سؤال عن العودة للدراسه بعد انقطاع فصل واحد بس

[AZEEEZ]

السلام عليكم ورحمة الله وبركاته

اخواني انا خلصت السنة التحضيرية في 2010 وعديت بكل المواد والحمد لله
وتخصصت بكلية الاعمال برابغ


ولكن لظروف خاصة ماكملت الدراسه بالفصل الثالث (اول سنة تخصص) ولا دفعت الرسوم وحاولت اسوي تاجيل لكن النظام ماكان يقبل معي كان فيه مشكلة
انا نسيت الموضوع بسبب الظروف

وحاليا ابي ارجع اكمل الدراسه

المشكلة احاول ادخل على نظام الاوديس بالرقم الجامعي وكلمة المرور يرفض مايطلع لي ولا شي يرجعني لنفس الصفحة مرة ثانيه يعني مايعطيني مسج ان الرقم خطاء او في مشكلة

هل تم طي قيدي ...؟؟ والغاء سجلي
انا كل الي وقفته فصل واحد بعد ماعديت السنة التحضيرية بس

كيف ارجع اكمل الدراسه لاني فعلا محتاج اكمل دراستي بالوقت الحالي

ياليت لو تساعدوني الله يجزاكم الف خير
لاني مره متضايق وخايف يكون خلاص مالي امل بالدراسه مرة ثانية

[AZEEEZ]

هل صحيح تم تمديد فترة التاجيل الى 13 فبراير ..؟؟

اخواني ياليت لو تفيدوني حاولت اتواصل مع الجامعة على ارقامهم لكم للاسف مايردون

[المحترف]

السلام عليكم ورحمة الله وبركاته



أدخل على نظام الأوديس وفيه خانه في اليسار نظام المعاملات الإلكترونية ( جديد )



أدخل عليه وأكتب رقمك الجامعي ورقم بطاقة الأحوال


وأكتب الطلب وإن شاء الله يرجعون كل شي .



تمنياتي للجميع بالتوفيق والنجاح .

[بنوووته]

مع احترامي اخوي المحترف الي فهمته من الموضوع
ان الاوديس كله مايفتح معاه
انا اقول جرب يمكن فعلا الرقم او كلمه المرور خطا
واذا مافيه فايده راجع الجامعه افضل
اما مساله انك ماتقدر تكمل دراسه ما اعتقد ولو 1%
الموضوع ان شاء الله سهل وباذن الله راح رجع
تكمل وتخرج كمان
الله يوفقك

[Llll5Liiio]

راجع عمادة القبول والتسجيل


وموضوعك سهل جدا

اهم شيء تسدد هذا الترم اول مايفتح التسجيل

[aziz8008]

اللي فهمته من كلامك انك الترم هذا لم تقدم اعتذار ولم تختبر

اول شيء ارسل معامله الكترونيه لطلب اعاده القيد واذا قالو لك لازم تراجع الجامعه من اجل اعاده القيد

عاد الله يعيينك لازم تروح للجامعه وتخلص امورك


بالتوفيق

[المحترف]

المشاركة الأصلية كتبت بواسطة بنوووته مع احترامي اخوي المحترف الي فهمته من الموضوع ان الاوديس كله مايفتح معاه انا اقول جرب يمكن فعلا الرقم او كلمه المرور خطا واذا مافيه فايده راجع الجامعه افضل اما مساله انك ماتقدر تكمل دراسه ما اعتقد ولو 1% الموضوع ان شاء الله سهل وباذن الله راح رجع تكمل وتخرج كمان الله يوفقك

هلابك بنوته شوفي كلامه وش يقول :

المشكلة احاول ادخل على نظام الاوديس بالرقم الجامعي وكلمة المرور يرفض مايطلع لي ولا شي يرجعني لنفس الصفحة مرة ثانيه يعني مايعطيني مسج ان الرقم خطاء او في مشكلة




يعني أشتغلت معه الصفحة ولما أعطيته الطريقة لأنها صار معي قبل كذا أنقطعت عن الدراسة وبعدها ما رضي يفتح معي بالرقم الجامعي والسري


وأرسلت معاملة إلكترونية وخلاص أسبوع جاني الرد بأنهم فعلوا رقمي من جديد .




يعني أرسل رسالة بس وكل شي ينحل إن شاء الله وما يحتاج تروح للجامعة .