قروب الاستاذه نسمه حشمت (البحث والتدريب)

[لميس ابو شعر]

المشاركة الأصلية كتبت بواسطة عيون الشرقيه اخت لميس لما تدربتي في المدرسه كنت تداومي كل يوم؟ولا ايام معينه في الاسبوع؟ وكيف رحتي الى التوجيه وعطوك الموافقه ولا رحتي اول الى ادارة التعليم؟ انا رحت التوجيه لان وقالت لي اول جيبي خطاب من ادارة التعليم وبعدين تعالي لي..

هلا اختي عيون الشرقيه معلش اتأخرت عليك في الرد لاني كنت في الحج وتوي فاتحه المنتدى
بالنسبه لي اخدت اوراق التدريب الا ختمتها من الجامعه ورحت الى التوجيه قسم التدريب التعاوني ومايحتاج ادارة التعليم وقالت لي اي مدرسه حابه تدربي فيها وقالت لي اتدرب ثلاث اسابيع وبس وكنت اداوم كل يوم مثل الموظفات اول الدوام اوقع وآخر الدوام اوقع .

[عيون الشرقيه]

اهلين اختي لميس والحمد لله على السلامه،والله يتقبل انـ شالله..

انا رحت ادارة التعليم امس وقعوا على اوراق التدريب واخترت المدرسه اللي بتردب فيها انـ شالله،اهذيك لاخت شكلها كانت تفتي علي..

طيب ماعليش تتحمليني شوي عندي بعد كم سؤال اذا ممكن:الاوراق اللي ختمتيها من الجامعه هي ورقة الموافقه بس؟ولا الاوراق الثانيه بعد نوقعها لان لسه مارحت وقعتها من الاستاذه وختمتها

وفي اوراق ثانيه يعطونا تخص التدريب ولا بس هذي الاوراق الثلاث؟

وسؤال اخير بعد،معليش يعني،،ورقة التقييم اعطيها المكان اللي اتدرب فيه وبس؟

عذرا على الاطاله

[لميس ابو شعر]

هلا اختي عيون الشرقيه الله يسلمك ويتقبل منا ومنكم صالح الاعمال بالنسبه لي ختمت لي الورقتين من الجامعه والورقه الثالثه مايحتاج بعدين تسلمي الثلاث اوراق الى التوجيه قبل التدريب وهم يرسلوهم الى المدرسه الاا راح تدربي فيها بعين لما تخلصي تدريب الورقه الثالثه تبع التقييم تقيمك مديرة المدرسه بالنسبه لي مديرة المدرسه قيمتني ووضعت التقييم في ظرف مغلق وقالت لي اوديه التوجيه عشان يكون عندهم علم بانتهاء التدريب بس انا لسه مارحت التوجيه يمكن بكره اروح والله يسهل.

[عيون الشرقيه]

مشكووره مرره اختي لميس على الافاده والله يسهل عليك كل امورك يااارب :)

[استراليه]

بنآت معليش كيف يكون التدريب ! يعني وش تشتغلون فيه بالضبط مثلا لو كنتي بمدرسه او مستشفى ؟
أحد يقولك على الشغل اللي تسويه ولآ كيف
وكمآن بالنسبة للبحث شلون تسوونه تدربي وتسوي بحث بنفس الوقت ؟ وعن ايش بالضبط البحث اذا كنت بمدرسه ؟

[لميس ابو شعر]

بالنسبه الى التدريب في المدرسه انا سويت كل شي اخدت غياب كتبت خطابات على الكمبيوتر رديت على التلفونات رتبت الملفات والسجلات اصلا مافي شغل بس صرت اشحت واطلب منهم شغل المديره علمتني على الصادر والوارد مسكت مناوبه يعني احس اني انا الا استفادو مني مو هم الا استفدت منهم بالنسبه الى البحث تروحي الى الاستاذه وهي تعرض عليك اكثر من موضوع تختاريه او انك تعرضي عليها اكثر من موضوع عشان هي تختار لك واتراويكي طريقه عمل البحث في عندها بث لوحده من الطالبات تعطيكي وقت عشر دقايق تطلعي عليه وتكتبي ملاحظاتك بالنسبه لي قالت لي لاني من الشرقيه راح تراعيني وحيكون تواصلنا عن طريق الايميل بس اهم شي اني اقدمه قبل الامتحانات ب12 يوم والافضل قبل كده عشان ارتاح من همه بس وقالت لي قبل مااروح لها لازم اخد منها موعد لان يمكن يكون عندها اجتماع وماتحضر في الساعات المكتبيه .

[somaa]

لميس حج مقبول ان شاء الله ...والحمد لله على السلامه ...
حبيبتي بالنسبة للتدريب لما خلصتي هم حطو لك بس ورقة التقييم في الظرف ؟؟؟ ولا كمان الورقتين الثانيه؟؟؟
وهل بديتي خلاص في البحث يعني اخترتي موضوع ولا باقي .. لاني انا باقي ماسويت ولا شي .. ارسلت للاستاذه موضوع عشان اشوف هل بتوافق عليه وباقي ماردت علي ..

[لميس ابو شعر]

هلا somaa الله يسلمك والله يتقبل منا جميعا بالنسبه الى الورقه الا تحطها في الظرف بس ورقة التقييم بالنسبه لي لسه مابديت بكتابة البحث لكن عرضت عليها لما رحت لها كده موضوع وهي وافقت عليهم وقالت اختاري واحد منهم .

[لميس ابو شعر]

بنات أنا اليوم رحت الى التوجيه عشان اسلم الظرف الا فيه تقييمي لان مديرة المدرسه مارضيت تسلمه لي الا لما أعدي على التوجيه ولما رحت لهم تقولي رئيسة قسم التدريب ان جا لهم تعميم جديد ان ماراح يسلمو الخطابات الى المتدربه وانهم هم الا راح يرسلو التقييم الى الجامعه قلت لها أخاف يضيع ولا يتأخر قالت هذي مسؤوليه ومراعاة لك راح اعطيك نسخه منه في ظرف مغلق للاستاذه عشان لو اتأخر الا عندك نسخه منو بنات صار لكم مثل ماصار لي؟

[راحيل الشرقيه]

شكراااا لميس مرره افدتييني صرراحه مع اني مو مع نسمة بس مرره استفدت من كلامك :)