معا لنفضفض بعد انتهاء رصد درجاتنا

[أول المشوار]

المشاركة الأصلية كتبت بواسطة شوكولاته2010 حبت اضيف لكم موبس الانتساب المظلومين حتى الانتظام وانا من الناس الي انظلموا كثير في الجامعة ما اقول الا حسبي الله ونعم الوكيل ع كل ظالم

نشاطرك الحزن اختي شكولاته ولكن
معظم اللي بالمنتدى اشتكو من مادة التخطيط الاستراتيجي ومادة اخلاقيات العمل للانتساب
حتى ان مشاركة المادة الاولى وصلت اكثر من 2000 زاير بالموضوع وانا واحد من اللي عشت اختبارها

ولو لاحظتي قلت ان زميل لي حضر اختبار للانتظام لمادة التخطيط الاستراتيجي مع دكتور المادة
وقاله انا بكلفك بس ورق
رحب فيه الدكتور واختبر زميلنا من دون مذاكره وحقق اعلى من نص الدرجة.!!

ولما جا الاختبار لقى نفسه جايب 60 بمعنى انه اقل وهم دفوووووه
هذا فرق واااضح وضوح الشمس وما يحتاج له اكثر من كذا توضيح

وسبق وقلت ان اختبار بحوث العمليات كان الاول من نوعه في المملكة العربية السعودية
اجل وش معنى سؤال سمبلكس يكتب سؤاله في اكثر من نص صفحة
ولو رجعتي لاختبارات الاعـــــــــــــــــــــــوام الماضيه
انا اتحدى اختبار او سؤال للسمبلكس بنفس الطريقة او لسؤال شجرة القرار اللي كان سؤالها اكثر من نصف صفحة
بالعكس راح تلاقي الارقام مباشرة وببعض الاختبارت السابقة لقينا الجدول مخطط وجاهز للتعبئة
وكل هذي الطلاسم مطلوبة منا في زمن نصف ساعة ...وين انتي...صارات قاعات الاختبار ساحات
مضاربة وطرد وتهديد بأمن الجامعة. بختبار بحوث العمليات..(عجايب والله)

عجااااااااااااااايب وربي العظيم لما تكون الصورة واضحه بهذا الوضوح ويتوهمو اننا ما كشفنا تعمد الصعوبة

اشكرك

[امل عطشان]

لاتشكي لي فابكي لك

[أول المشوار]

المشاركة الأصلية كتبت بواسطة شانزليزيه والله ياجماعه لو بفضفض مااراح يكفيني متصفحكم لكن اصبرو علي اسبوع لين اطلع من الجو الي سببته هالجامعه بعدين لي عوده

شف كيف حنا طيبين معاك
خليناك اكثر من عدد ايام الاسبوع
لجل تكتب لنا عن واقع لمسته وعشته
مع اعزاءنا دكاترة الجامعة

صحيح نحبهم رغم كل اللي نكتبه عنهم
لكن
من حقنا نقول لهم اننا بشر مثلهم نطمع ونحلم للي وصلو له بعقلانية
ويوافق عليها المنطق منطق كن عادلا يحترمونك الناس (الطلاب)

لو بكتب صراحه ابخلص حبر المنتدى
او راح يجبرو اصابعي من كثر الكتابة
لكن ابخلي اللي تكتبه اقلامكم يزيد اعجابي بكم

[ابوخالد السعيد]

حسبنا الله ونعم الوكيل

[الضاري]

الله يعطيك العافية......
وزدنا يابومحمد.................حتى الان مؤيدلكل ماكتبتة؟؟؟
فقد عايشت الكثير من هذه التجارب وان لم تحدث لي شخصيا ولكن عايشتها
مع زملاء سابقين ونصحوني بالأسم عن بعض الدكاترة الكرام والذي كان
من بينهم (((الادريسي))) باشا؟؟؟؟..........؟
وعموما ,,,,,,,,,لاسوداوية او حلازونية.......بل واقعية.
وتقبل مروري ودمتم بكل ود.

