بخصوص الدراسة خصوصي قبل الاختبارات بــfive يومز

[AIMOO]

السلام عليكم ورحمة الله وبركاته

مساء الخير جميعاً مشرفين وأعضاء وزوار

أنا اول سنة انتساب خطة أ المستوى الأول
المواد / تحليل كمي - رياضيات - انجليزي - لغة عربية - ثقافة اسلامية

المهم يا شباب
انا بإذن الله ابي اجي لجده بكره (يوم الجمعة) أو السبت الجاي يعني قبل الاختبارات باسبوع


الزبده
أبغى ادرس خصوصي قبل الاختبارات بخمس أيام

الحمد لله انا انسان بسرعه افهم
ابغى ادرس رياضيات وتحليل كمي <<< التحليل الكمي مدري وش السالفة

ابغى واحد يدرس لغة عربية عشان يفهمني وأنا افهمه رياضيات وتحليل كمي

واذا فيه احد يدرس انجليزي عشان يجيب لنا الملخص ما يضر

المهم اللي يبي يقط معي بالفكرة يتفضل يعطينا صوته هنا
طبعاً السكن ماله شغل كل واحد لحاله

واذا فيه شي ملاحظات نصيحة لا تبخلون علي
والله يعطيكم العافية كل ابوكم

[تمتم2008]

الله يكون في عونك ويسهلك امورك يـــــــــــــــــــــارب :)

[AIMOO]

الله يوفق الجميع
الف شكر تمتم على المرور والرد والدعوة الطيبة
ولك مثلها باذن الله

طيب شباب ما فيه اقتراحات أو نصائح
وياليت تعطوني اسماء الدكاتره اللي يدرسون المستوى الاولى
عشان احاول انسق معاهم

[AIMOO]

للرفع
الله لا يهينكم ابي اسماء المدرسين اللي يدرسون المستوى الأول
انتساب خطة أ
وهل فيه امكانية ادرس عندهم خصوصي أو لا؟
وكم يوم يحتاجون عشان يعطوني المنهج كامل
ياليت تفيدونا يا أبطال

[gohst711]

مشاء الله عليك ، بأسبوع واحد تقدر على كل المواد !!!!!!!!
أنا صارلي شهر ونص على مبادئ الإحصاء والتحليل الإحصائي والإنجليزي وما خلصت منها إلا 75% فقط وباقي أسبوع إن شاء الله أحاول اخلص الباقي.
ملاحظة / انا انسان بسرعه افهم

[][_ غــــــيــــــر _ ][]

السلام عليكم ورحمة الله وبركاته ..

الله ييسر امرك وبالنسبة للمدرسين فيه موضوع على الرابط التالي :-

كـشف بأرقـام مـدرسي طــلاب الأنتسـاب/جـمـيـع المواد

وفيه مداخلات قيمة ومفيدة من الاخوان بمختلف مناطق المملكة الذين شاركوا بالموضوع ..

وايضاَ لا نستغنى عن ملاحظاتكم في حال رغبتكم باضافة هاتف استاذ تنصحون به او حتى تقيمه ..

وبالتوفيق للجميع ...

[ريشة فنانه]

الله يوفقك ماشاالله تفهم باسبوع قلت ماشأالله عليللللللللللللللللللللللللللللللللللللللللللك

[AIMOO]

السلام عليكم ورحمة الله وبركاته كل ابوكم
ابشركم وصلت اليوم لجده
وبكره بإذن الله ابي اروح لمدرس الرياضيات اتفاهم معاه

بس بصراحه خرعتموني لانكم تقولون تفهم باسبوع واحد
شكل السالفة ما يكفيلها اسبوع>>>> الله يكفينا شر البراشيم
الله يعين المسلمين اجمعين

المهم يا شباب اللي يبي اي خدمة فقط يتصل على هالموضوع
وبإذن الله بيكون راضي

[التواضع زين]

ماعليك اذا فهمك سريع ابد اسبوع واحد بإذن الله يكفيك بس اسبوع عن شهر يعني يوميا 6 الى 8 ساعات وعيونك بالكتاب وان شاء الله تنجح وبتفوق بعد

[كام03]

انا اللي خفت من جد من الردود لحد الان مدري عن شئ مع العلم ان احس اني اسرع واحد يفهم في العالم واحب الدراسه واشجع النصر واحب الكبسه السعوديه
اسف شكلي ملخبط معليش كاتب الموضوع مو مني