مبتعث سعودي يضرب زوجته وطفله , وينسى إنه في بلاد القانون !!!

[:. مآء السمآء .:]

بعدين ما تعرفِ سبب الضرب، فلا تحكم على الناس يعني

يعني انت تعرف


وبعدين اياً كان السبب مايضربها وأكيد انه مو صاحي

يعني لله هم الغرب مايطيقونا وكل افكارهم عننا اننا وحوش نروح احنا نثبت لهم هالشي وفي عقر دارهم

ويستاهل اللي جاه

الله يحرق كندا يا شيخة >> من قلب

ليش جولي حرام عليك لا تدعين خليني اروح لها وارجع وبعدين تنحرق بكيفها


برايفت لـ سوار : قريتي مقال ( النساء حبائل الشيطان )

[مجبور اوادعها]

المشاركة الأصلية كتبت بواسطة همس الغلا يعني انت تعرف وبعدين اياً كان السبب مايضربها وأكيد انه مو صاحي يعني لله هم الغرب مايطيقونا وكل افكارهم عننا اننا وحوش نروح احنا نثبت لهم هالشي وفي عقر دارهم ويستاهل اللي جاه ليش جولي حرام عليك لا تدعين خليني اروح لها وارجع وبعدين تنحرق بكيفها برايفت لـ سوار : قريتي مقال ( النساء حبائل الشيطان )

ما اعرف بس فيه أشياء الواحد ما يقدر يصبر فيها

مثلاً لو وحدهـ رجعت البيت وهي شافطهـ شي ولا شاربه القليل من الجعه

او جلست تتكلم مع واحد - خواجهـ - ومسويه صاحبته

انا الصراحة ما اقدر، على طول بالحجار على نفوخها من بعيد << عشان لا يتلطش، توهـ شاف موضوع البنت الي تلعب كرتين

فتكم بالعافيــــة

{}

[dre]

في بعض الاعضاء حرام فيهم جامعيين

[فراشة الألماس]

كثر في هذا الزمن من يعظم الغرب ويوقرهم
وكثر أيضا من يسهُل (الكذب >>> النصب عليهم)
لاننكر أنه في بعض قوانينهم يوجد العدل لكن ناااااااااااااااااااااااااااادرا

[Wanes]

لو كان العدل عندهم نادر اجل اش نقول على العدل عندنا في المملكة


المهم اللي حبيت اقوله ان كل واحد قرأ الموضوع من جانب ومافكرنا في الجانب العام للموضوع

وهو ان ابو الشباب ما احترم قوانين البلد اللي هوا فيها

والمفروض ان كل شخص لما يجي يسافر لبلد يكون عنده خلفية عن البلد وخاصة اللي راح يطول فيها
لان في دول الغرب وفي القضايا العامة لا يوجد لديهم استثنائات والقانون فوق الجميع دون استثناء


بخصوص العدل واللي جالس يقول نعمة الاسلام يالله لك الحمد والشكر على الصعيد الشخصي بنعمة الاسلام
لكن هل القانون الاسلامي يطبق عندنا
او هل القوانين الوضعية تتطبق عندنا


او عشان نختمها من الآخر


هل في قانون يطبق عندنا ؟ سواء كان إسلامي أو وضعي أو حتى شيطاني

[روح البنفسج]

ضربها ورجعت له !!!!!

يقولو ياداخل بين البصلة وقشرتها ماتنوبك الا ريحتها

الحمدلله والشكر

مرسي ع الخبرية

[نمر من النمور]

رجال اتمشكل مع مرته

قامو أعضاءنا استلوا سيوفهم إستعدادا للقتال

[:. مآء السمآء .:]

قامو أعضاءنا استلوا سيوفهم إستعدادا للقتال

اي قتال الله يهديك

هم يتناقشون ويتحاورون

بس هذا اسلوب النقاش عند طلاب وطالبات جامعة الملك عبد العزيز

مو انك تبدي رأيك بس لا

لازم تجبر العضو الاخر بتقبل رأيك وإذا ما قبله فهو خارج عن المله

وفي النهايه تجي تلاقي ان الموضوع الجميل تشوه بالشمع الأحمر

.
.

[PACIFIC OCEAN]

أولاً ،، أشكرك أختي على الخبر .
حزنت لأن الخبر سييء - إن تأكدت صحته - و ينقل صورة سيئة عن الإنسان "المُسلم" قبل أن يكون سعودي .

ما لاحظته وأحزنني أيضاً هو من قبل غالب الأعضاء هُنا ،
نحنُ العرب بغالبيتنا و في الغالب نتخذ سياسة "الإقـصـــاء" في مُعظم أمور حياتنا ..
وأقصد إقصاء الطرف الآخر ، وهذا ما وضح جلياً في هذا الحوار !

يا ناس يا عالم ، كل دولة أو شعب أو فئة أو فرد لهُ إيجابيات كما لهُ سلبيات .
ليس من المعقول أن يكون إيجابي بكل ما لديه ! كما يجب أن لا يُهضم حقه و يُقال عنه أنهُ سلبي بكل ما لديه !!

فبلادنا لها إيجابياتها و سلبياتها ، بالمقابل بلادهم لها إيجابيات و سلبيات وإن كانت السلبية الأبرز هو أنهم غير مُسلمين !

كل ذلك من أجل توضيح نقطة مهمة أثناء الحوار ،،

يجب أن نبتعد عن سياسة "الإقصــــاء" . نذكر ما لنا و ما علينا لنكون عقلانيين .

وعذراً على الإطالة ،،،

[ترسي المحبوبة]

لا حول ولا قوة الا بالله

هل هذا اصلا رجل !!!

الرجل الي يستخد الضرب وسيلة لحل المشاكل لا يمكن ان اضعه في قائمه الرجال او حتى يعرف معنى الرجوله ....


مشكورة غاليتي

لكِ كل الإحترام و التقدير