برنامج صدى الملاعب والعد التنازلي للهاوية

[الكريم ابن الكرام]

السلام عليكم ورحمة الله وبركاته

تحية طيبة وبعد...

اللي ما يعرف برنامج صدى الملاعب عشان ما يدخل الموضوع ومو فاهم حاجة

هذا برنامج يجيب أخبار الكورة من كل مكان أول بأول

برنامج حقق نجاح في زمن وجيز

ويعرض على mbc 1

مذيعه لبناني اسمه مصطفى الآغى

شعبيته واسعة حتى بعض الإتصالات اللي تجيه من دون مشاركة بس بيسلموا عليه ويسمعوا صوته

سلك مسلك ما عهدناه منه أبداً ولا كنت أحسبه كذا، صاروا أغلب الضيوف اللي يستقبلهم مش أي ضيوف. وفوق هذا تغزل وخدش للحياء وأشياء أستحي أقولها

ولا يجيب أي فنانة، ولا اللي منتقيهم لابسين صح

أصلاً أنا ودي أفهم شي واحد، ما دخل هالحريم بأخبار الرياضة وكأس العالم !

أنا بصراحة والله كرهته وأنصدمت وأستغربت من اللي قاعد يصير ؟؟ مو لهالدرجة !

قبل كم يوم جالس وحاطه على mbc ما كنت مركز إلا أشوف عرض مقاطع من أغنية .......... والله العظيم حركات جنسية واضحة أستغربتها على مصطفى وإن هالدعاية كانت تخص برنامج صدى الملاعب والطامة إنها حتكون ضيفتهم الحلقة الجاية!

يعني لهالدرجة وصلت ؟

خلاص ماعاد يستحي ؟

هال.... مستغل الفرصة عشان كل يوم يتغزل له بوحده

جاب .......... وطول الوقت تغزل فيها حتى آخر البرنامج تجي تجلس جنبه على نفس الكرسي !

يقول للمتصل من أحلى صوتي وإلا صوت منى؟؟؟ قال المتصل المسكين كلكم

قام رد عليه خوينا المذيع إيه ماتبغى تقول منى خايف من زوجتك ياجبان!

وكثير منكم شاف حلقة ........ اللي شرهت بالحلقة

أنا أبي أفهم حاجة ؟؟المرجلة صارت بنظرهم قلة حياء وغزل ومجاهرة

يعني الرجال اللي يراعي مشاعر زوجته ويراعي ربه ويحترم نفسه يصير جبان

هذا مفهوم الشجاعة عنده وعند كل معتوه

البرنامج ما يترك كذا وهالمذيع بجد ما عاد ينطاق ولا يحشم أحد أحس عيب والله أتفرج مع المراهقين أو الأطفال يناظرون برنامجه مع أنه رياضي لاحظوا!!

إش الهدف من إنه يجيب كل يوم ...... ويغازلها على الملأ وكل دقيقة والثانية يقول يارب مرتي ماتحضر الحلقة!

الله يعين مرتك عليك يا ......

إنسان بجد ...... !! وغير محترم

يغازل الضيوف اللي يجيب كل يوم حرمه

ويغازل المراسلات

ولمن تسوي المراسلة لقاء مع بنت متينة أو ما هي حلوة يقول لاااا نبغى من ذول يقصد رشيقات وحلوات !!

هذا إنسان مايحترم المرأة أبد قليل حشمة

كل هذا وأنا ما أشره عليه لأنه هذا مستواه

أشره على القناة اللي ماوقفته عند حده ولا أحترمت مشاهديها

إعلانات للفنانات وهم بأوضاع مخزية إغراء وقلة حياء وينقيهم تنقية ليتغزل طول الحلقة فيهم ويمدح فلانه صوتها حلو وشكلها حلو ونظراات وقلة حيا

لجين العمران لبسها يفششششششل جينز ضيق لدرجة إنه كأنها مو لابسة وأنواع التريقة

هذولا مايخافون ربهم !!

أنا نفسي المهزلة هذي تتوقف مع إن هال...... بيستمر باللي يسويه لكن القناة لازم تفرض عليه وتحترم مشاهديها

الوضع كل ماله من سيئ الى أسوأ

ماصار برنامج رياضي صار اغراء وتغزل كلام وفيديو كليبات هابطة!!

هزُلت يا مصطفى

أول ما كنت أفوت برنامجهم كان ناجح بمعنى الكلمة لكن الحين ما أدري إيش الطاري !

العادة هذي الحركات تسويها البرامج اللي ما لها سوق وتبغى تلفت النظر وتجمع أكبر عدد من المشاهدين

لكن من صدى الملاعب والله غريبة ما كانوا في حاجتها وجمهورهم وإتصالات تجيهم من كل العالم العربي

عذراً مصطفى فقدت إحترام الجميع

وهذا كاتب من عكاظ حاس باللي أنا حاس فيه

http://www.gulfinthemedia.com/index.php?m=opinions&id=1189610&lim=15&lang=ar&tbl post=2010_06&PHPSESSID=accec231a31da0f9202a6fe81d3 53e27

ودي




الكريم ابن الكرام