عذراً يا طلاب الإنتساب .. فالجامعة ليست جمعية خيرية

[العم بسيوني]

السلام عليكم ورحمة الله وبركاته ؛

عذراً إخواني ، أخواتي .... ولتتسع صدوركم لما أقول ..

نعم ... الجامعة ليست جمعية خيرية .. لماذا هذا الكلام !

لأني أرى في الآونة الأخيرة كثيراً من المواضيع كتبت .. ينتقد فيها نظام الإنتساب و انه إستغلالي وانه ربحي و غيره من الكلام ..

أعزائي ...

أبسط كلمة تقال ... ( ما احد ضربك على يدك و قال لك انتسب ) ..

بتقول لي محتاج شهادة .. بقول لك .. ( جيب لي جامعة تنتسب فيها ببلاش .. والله يوفقك ).

يا اخوان ... بدل ما نشكر جهود الجامعة في توفيرهم الإنتساب لنا و بسعر رمزي والله . يكون جزاهم النقد و الذم ؟؟

يا اخوان ... حد فيكم درس في جامعات خارجية أو داخلية أهلية ؟
والله انك تدفع على المادة و ليس الترم قيمة ترم كامل في جامعة الملك عبدالعزيز ... ولا بعد ما تدري وش مصيرك لما تتخرج منها

فاحمدوا ربكم ... والله احمدوا ربكم وعن الفلسفة و الإنتقادات اللي مالها سنع .

كلمات قرقعت في صدري ... قلت اكتبها لكم

وشكراً

[candy 1989]

من جد والله صح كلامك ..وربي شووهوو سمعة جامعتناا

و اللي يشوف بعض الردود يقووول مراا مظلوومين..

ترم صيفي بلاش

واللي مايقدرر يدفع حكومتنا ربي يوووفقهاا وفرت الاعفاااء ...

اشكــــــــــــــــــــــــرررررك...

[اوطان]

نقطنا بسكاتك

دام النفس عليك وعليهم طيبه

[AL-AOLANI]

الواحد فيكم يسكت يسكت

ويطب في موضوع يخلي الناس تنشحن من جديد


الله يزاها خير الجامعه لو بس تطلع نتايجنا وتريحما م عوار الراس هذا

[D&G]

مادري هل هو ضعف شخصيه فيك أو أنك اجبرت نفسك ورضخت للامر الواقع رغماً عن أنفك

وأنت كمواطن لك حقوق اساسيه ليه ماتطلب فيها
ليه تخليهم يدوسون على حق من حقوقك



من حقوق المواطن
حق التعليم :

يحق لكل المواطنين الحصول على التعليم الأساسي المجاني في الدولة، كما أنه يجب توفير الفرص والإمكانيات المتكافئة لكل المواطنين لمواصلة دراستهم في المراحل والمجالات التعليمية الآخرى غير مرحلة التعليم الأساسي. لا يصح أن يقف عُسر الأحوال المادية عائقاُ أمام مواصلة تعليمهم .

[نمط]

فسر الماء بعد جهد بالماء



الحين الناس تتكلم وتقول ظروفها صعبه تلاقي نسبه كبيرة منهم موظفين وعنده إلتزامات معيشية تجاه نفسه وتجاه اسرته وفي نفس الوقت يحاول يأمن لنفسه مستقبل ممتاز بتقولي لا ينتسب في جامعه عشان الدوله اعطتهم حق الدراسه ولو كان بلفوس ؟

ياسيدي الكريم كل الموضوع مقارنه مابين الناس الي ماقدرت تسافر او تلتحق بالبعثات وبيننا يعني وش الفرق ماهي فلوسك ذي تروح لهم كجزء منها للجامعه نفسها وتطويرها وجزء يروح لوزارة التعليم العالي ومدخرات الدولة وتلاقي نفسك في الاخير تعاني عشان تدبر هالمبلغ وغيرك ياخذها بارده مبرده وياليته لا سافر بعثه ولا شي رجع بشي طيب الا بلاويهم في الانترنت وانواع الاستهبال انا ما اعمم على الكل بس بنسبة كبير هذا الي حاصل

المطالبة الجماعية تقول خفضوا نسبة المبلغ المالي من 3000 إلى 1000

على فكره في ناس هنا اهاليهم يصرفوا عليهم ومافكروا كيف تجي الفلوس عشان كذا جالس يتفلسف ولا يدري عن حال الناس الله يخلي لهم بابا وماما بس


تحياتي يابطل

[(قاهر)-(الاميره)]

اشك انك داسوس وعميل للانبرياليه عموما بس ابي منك ابي طريقة التقديم على بنك التنميه الزراعي عندك

[كتمان]

والله مواضيعك اللي مالها سنع انت والاخت اللي راده بعدك اللي جاييها اعفاء مدري باي طريقه..غيرك ياحلوه قدم وانرفض لاتقعدين بكل كلمه والثانيه تقولين اعفاء ومدري وشو ..اعفاء ايش اللي باوراق نصها مزوره .ايه مزوره والله على كلامي شاهد والله انه في وحده مقدمه اعفاء بصك طلاق وهي متزوجه وعايشه زي الحلاوه لو عندهم شوية ذمه يبحثون بالاوراق اللي تتقدملهم مو كل من قدم شي صدقوه واعفو عنه..وانتي الله اعلم ايش جايبتلهم كمان قوليلنا عشان يعفون عننا زي ماعفو عنك..والعم بسيوني دام المبلغ رمزي بالله ادفعلي حق الترم الثالث عشان انا مسكينه ماعندي

[الاسد88]

أخي العم بسيوني . هذا رايك انت واختلاف الرأي لا يفسد للود قضية .

ولكن باسلوبك الاستفزازي افسد للود الف قضية .

عموما اللي يكون عنده رأي مو شرط يعممه على جمور الناس .

فقط احتفظ برأيك .ودع الامـــر لغيرك .

وانت تعي جيدا اي امــر أقصد .
وسلامتك .

[الحرية كلمة]

قل خيراً أو أصمت ...

أعتقد أنك لم تقل خيراً ... لذا فأصمت !!!

الحرية كلمة