لجنة إعادة التصحيح الدرجات كلاااام فاضي

[كنت هامور]

اليوم كنت ومعي مجموعة من الشباب عند لجنة إعادة التصحيح بصراحة ضحك على الدقوون وحاطينها بس عشان يصكتون الطلاب

أجل بس يخليك تكتب التعهد وتوقع أنه اذا كان في زيادة ونجحك الدكتور ترجع الدرجة الاصلية ويرروح الموظف للنموذج حق الاجابة

حقك ويقراء الدرجة المكتوبه فقط ويقولها لك. وووووووين يالحبيب هذه بالله مراجعة تصحيح تسميها ما سويت شي والله كلام فاضي .

وقلت له طيب براجع النموذج حق أجابتي مع الاجابة النموذجيه قال هذي لازم عند الدكتور وتراجع الدكتور وتتفاهم معه وأذا رحت لدكتور

قال تعلمني التصحيح ويرفض وزين أذا ماتهاوشت أنت وهو من أخلاقه البااااايزه . والله مسخرة وقلت حياء

يعني الي يروح ماراح يستفيد شي من المراجعة اليوم يمكن 30 طالب ولا أحد قالو له أن فيه خطاء من عندنا في الدرجة هي وحدة من الثنتين

أما راسب ونجحك الدكتور أو الحل الي أنت حليته ومتاكد منه في الكتاب بقدرة قادر بعد ما سلمت نموذج الاجابة تحولت إجاباتك الصحيحة إلى خطاء

وأكبر دلييييييييييل درجات أدارة التنمية الشباب حلو الاسئلة من الكتباب برقم الصفحة وآخرتها 65 60

حسبي الله ونعم الوكيل على كل مسؤول في الجامعة عارف الوضع الخايس هذا وساكت

[العسلي 1]

الله يعين

[Abrar88]

حسبي الله عليهم

[بنت ناس وقلبي ألماس]

مالهم الحق ينقصوا درجات حتى لو كان الدكتور مزودكم من عنده وهذا الشيء وقعنا عليه في ميثاق الطالب ومن ضمن حقوق الطالب،،

شوف يا أخوي إن كنت بالفعل انظلمت في درجتك ومتأكد من إجابتك قدم شكوى إلى رئيس القسم تطلب فيها إعادة تصحيح الورقة والإطلاع على الإجابة النموذجية وإن ما نفع مع رئيس القسم وصل الشكوى لمدير الجامعة اهم شيء حقك ما تكست عليه .

[مسايس العبرة]

مالك إلى الصبر ويش وداك له
هذا سياستي بالجامعة تتعب نفسياً وتتضايق ولا عندك أحد نصيحة لا تتضايق
قبلك تعبنا بدون فايدة الرصد مزاجي والدكاترة فالين ام امها لانه لما تتعدل الدرجة
لازم مدير القسم يرفعها للوكيل والوكيل يرفعها للعميد والعميد يرفعها للقبول والتسجيل
أنت على بالك الدعوة فاضية يعني الدكتور ومدير القسم تبغاهم يجيبون التهزئ لانفسهم
علشانا ياحبيبي طلب التعديل فضيحة للدكتور والكلية مو بسيطه ترى علشان كذا كلهم
يتعاونون علشان ماتصير مشكلة ولا بيصير التقصير جماعي ولا أحد يرضاها فهمت ليش مالك حق؟؟

[Abdulrhaman Alsalawi]

أنا أتفق معاك على إن تصحيحهم كلام فاضي كل الطلاب يعنون من مشكلة التصحيح مهام ذاكرة وتعبت في المذاكرة وتدخل تحل في الاختبار وانت متاكد من حلك وتطلع من الاختبار وانت متوقع أنك بتجيب درجة حلوة في المادة

وفي النههاية بتطلع 60 حتى أنا نفس المشكلة عندي مادة إدارة خدمات صحية كنت متوقع أجيب فيها 90 أو 85 بس طلعت 70

الله يوفق الجميع

وشكرا

[محمد البراهيمي]

فيه درجات حسيت اني انظلمت فيها

لكن ما روحت و راجعت لأني كنت متوقع هالاسلوب

الحمد لله أهم شيء تخرجت و ارتحت

[أزحف وراك]

قسم جامعه مخيسه الله يسلم الطيبين للي فيها من الطلاب. فقط
والا الكل بالجامعه ماتستفيد منه

حقك مايضيع ولا راح يضيع لااي طالب عند رب العباد

ورمضان جاي والله لدعي عليهم واحد ورا الثاني ضيعونا الله يضيعهم وجعلهم مايشمون الجنه اكثر من 6 مواد وربي انظلمت فيها. تضمن 85 تاخذ 60 او ابو جلمبو

حسبي الله ونعم الوكيل

وبعدين الاخت للي تقول قدم شكوه لمدير الجامعه
اصلا ذا مايدري وين الله حاطه. متبطحه تحت المكيف ويقلب الجريده. وشغال استقبل وودع.

ليت خالد الفيصل وزير التعليم بدل كعبول العنقري ابو خطط مدروسه

قسم التعليم فاشل والتدريس فاشل

[haneen k]

اصلن الوضع كوسة انا صحبتي حاطين لها درجة مهارات الاتصال 99 :)

بالله كيف تجي دي لو فيه مراقبة على الدكاترة و الوزير ماكان صار دا كلو

وفوق انو الدكتور من جنبها وقلة اخلاق مالو الطالب حق يتكلم عليه

[سعودي مآركة]

أنـا مثلكم عندي درجات متظلم فيهآ بسسس مآفكرت اروح

لاني كذا ولا كذا ما راح اخذ منهم لا حق ولا باطل

جربت هالشي قبل سنتين ب مادة الرياضيات

حليت وطلعت انا واللي معي واثقين ( اساسا اجاباتنآ كانت نفس الشي ونفس النوذج ) ^_^

بالاخير اتفاجأ اني ماخذ 60 والاخ اللي نقش مني الاجابات ماخذ 78

وراجعت وتعبت وماخليت شي ماسويته بالاخير يبردوك وماتاخذ منهم حق واللي يقهرك اسلوب الدكتور وياااك

حرام ياخذ شهادة دكتوراه واسلوبه ب هالشكل

كنت بخربهآ واقول ترى انا وخووي ناقشين نفس الاسئله ودرجاتنا موب نفس بعض ههههه بس خفت انكب عفشه

بلعتهآ وتقبلت 60

ــــــــــــــــــــــــــــــــــــــــــــــــــ ــ


على بلاطه مالك حق في هالجآمعة .. اللي براس الدكتور يصير

ومافيه احد يحاسبه