رأيكم يهمني...هل ينفع ادرس هالمواد مع بعض.....؟

[لمعة الماسة]

السلام عليكم

اتمنى من اللي يرد علي..يكون مجرب ..ابغا معلومه احدد فيها وضعي.
المواد كالتالي

مباديء محاسبه

القانون التجاري

مباديء الاداره

مباديء الاقتصاد الجزئي

تحليل كمي 2

[بنت الخليج..]

هلا أختي،،
أنا مثلكـ لمن كنت بالمستوى الثالث بس انتظام أخذت كل هالمواد بالإضافة إلى الثقافة الاسلامية
والحمد لله ارتفع معدلي..
تحيااتي،،

[لمعة الماسة]

المشاركة الأصلية كتبت بواسطة بنت الخليج.. هلا أختي،، أنا مثلكـ لمن كنت بالمستوى الثالث بس انتظام أخذت كل هالمواد بالإضافة إلى الثقافة الاسلامية والحمد لله ارتفع معدلي.. تحيااتي،،

شكرا على الرد....بس اتوقع الانتظام يفرق عن الانتساب....بانتظار المزيد من الاراء

[الو22]

اهلين لمعة الماسة..
انا زيك منزله نفس المواد بس زياده عليهم ثقافه اسلاميه وكنت خايفه ينزل معدلي بس قلت رح اتوكل على الله واخليهم وان شاء الله تطلع حلوه وسهله و اذا كنتي تحبي العملي زيي حيكون عندك 3 مواد عمليه زي مافهمت من اغلب الاعضاء واللي هيه: المحاسبه,التحليل الكمي والاقتصاد الجزئي اما القانون التجاري قالوا انه تقيل شويه ومبادى الاداره يمكن اخف شويه ونظري
يعني مدري انا احس انه جدولك كويس ويكمل بعضه وان شاء الله اذا خليتيه نساعد ونفيد بعض
وانا في الخدمه اذا احتجتي اي مساعده وموفقه :) ...

[% سلطان الخبر %]

بصراحه جدا روعه موادك وسهله اذا ذاكرتى زين

ويمديك تاخذينها مع بعض

[صدر الحنون]

جدولك تمام
يرفع معدلك

[no0on]

توكلي على ربك وخليه كذا لا تغيري فيه شي
واذا تسمعين نصيحتي اذا تقدرين تضيفين الثقافه يكون أفضل
وبالدعاااااااااااااااااااااااااء كل شي راح يجي سهل صدقيني
الله يوفقك والجميع يارب

[دافوري]

حلوووووووووووووه جدا مادتين تعتمد على الحفظ وثلاثة مواد فهم يعني ارقام وقوانين تخطيط جيد

انا من النوع الي يخطط زيك بس اعلمك على حاجه تفيدك وترفع معدلك انتي حاولي تاخذي المواد السهلة في الترم الاول
اما المواد المعقدة وتحتاج جهد وتركيز خليها للترم الثاني بحكم انو تلاقي ملخصات وأسئلة نفس السنة كيف؟؟؟ في طلاب يختبرو مواد الترم الاول وينزلو الاسئلة انتي تاخذي الاسئلة وتختبريها نفسها مايتغيرفيها الا شي بسيط يعني تضمني النجاح . انا معتمد عليها ومعدلي 4.84 الحمدلله ...

[فرفوشة هانم]

هممم انا فكرت انو احذف القانون التجاري لانو انا عندي 6 مواد محاسبة ،مبادئ الادارة ، مبادئ الاقتصاد الجزئي، عربي2 وتحليل كمي 2..وبصراحه ابغى ارفع معدلي لانو في نيتي ان شاء الله احول انتظام وماابغى اجهد نفسي وبعدين معدلي ينزل اكتر لاقدر الله .. ماادري حست انو تقييل عليا يعني ماادري القانون التجاري ازا هوا رياضيات او فيلو حسابات لانو اظن يكفيني المحاسبة والاقتصاد الجزئي وتحليل كمي كمواد حسابية او عملية .... والله احترت من كلام البنات بس كم وحده اخدت القانون التجاري وقالت انو شوي دمو تقييل ويبغالو تركييييييييييز وانا على حسب علمي انو احنا اختباراتنا بعد الدورة بوقت قليل احس يادووب مو زي بنات خطة أ عندهم شهر وشويه قريب شهرين يعني ... والله سوووري طولت عليكي في الهرجة بس من جد انا محتاااره ... انا اللي ابغى احد فيدني من جد :(:(

[ام دنيا]

توكلي على الله وخذي موادك كلها تراها حلوه بس لازم تشدي حيلك وربنا يوفقك