ضع خطه دراسيه لنفسك للفصل الاول خاص بالسنه التحضيريه خطه ب

[abdullah66zz]

السلام عليكم ورحمة الله وبركاته
حبيت اطرح موضوع إن شاء الله انه يفيد الجميع واتمنى منكم المشاركه فيه وخلاصة الموضوع
اللي وضع لنفسه خطه دراسيه ويمشي عليها لنهاية الفصل يشاركنا فيها وانا ملاحظ من بعض الاخوان خايف من المواد وهو اساسا ما بعد شراء الكتب للحين ؟؟
طيب ليش ما نبداء نذاكر من الحين؟؟ والله معانا وقت !!
المهم انا باقول وش الخطه اللي ماشي عليها لنهاية الفصل وانتظر كل واحد يقول وش الخطه اللي رسمها لنفسه وبيمشي عليها ؟؟
طبعا احنا الحين بشهر 11 والاختبارات بأول شهر 2 يعني معانا شهرين وبتكون كافيه لنا انا نذاكر ويجي الاختبارات واحنا مذاكرين علشان ما نواجه صعوبات ونجيب معدلات حلوه واهم شي الفصل الاول عموما السنه الاولى هي اللي تحدد تخصصك اللي ترغب مواصلة الدراسه فيه وغير كذا ان المعدل بالجامعات باول فصل اذا كان سيئ مستحيل ترفعه وبتواجه صعوبات يعني ليش ما نجتهد باول فصل وبهدها نحافظ على المعدل ما ينقص
بالنسبه لخطتي :
شهر 11 / باكون انهيت مادة مهارات الاتصال comm 101
بقي معاي اربع مواد
شهر 12 / بادرس مادتي الانجليزي و تنمية مهارات التفكير مع التركيز على مادة الانجليزي
شهر 1 / ادرس مادتي التحليل الاحصائي ومبادئ الاحصاء ونلاحظ المادتين سهله وبعضكم يقول
ما تحتاج نخلي لها شهر كامل وهي ما تستاهل وغيرها اهم منها بس خليتها باخر شهر
علشان اخلص منها ويبقى معاي وقت كافي لمراجعة المواد اللي درستها وانهيت دراستها
وسلامتكم

[العلم والعالم]

الله يوفقك ويسددك

[ملتهي بغيري]

مشكور وماقصرت ..

[بسيطه]

تدري ان الموضوع هذا مرره شاغلني

ولحد الحين ما ادري وش ابدأ فيه ؟؟

الله يوفق الجميع ويسهل امورنا

[سعودي اول]

خطه اكثر من رائعه اتمنى لك التوفيق والسداد

تقبل مروري

[rOoOoOs]

الاخ عبدالله الله يعطيك العافيه عالموضوع المهم
لكن خطتك صعبه لأنك تركز على كتاب او كتابين الين تخلصهم و تروح بعدها للكتب الثانيه
و تجي ترجع للكتاب الاول تكون نسيته

جرب خطتي

أنا

كل اسبوع او اقل على حسب فضاوتي اخلص فصل من كل كتاب و كل فتره اراجع اللي درسته
و سويت جدول
و اكتب الاجزاء اللي خلصتهم
مهارات الاتصال 1 - 2 - 3 - 4
التفكير و البحث 1 - 2 - 3 - 4 - 5
الانقليزي 1 - 2 - 3
مبادئ الاحصاء 1 - 2 - 3
التحليل الاحصائي >> مسويه له مقاطعه مع الدنمارك للحين ما جيته

[بنت عسير]

الله يوقف الجميع بس شهر على ماده أدبيه كثيييييييييييييييييييير وتضييع وقت
انا اقول طريقة المذاكره هي الي بتسهل عليكم
1- قراءة الفصل الأول من اي ماده قراءه عاديه وتحديد المهم فيها وفهمها
2- نرجع على نفس الفصل نكون خلاص استوعبناه ونبدا نذاكر المهم فيه والمهم هو الفهم لأن الأسئله اختياري
3- بعد كل نص ساعه او ساعه على حسب استيعابك اترك الماده نهائيا وروح اقض وقتك في اي شغله تلفزيون اشرب شاي سولف بالجوال المهم ابعد عن الماده 0
4- بعدها ارجع وكمل المذاكره تكون اعطيت نفسك راحه وجددت نشاطك من جديد
انا عن نفسي بأبد ببالمواد الدبيه مهارات الأتصال و تنمية التفكير وبعدها الإنجليزي ومادة احصاء وتحليل احصائي باعطيها مدرسه تحضرها عشان تشرح لي
والله يوفق الجميع

[أم غالية]

خطه جيده

انا على نفسي بدات بامبادي الاحصاء والتحليل الاحصائي

وبعدين بمهارات التفكير ومهارات الاتصال

وبعدين اللغة الانجليزيه القرمر والريدينق

الله يعيننا ويساعدنا

تقبل مروري

[فديتني جنوبية ~]

الله يعين ~
انا للحين مافتحت اي حاجة احس ني مرة ضايعة ~
بس بحاول انظم وقتي هذي اليومين وراح ابدأأ اول شي بالمهارات الاتصال والتفكير االلغوي ~
وبعدين امسك الاصعب ~
الله يعين وربي خايفة مررررررة ~
الله يسهلها علينا يااااااااااارب ~
والله يوفقنا ~

[suloveam]

شكراً اخي عبدالله على هذه الفكرة

انا عن نفسي بديت اذاكر باب من كل مادة في الاسبوع تقريباً وراح اخلي وقت للمراجعة نهاية الترم اهم شيء ان الواحد يبداء من الان ولا يسوووووف