الخاصة " ليش خلوني في شمال جدة ومارموني في رابغ ؟!!!
>> أقوى سؤال تحشيري

[Ms.Glamor]

انو النسبة الموزونة بس تدخلك في المفاضلة .. يعني بعد ما ياخذو الناس اللي جابو اعلى شي في النسبة الموزونة , يطالعو في النسبة حقت باقي المواد ويختارو على حسب كذة

هذآ الصح ،،

كل آلموآد مهمهـ وكلهآ لآزم تشدي حيلك فيهآ ^^ ..

لو مثلاً طآلبه الخآص حقهآ 88 وو ثآنيه الخآص 86

بس الآولى العآم حقهآ آقل لنفترض كآن 89 و الثآنيه العآم 91

فالثنيتن دخلوو المفآضلهـ بس الثآنيه آم 91 هي آلي لهآ الآولويه آنهآ تدخل الطب =) ..



شدي حيلك فكل الموآد وربي يحقق لك آلي تبيه
بآلتوفيق يآرب ..

[MeeNo92]

ثاانكس ع التوضييح ^_^

[Mr.Mohanned]

المشاركة الأصلية كتبت بواسطة 彡yS❤Ry彡 طيب انا برد عليك وبقنعك بكلامي

المشاركة الأصلية كتبت بواسطة 彡yS❤Ry彡 ياحبيبي انا نسبتي الخاصة 84.6 والعامة 86.8 اذا كان كلامك صح وانها " بالنسبة الخاصة " ليش خلوني في شمال جدة ومارموني في رابغ ؟!!! >> أقوى سؤال تحشيري

لالا انت فاهم غلط هع .. الدعوة ماهي تحشير زي ماتقول ، لا بالعكس أنا أبغى أفهمك باللي فهمتو زي ماقلت ..
حضرتك تفضلت وقلت " ال 89 هذي اللي انقبلوا فيها الطلاب كانت نسبة موزونة عامة لكل المواد " ..

ياأخي الفاضل ..
النسبة الخاصة للطالب اللي انكتبتلي في ثاني صورة حطيتها فوق .. كانت نفسها اللي أنا حسبتها بمجموع الخمس مواد ! .. وحتى من قبل لاينزل الفرز ..
ونسبتي العامة ماهي حولها أساسا ً ..

اجمع درجاتك في الخمس مواد واقسم الناتج على5 .. وارجع الأودس وشوف خانة النسبة الخاصة .. وحتلقاها نفسها .. مستحيل تلقى نسبة خاصة ثانية .. !!

موزونة الكلية اللي هم حطوها .. تعتبر أدنى حد للقبول .
والنسبة الخاصة .. هي اللي تحدد قبولك في الرغبة ..
إذا كانت النسبة الخاصة مثل موزونة الكلية أو فوق .. تنقبل .
أما إذا كانت النسبة الخاصة تحت موزونة الكلية .. مستحيل ومليون مستحيل انك تنقبل .. !!

وحدة من الثنتين .. ياأما إنك حسبت نسبتك غلط .. أو عندك واسطــة قوووووووووية

إرجع الأودس وشوف نسبتك الخاصة وشوف الصور في نتيجة الفرز .. أنتظر ردك ..
ولا تدري .. بإمكانك تروح مكتب قبول الكليات الصحية في عمادة القبول والتسجيل .. وهناك حيقولولك نفس اللي قلتو ..
موفــق ياغالي ..

Mr.Mohanned

[彡yS❤Ry彡]

الدعوة لا واسطة ولا هم يحزنون
انت منت مصدق شوف هذي نتيجة التسكين حقتي
إذا اقتنعت حلو واذا ماقتنعت براحتك

[Beeshoob]

وااااااااو من جد انا اجل كانت فاهمه غلط << مشكله اللي ما تسال
دحين النسبه الخاصه حقت الطب في الفيزكس والكيم والبايو والانقليش 90
طيب يعني لو مثلا
فلانه من الناس كانت نسبتها الخاااصه 91 ونسبتها العامه 90
وانا مثلا يعني كانت نسبتي الخااااصه 90 وانا نسبتي العامه 92

يعني مايهم كم نسبتي الخاصه مدام دخلت في المفاضله حتى لو كنت ع الحافه
انا انقبل وهيا لا لمجرد انو نسبتي العامه اعلى اوك هوا منطقي اكتر كدا لانو لو كان العكس
كنت راح اهمل الرياضيات والاحصاء عشانها ماتخش في الطب فعلا ماراح تفرق معايا وقتها درجاتي فيها

بس يعني اللي نسبتها الخاصه 91 زيها زي اللي نسبتها 90 مافي فرق
الفرق في العامه ؟؟؟

مره تسلمووو وادا في كلامي غلط ياريت احد يصحح لي

[فخر النماص]

^^^^

يا سلام عليك هذا الكلام

فهمك للتسكين 100%


طبعا اذا وحدة جابت النسبة الخاصة 91 والعامة 90

ووحدة جابت الخاصة 90 والعامة 92

الافضلية لصاحبة النسبة الموزونة العامة الاعلي


الله يوفقكم ويحقق لكل متمني منيته

[Mr.Mohanned]

[CENTER]

المشاركة الأصلية كتبت بواسطة 彡yS❤Ry彡 الدعوة لا واسطة ولا هم يحزنون انت منت مصدق شوف هذي نتيجة التسكين حقتي إذا اقتنعت حلو واذا ماقتنعت براحتك

لالا مصدقينك ماقلنا شي

بس صراحة غريبة .. يحطون موزونة ويقبلون أقل منها .. !!
أنا عمري ماسمعت عندنا في الكلية فالجامعة إنو أحد انقبل وهو تحت النسبة الموزونة .. ماأدري

>> أكيد بس يبغون يملون المباني اللي فالشمال عشان يسوون فيها فرع ثاني للجامعة


بس ياسر ماتلاحظ حاجة .. كاتبيلك في نفس نتيجة الفرز فالصورة
" استبعدت الرغبة لعدم انطباق شرط النسبة الخاصة "


ماكتبوا لعدم إنطباق المعدل أو النسبة العامة !!!

ما أدري صراحة أنا إلى الآن متأكد إنو المعدل مالو أي علاقة في القبول ..

يلا برب راجعلكم بعد الإختبـارات

بالتوفيق .. !

Mr.Mohanned