هل يوجد ترم صيفي للانتساب

[راؤوله]

طيب اللي باقيلها بس مواد حره كيف تسوي انا باقيلي مادتين حره وبحث تخرج كيف يصير اخذ مواد حره بالصيفي لان الماده الحره بتكون برى التخصص يعني ممكن تكون من قسم التاريخ او الدين او او ؟؟

[المميــــز]

والله اللي اعرفه ان اقل من 9 ساعات مجاني
هذا الكلام الصيف الماضي بس اعتقد العام الماضي لايوجد ترم صيفي بنات
السنه هذي ماب اعرف
بس من 9 ساعات او اقل على التخرج مجاني قريب لي اخذه

[مزون عابرة]

من قال
3 موآد بـ 1500 ريال

[LAURA H]

مافي شي بـ1500 وهذا كلام اكيد..

[مزون عابرة]

^^
هذا الي انتشر

بكرة بيذوب التلج وبيبان المرج /:

ليه مستعجلين :)

[اسايرهاا]

هل جامعة ماعندها الا فلوس فلوس

يعطونا ماجاناً للمواد اللى جايبين فيها افففففففففففففففففففف
ماشبعو فلوس
حتى العمال لاطلعت من الاختبار الا هم رازين قدامي يبيعون المويه اللى بنص بريال تعلموا

الله يعين بس

[hani-ت]

ياخي والله حاجة تفشل
جامعة في أكبر دولة مصدرة للنفط
وفي دولة ميزانيتها في عام 2009 ما يزيد عن 500 مليار ريال
راحت 137 مليار ريال تقريبا على قطاع التعليم العله
وفي النهاية ما يتسجلوا في الجامعة الا 10 ألاف شخص
بينما يقبلون في الانتساب فوق الـ 15 ألف طالب
والله حالة يا عالم والله ان المنتسبين يدفعون أعلى مما يدفعه
طالب في جامعة ماليزيه في قسم الملتميديا
يعني أحسبوها لو أعفوا 5 ألاف واحد بس من الرسوم
أحسب 10000 في 3000 شوف الناتج يصير ثلاثين مليون ريال
هذا دفعة واحدة وترم واحد هي احسبها على 8 اترام لو قلنا ان الطالب
يخلص الجامعة في 4 سنوات وهذا مستحيل وأتحدى اي موظف في الجامعة يغالط هالمعلومة
هذا لو ما كان في زيادة بعد والله حرآآآم يا عالم الي قاعد يصيرلنا
ويوم ما قال الملك الانتظام الي بفلوس تصير على حساب الدولة
قاموا قفلوا هذا النظام والي دخل فيها خلوهم انتظام لكن بعد كذا قفلوا على هذا الشيء
أصلا بالعقل يعني كيف تقول الجامعة ما تقدر تستوعب بطريقة الانتظام
وفي النهاية تسون نظام انتظام بفلوس
يا شيخ ضحك على الدقون وسرقة عيني عينك
والمصيبة يوم يا يجيبوهم اخر القائمة في الجامعات العالمية
يقومون يهرجون وكأنهم أحسن جامعة اللهم لا تبلانا
ونحن فالحين بس نهرج محنى عارفين ناخذ حقوقنا بنفسنا
وربي لو كل واحد من طلاب الانتساب وقع على وثيقة
ويرفعوها للملك وأقسم بالله أننا بنبشر بالخير والسعد
وأن هذولا النصابين ما يقدرون ياخذون شيء منا
ويمكن كمان يعطونا المكافأة بس ما أقول الا حسبي الله
ونعم الوكيل عليهم

[دودي القمر]

والله انك صادق ياخوي
بس والله حراااااااااام
انا ابي اخذ ترم صيفي عشان اخلص بدري يصير ما اطول بالجامعه
والله اول مرة اشوف جامعه بهالشكل والمستوى انواع السرقااات والرشاااوى
بالله هذي تسمى جامعه
ما نقول الا حسبي الله عليهم
وان شاء الله ربي بياخذ حقنا منهم

[hani-ت]

أنا دايم اخذ ترم صيفي بس زي ما قالوا
بـ 3000 ألاف ريال الله ياخذ عمرهم
ويش نسوي الشكوى لله

[نـــايـــف]

بالتوفيق للجميع ان شاء الله