محتاجه مساعدتكم للاهميه

[فطوم وأسوم]

السلام عليكم ورحمة الله وبركاتة


حابه اسالكم سؤال ياليت تفيدوني ضروري


انا طالبه سنة تحضيريه انتساب وكملتها الحمد لله بنجاح في جميع المواد


وانا باذن الله ناويه احول انتظام وفي الكليات حقنا عندنا ادارة اعمال بس في رابغ

وبعد فترة نزل خبر انو الانتساب اللي رح يدرسوا اداره اعمال رح تكون في جده

فانا اخترت ادارة اعمال على اساس نها في جده بس لمن احول انتظام هل رح يكون

اداره الاعمال في جدة ولا حتكون في رابغ

اسفه طولت عليكم بس محتاجه رد ضروري

اتمنى انكم فهمتوا طلبي وشكرا

[وئام الجنوب]

ماعندي اي معلومه بس ان شاء الله غيري يفيبدك
بالتوفيق يارب

[فطوم وأسوم]

مشكورة ان شاء الله الاقي الحل

[OoفرحoO]

اذا حولتي انتظام من الطبيعي يكون الدوام في رابغ
انا قريت موضوع كان فيه نفس سؤالك و كان رد الأخوان
ان الدراسه رح تكون في رابغ اذا انتي انتظام الي في جده فقط لطلاب الأنتساب

[فطوم وأسوم]

ياربييييييييي من جد دحين هادا الكلام بصراحة مرة مصدوووووووووومة دحين ايش يوديني لرابغ اذا حولت انتظام بصراحه اصلا حتى ادارة الاعمال ماابغاها بس ماعندي غيرها لانها اسهل شي ابغى ادخل محاسبه بس ماراح يمديني لاني انتساب مو انتظام وحتى لو حولت انتظام لازم انا اللي عرفتوا انو ادرس اول ترم وبعدين احول والله اعلم بصراحه مررررررررررررررررة مقهورة وربي وزعلانة مرة ااااااااااااااااااااااااخ ياربي

[OoفرحoO]

ياقلبي ادارة عامه اسهل من ادارة اعمال مين قلك ادارة اعمال اسهل
و اريح لراسك تعالي معانا بس ادارة عامه قروبها مره حلو

[nasser2004]

اذا حولتي انتظام تروحين رابغ

[nasser2004]

المشاركة الأصلية كتبت بواسطة ooفرحoo ياقلبي ادارة عامه اسهل من ادارة اعمال مين قلك ادارة اعمال اسهل

كلام سليم 100%

[فطوم وأسوم]

اوكي طيب يمديني اغير التسكين ولا خلاص انتهى الله يوقفكم كلكم

[S.S.STRAWBERRY]

طب ممكن تختاري ادارة عامة بكلية الإقتصاد والإدارة بعدين ممكن يمديك تروحي لنفس الكلية ومن هناك تقدري إن شاء الله اذا حولتي انتظام تختاري اي شي غير ادارة الأعمال ونا كدا حسوي و ربي يوفقك إن شاء الله