ايش اسوي في عمري

[Mn7osa]

السلآم عليكم ورحمه الله ياا دكاترة االمستقبل

المهم باقلكم معاناتي وابا نصيحتكم

انا طالبه في التحضيري خطه ب

الاحصاء عندي مرة زفت يعني يمكن اجيب 80 واعرف انو مو من شروط الطب بس المشكله

الكيمياء كمان 80 وانا اباااااااااااااااااااااطب حموت عشان اخش طب كل المواد الحمدلله مرة قود

الا دي المادتين وشروط الطب 90 انا فكرت اسحب قبل ماختبر النهائي وينزل ف المعدل

واقدم الترم التاني والسنه الجايه ادرس كمان ترم يعني كاني مادرست شي في دي ال5 شهور

عشان احسن مستوايا انا ف البدايه ماكنت فاهمه شي عن التحضيري عشان كدا اتنكبت بس دحين

خلاص عشان كدا افكر اقدم اعتذار وادرس من جديد الترم الجاي والسنه الجايه اعرف انو

حتضيع سنه من عمري بس انا حلمي اصير طبيبه جنائيه < شرعيه > بس

عبد العزيز قتلت حلمي والله خلاص كوابيس صارت بسسببهاا تنصحوني اسوي كدا ولا لا

وقلت ازا ماينفع ادرس دي السنه والسنه الجايه احول ابن سينا بس هل هيااا كويسه ولا لا

ويقولو جامعه الملك سعود الحرس الوطني احسن منهاا بس ماعرف انتو تنصحوني بايش من دي الخيارات التلاته
انا مابدي ادرس وفي النهايه ماحقق الا انا ابغاها مرة ماقدر كداا وبعدين نفسي افرح ماما

ومابدي اكمل وف النهايه ماخش طب

احس اني منحوسه بقوه في دي الحياة

اقلكم شي يضحك كمان تخيلو سجلت في جامعه الطايف
وانقبلت طب خخخخخخ بس
قبل يوم طباعه الاشعار اكتشفت اني كتبت نوع الجنس ذكر مو انثى
ايش رايكم في مصيبه اكبر من كدا
وام القرى سحبت عليها

والبعثه ماكان في احد حيجي معايا
وفي النهايه مالقيت الا التحضيري ف وجهي

اعرف انو كلو ابتلاء
بس تعبت ماقول الا يارب افرح ف النهايه

بس لاتبخلو عليا بنصيحتكم

[JuStice]

.

وعليكم السلام ورحمة الله وبركاته ,

نصيحتي :

لا تسحبي ولا تعتذري .. كملي وشدّي حيلك أكتر ,

حتى لو ما أنقبلتي طب تقدري تجلسي سنة في أي كلية طبية تانية ترفعي معدلك وبعدها تحوّلي طب .

وخلي في بالك إنه ما دام فيه طلاب وطالبات بـ يجيبوا درجات ومعدلات مرتفعة فـ هذا معناه إن الخلل مننا إحنا وما لنا عذر !

موفقة

.

[مَـزٍآج ..}..]

وعليكم السلامـ ..

وانآ رأي من رإأي الدكتور .. بدري جداً عن خيآر السحب ..

بآقي سمستر ثآني وعلى فكرهـ مو مشكله لو نزلتي عن التسعيـن في الموأإد .. اهم شئ النسبه الخاصه عالية ..

واحمدي ربكـ انك غلطتي في تسجيلك في جامعة الطآئف ..

لأنه سمعتها والردإأسه فيها مو جيدهـ .. تعقيد .. يعني خيرة لكـ إن شآء اللهـ !!

بالتوفيق .. !!!

[Mn7osa]

طيب اقدر احول من طب اسنان لطب بشري بسهوله


وسؤال تاني

ازا جبت ف دا الترم معدل 4 وفي الترم التاني جبت معدل 4 وبوينت شي يعني 4.60 او 70

كم حيصير معدلي وهل يدخلني طب ؟؟

[M!SS Lara]

حبيبتي اولا .. نسبة طب الاسنان أعلى من نسبة الطب ..
واذا بدك تحولي .. فالتحويل يكون بعد سنه من التخصص وتكون بنسبه أعلى 4,5 ..

..انتي شدي حيلك ولاتستسلمي ..