طالبات على النفس هل انتن تربويات او غير تربويات

[تلاوة]

السلام عليكم ورحمة الله بركاته
طالبات علم النفس لدي استفسار كما اتمنى منكن مساعدتي قدر المستطاع

السؤال هل طالبات علم النفس تربويات او غير تربويات
انا دفعة 1428 مايخفيكم انو موادنا تربويه بالاضافة الي اني اخدت مادة التدريب الميداني 1- 2
لكن في الشهادة مافي شي يثبت انو نحنا تربويات او لا
ممكن وحده تسال وتردلي خبر وهل فيه ورقة ممكن اخدها تثبت اني تربوية
وهل استطيع دراسة دبلوم تربية خاصة توحد واضطراب سلوكي بدون دراسة الدبلوم التربوي لو طلع اني تربوية
مع العلم انو عندي خبرة تدريس مدة سنتين الله يسعجكم محتاجة احد يستفسرلي من الجامعة او اقلو رقم استفسر منو خصوصا اني حاليا خارج جده
وجزاكم الله خير

[ريما محمد]

وعليكم السلام ورحمة الله وبركاته
افهم من كلامك ان تدريبك الميداني كان في المجال التربوي مش الاكلينيكي
بمعنى في مدارس بمختلف انواعها مش مستشفى
انا لسه ادرس بس اعرف صديقتي في جامعة الملك سعود يعطونهم ورقة ومكان التدريب يعطيهم شهادة خبره
لو سالتي هتاك بالجامعة افضل
لكن اظن ان سجلك الاكاديمي يبين
موفقه ..

[تلاوة]

لامستشفى وحتى لو كنت في مدرسة يكون كتوجيه وارشاد مو كتدريس
بس عندنا فاهمين علم النفس غلط فيقبلوك كمدرسة خصوصا في القرى لانعدام التخصص في كلياتهم
انا المشكله حاليا مو في جدة والتواصل مع الجامعه ماعندي رقم معين وموقعهم للأسف مافي تواصل

[ام سما]

ررفع لعيووونك

[مزون عابرة]

احنا مو تربويات
وزي ماقلتي مو باين بالوثيقه شي
لكن بعد ما تخرجت اكتشفت انه لو نبغا ورقه تثبت اننا تدربنا بمستشفى نقدر نروح للدكتورة وتعطينا اياها وتختم من القسم
وللاسف هالشي ما قالو لنا عنه :)

تدربتي مع اي دكتورة انتي؟
يمكن يكون عندي رقمها واعطيك تكلميها

[تلاوة]

الله يخليك ياأم سما

والله الاول كان زينب العايش والتاني ايمان مصريه
بس ترى كان تدريب اي كلام يعني يمكن مرا وحده واصلا حتى ماأشرفوا علينا
طيب حاليا انا معلمة يمديني اخد منهم ورقة واقدمها على اني تربوية خصوصا اني متعينه كتربوية بحكم انو الوزارة شافت انو موادنا تربوية كل القصة اني ابغى اخد دبلوم عالي تربية خاصة وقلك شرط اكون تربويه << جاني انهيار عصبي من قرارات الجامعة

[نوووف]

احنا ندرس مواد تربوية بس للاسف مايطلق علينا تربوووويات وتوي اعرف انه ممكن ناخذ ورقه من الجهه اللي تتدربنا فيها
شي حلوووو

[مزون عابرة]

حتى لو تبغي تدرسي دبلوم تربيه خاصه
قصدك انه الورقه هذي تعفيك انك تاخذي دبلوم تربوي؟
ما اتوقع ولا كان الكل اخذها وارتاح من الدبلوم

[تلاوة]

والحل عد الغير تبويات كتير ومايقبلوا الا 80 وبقدرات كماان
حراام عليهم

[سمر الحربي]

ايش قصدكم مو فااهمه شيء

انا الحين اتخصصت علم نفس وباذن الله حابه اكوون معلمه علم نفس ممكن تفهموني ايه هوا التربوي وغير تربوي ؟؟

وممكن اتدرب في مستشفي وكمااان في مدرسه ..( يعني الاثنين ) ...

بلييييييز ردو عليا

...يعطيك العاافيه ياصاحبه الموضوووووع ..