[شانزليزيه]

المشاركة الأصلية كتبت بواسطة أول المشوار شف كيف حنا طيبين معاك خليناك اكثر من عدد ايام الاسبوع لجل تكتب لنا عن واقع لمسته وعشته مع اعزاءنا دكاترة الجامعة

وش اقولك واش اخليك ياخوي؟

ببدى لك با اول اختبار الي هو القانون الاداري كان في سؤال شفته بنموذج سابق ماعرفت حله

مع العلم اني مذاكر الكتاب من شهر لكن في كذا سؤال وقفت معاي

وبحكم عملي وبعدي عن الجامعه مافي امل انك تروح تسال اي دكتور,,

قبل دخول القاعه للاختبار قابلت دكتور وبدون ذكر اسمه


وقريت له الثلاث الاسئله حل واحد وقلي هالاثنين مو باجيتك لاتشيل همها


واقسم بالله الي حله ماجا والي ما حله لي حصلته بالورقه قدامي واقسم بايات الله

وش رايك؟؟؟

ماتغبن هالحركه؟ ماتقهر؟

تبي بعد اقولك؟؟ تبي بعد افضفض؟؟



طيب خذ الثانيه

ذاكرت الخدمه المدنيه من شهرين ومختمها قبل الاختبار اكثر من خمس مرات

وحصلت على اسئله الترم الماضي قبل دخول الاختبار بساعتين

وحليتها كلها وراجعتها من الكتاب ودخلت الاختبار وحوالي 90% من الاسئله منها

ومتاكد واقسم بالله درجتي ماتقل عن 90 اتفاجا 74

لحد يقولي الاسئله فيها لف دوران او يمكن ماركزت

او مغير حرف واقسم بالله اكثر من 16 مره مخلص الكتاب من مذاكره ومراجعه ولا غير الكتاب

اتصلت بالدكتور مارد قعد دقيقتين واتصل فيني ,,

اعتقد شاف الرقم مميز قال بس يمكن واحد من الربع

سمع صوتي كلمني بكل ادب واحترام

لمن قلتله انا طالب عندك قالي بالحرف الواحد وش تبي الحين؟؟؟

قلتله يادكتور انا يمكن اتصححت ورقتي وصار لبس

قالي مع السلامه يبي يسكر بوجهي


قلت له يادكتور انا بالشرقيه وبعيد طيب حددلي وقت اجيك احصلك عشان ارتب مع الطيران


قالي ما احدد لك وقت قلت له طيب يادكتور اسمعني بس دقيقه قالي ماراح اسمعلك وسكر السماعه بوجهي


وش تبيني بعد افضفضلك؟

نزلت له جده وجلست عند باب مكتبه من 6:00 الى 10:45 ماجا وقابلت السكرتير وشرحت له وضعي

وقلي عبي هالنموذج ولمن عطيته هو قالي من الحين اقول لا تتعب نفسك ترى ماراح تتعدل!!

وش تبيني اقول بعد؟ تبينني افضفض؟؟

طبعا هذا الدكتور ابي اقول اسمه الي هو الجيلاني ربي يحاسبه ويجعله يحس بلي سواه فيني

بقولك بعد سالفه ثانيه

قبل اختبار اخلاقيات العمل قابلت الدكتور محمد الغامدي

قلت له يادكتور ممكن سؤال بخصوص الماده


قالي بالحرف الواحد الحين جاي تسال؟

انا طالب امتياز وفي نقطه بس اشكلت علي


رفض يسمع سؤالي!!

