طالب خريج والدكتور ( يكذب علي ) وعطاني f . ياليت المساعده يا اخوان

[doom_ss]

السلام عليكم .

بداية الموضوع هنا :

http://www.skaau.com/vb/showthread.php?t=657414


والي حصل اليوم بي أختصار شديد :

راجعت الدكتور اليوم د.زكريا الشربيني من 9 صباح وانا عنده وانا جاي من مكه . يقلي لا يمكن أساعدك ناقص 18 درجه عن الناجح .
أطلع لوكيل الكلية أكتب معروض يوافق لك على اختبار بديل ,

كتبت معروض وتوجهت لمكتبه وكان في اجتماع وماخلص الى ساعه 2 الظهر

دخلت عليه وشرحت له الوضع وعطيته المعروض قالي هذا مخالف للانظمه الاختبار البديل للطالب الي ما اختبر بسبب عذر مرضي أو وفاه أحد افراد الاسرة أو ... الخ ( يعني الي ماجا )
اما انا أختبرت فكيف يعدي الاختبار ؟؟

وقالي الدكتور عارف الشي هذا بس صرفك وطلعك عندي . مايحلها لك الى الدكتور يطلب تعديل درجه ووتتعدل انزل للدكتور .

وللامانه وكيل الكليه كان متفهم الوضع و وده يساعد لكن مابيده شي .

نزلت للدكتور ثاني مره . يقلي ماقدرش وماتسير والدرجات خلاص اترصدت , اقله طيب وريني الورقه وانا اقتنع مو معقوله انا جايب 42 انا متاكد اني حال . يقلي ماعندي ولا حتى في سستم . بس انا اطلعت عليها ولقيت ناقص كثير وماقدررررش أساعدك .

كل كلامه ما أقدرش وما أقدرش .

قفلت معايه الاخلاق واتوجهت لمكتب ابو طالب . الله يجزاه كل خير . اول ماقلت له الموضوع فك السستم وطالع وطبع الورقه مباشره بدون اي طلب مني . قالي شوف درجة مرصوده 50 . يعني 10 درجات وتنجح . الدكتور لو في راسه ينجحك كان نجحك .

أنا غلطتي في البدايه قلت للدكتور المصري انا طالع بعثه كندا شهر ابريل تبداء دراستي . حسيته زي الي حقد ومايبانا احنا سعودين ننجح ونتفوق .

انا بكره براجع الدكتور ثاني مره ياليت يا اخوان الي عنده نصائح او اقتراحات ياليت يفيدني بيها ..

[Queen Designs]

الله يكون في عونك ..

من جد مرمطة .. اذا انت متاكد ان الدرجة غلط لازم تصر وتراجع ورقتك !

الله يسهل عليك

[غزاله~]

الله يسسهل ع ـليك ويفـرج هــمك

في عينأت كثيررر بالج ـامعه من هالاشكال حسبي الله علييهم ونعم الوكـييييل

الواحد مـافي يده شيء توكـل ع ـلي ربي قبل كل شيء وروح له بكرره ان شاءلله يلين قلبه

وان شاءلله بقيه اعضاء المنتدى يفيدونك

[النديم]

أولا وانا اخوك حاول تاخذ الدكتور بالسياسة و بالحلم و باللين وذلك لأنك متأكد إنك راسب في المادة

بعد ما راجعت الاستاذ الفاضل أبوطالب

قوله قول لين لعل الله يلين قلبه وقوله بأن باقيلك حدود 10 درجات وأنت الدكتور الأب لطلابة

ومن هالكلام الزين

لأن و أنا أخوك كثير من الطلاب هداهم الله تشوفه في ادراة القسم شاد بالكلام مع الدكتور و يقوله تصحيحك غلط

ولما تشد بين الطالب و الدكتور ويطلع ورقة الطالب ويعيد تصحيحها يتضح إن الطالب راسب

حتى الطالب وقتها ما عاد له وجه يقول الدكتور ساعدني ..

فدائما وأنا أخوك اللين ما دخل في شي إلا وزانه وخل الله حسيبك و حسيبهم ....

وأتمنى من الله لك التوفيق ويسهل لك أمرك