مشكلتي في مادة البحث والتدريب

[إنتقام الكبرياء]

السلام عليكم ورحمة الله وبركاته

انا هادا اخر ترم وابغى اضيف مادة البحث والتدريب كل الشعب مغلقه

قالو ضيفوها من الجامعه خليت وحدة من صحباتي تضيفها ليا من اسبوعين والى الان ما انضافت

انا ماني من جده ايش اسوي في عمري متى ابدا ومتى اخلص حتى المواد الاختياريه ماهي موجوده في

الاودوس انا سددت من اول يوم فتح التسديد عشان القى شعب وانا دحين اطلب مساعدتكم

ايش اسوي كيف اتصرف والله اني احس اني ضايعه اعطوني مشورتكم الله يرضى عليكم

[أحلى عبوره]

ترا انا نفس مشكلتك من اسبوعين ضايفه ولا نزلت ورحت ارسلت وحده من البنات ترجع تضيفها لي ثاني راحت الله يجزاها الف خير حتى عبير عسيري استغربت قالت معقوله من اسبوعين ومانضافت تلقينهم مضيعين ورقتك ... خلي احد يضيفها لك وتخيلي نزلت الماده وبدون استاذه انا خلاص بنجن منهم شوي ويطلعلي قرون منهم الله يصبرنا بس

[gomanah]

وانا معاكم لسا ماانضافت الماده وانا رايحه من اسبوعيين

[غامدية 07]

انا انضافت بدون اسم !! والى الان بدون اسم ... ايش نسوي ؟؟

[إنتقام الكبرياء]

الي بدون اسم يقولو انه في رقم ما ادري فين بالضبط بس الله يعين الجميع
طيب دحين ايش نسوي

[إنتقام الكبرياء]

مافي احد عنده حل لمشكلتنا
ارجوكم ساعدونا

[أحلى عبوره]

انا من رايي تضيفينها مرا ثانيه لاني زي مشكلتك واكتبي موضوع انك تبغين وحده تضيفلك الماده وان شاء الله البنات مايقصرون معك

[إنتقام الكبرياء]

اوكي شكرا ياقلبي

[الطالب المثالي2009]

انا كمان الى الان مانضافت ليا البحث والتريب اليوم قريبتي راحت وقالو انهم طلبو يفتحون شعب بس ماتدري متى

[shara]

حسبي الله ونعم الوكيل مابقي شي واحنا ما بدائنا والناس بداو التدريب وبداءوا في البحث واحنا قاعدين نستنى كل شي
عشان نعملوا بطلوع الروح والله انا رحت مرتين الجامعة واضافت المادة وتقلي ورقتك موجوده وفي ناس انظافت لهم قبلها بيوم تقول لا ما انفتحت شعب اجل كيف الناس انظافتلهم