امنتك بالله هذا دكتور؟؟

ياخي انا طالب منتسب وتهمني الدرجه الواحده ليس كما يعتقدون البعض

هل لاني مهتم هكذا اعامل من قبلهم؟؟

تبيني بعد افضفض؟

خذ ذي الاخيره الي عورت قلبي وكملت الناقص

واقسم بالله العظيم والي يخليلي شيباني اني ماكذبت عليكم بشي ابدا

ارسلت للدكتور اخر بدون ذكر اسمه ايميل

محتوى الايميل اني درجتي لم اتوقعها

اتمنى اعاده تصحيح ورقتي

وذكرت درجتي وبالغلط انا كتبتها اقل مما رصدت لي

واقسم بالله كتبتها بالغلط ولا انتبهت كتبت 85 وهي بالاصل 86

قعد اسبوع وردلي وقالي تمت مراجعه ورقتك من قبل جميع اعضاء اللجنه ودرجتك الفعليه هي 58 !!!!!!!!

بغيت اموت قهر قلت حطني فباله وقال ارسبه

رديت له الايميل قلت يادكتور انت تقصد 85؟ او 58؟؟

قعد يوم ورد علي قالي اسف جدا درجتك خمس وثمانون وليس ثمان وخمسون

لحد يجيني يتفلسف ويقولي 85 مثل 86

هذا شي عارفينه من قبل

لكن المفروض يقولي ان الدرجه 86 ارجو التاكد

هذا معناته ان المراجعه هشك بشك وتريقه بتريقه

تبيني بعد افضفض؟

ياعمي لا يطق فيني عرق احسلي اسكت

وطيحو معدلي من الامتياز الى جيد جدا وباقي سنتين الله يستر وش يبي يصير يمكن يطيحونه للمقبول

وحسبي الله ونعم الوكيل

[Tallness man]

شانزليزيه

الله لا يسمحهم فيك ولا يسامحهم فينا ،،،،

اقسم بالله العظيم الجامعه مقرفه جداً ،،

لكنـ إذا ابتليتم فاستتروا انا الله بلاني فيها بكمل المشوار و إن شاء الله يقسم لنا ربنا كل خير ..

تمنياتي لكمـ جميعاً بالتوفيقـ ..

[saoooooooode]

المشاركة الأصلية كتبت بواسطة ۩ mąm ۩ آخوي آشوف إنك متحآمل جداً على الجاامعه .. لآ تكن نظرتك سلبيه إلى هذا الحد .. واضحكني كلآمك عن دخل الجامعه من رسوم الانتسآب ..!! 3000 إيش حتسوي للجامعه ؟ يصرف للجامعه سنوياً مبآلغ هائله .. يعني رسوم آلآنتسآب مآتفررق معآآهم !! لو إنهآ على حد قولك تفررق .. ليش اجل في اعفاء ؟؟ ليش يحملو نفسهم عبئ رواتب الانتظام ؟؟ كآن لغو روآتب الانتظآم عشان يخف العبئ عليهم ومآحد حيلومهم !! بصرآحه تفسيرك غير منطقي إطلآقاً .. وآحزن كثيراً على بعض الشبآب الذين ينظرون للجامعه بهذه النظره السوداويهـ .. تحيآآتي ..

اللي يده في المويه ماهو زي اللي يده في النار

[مساعد99]

الظلم وارد في جميع الجامعات

بس الظلم هذا اكثر

تفاوت الدرجات شى شى عجيب

والله مرات اقول الله يستر اخرج بدرجه ممتازه

ومرات احسن اني راسب ميه ميه والقى نفسي ناجح

ومرات العكس تمام احل واطلب الدرجه النهائيه .. وبالاخير 60 او 65

في ظلم باين حسب الدكتور وضميره


الله يوفق الجميع

[ابو ريناد 2]

ليه بلاد الكفر يعطى الطالب حقه بالتمام و الكمال ونحن في بلاد الاسلام نفتقد المصداقيه من دكاترتنا الاعزاء و اولهم المزجاجي ما يرد على جواله الظاهر عرف رقم طالب عندي رقم مميز لا صار كذا هههه .... يمكن يرد و برد قلبي بعيد عن التجريح او قلة الادب .... اتمنى من الدكاتره ان يعوا انهم مؤتمنين على درجاتنا والله سبحانه يعلم ما تخفي الصدور 00