رأيكم يهمني...هل ينفع ادرس هالمواد مع بعض.....؟

[أم ميار]

أنا من وجهة نظري ان تحذفي التحليل الكمي و تضيفي التحرير الكتابي =اللغة العربيه
و سوف تضل نفس عدد ساعاتك
لاني انا سويت كذا

[لمعة الماسة]

شكرا شكرا شكرا....لكل اللي شاركو بالموضوع....بس كان ودي يجيني واحد مجرب ويمسك ماده ماده ويفصلها ....

اغلب اللي شاركو ...محتارين زيي

وبس حبيت انوه ان انا ماني بنت.وبامكانكم الاطلاع على بياناتي الشخصيه...

[مدير إقتصادي]

السلام عليكم ورحمة الله

أنا أخذت المواد هذي المستوى الماضي وراح أعطيك رأيي وتجربتي

مادة المحاسبة 101 حلوه وشيقة واذا كنت لك بالأسهم تنفعك جدا وتمكنك من قراءة مابين السطور لتحليل وضع الشركات المدرجه في السوق تحليلا أساسيا

مادة الاقتصاد الجزئي اذا كان كتابها مازال نفس الكتاب اللي درسته أنا ( اللي مؤلفه ماجد المنيف ) فهو بصراحه حلو وشيق ، لكن المادة يبغالها روقان وتركيز كثييييييير لأنها تلخبط شوي و اخذت مني مده طوييييله الين فهمتها

مادة التحليل الكمي مالقيت لها كتاب لكن مذكرة هاني عرب جيده ولو أن فيها بعض الأخطاء الاملائية والحسابية

القانون التجاري مادة أعجبتني مرررررره حلوه ولذيذه حتى في حياتك العامه

مبادئ الادارة كتابها كبير جدا ولازم تقرأه كاملا ومشكلتها ان الاختبار جاء 100 سؤال والوقت 90 دقيقه يعني مافي وقت للتفكير أبدا عشان كذا لازم تكون فاهم المادة مزبووووط

أنا شخصيا لا أنصحك باضافه كل هذي المواد لييييييييش ؟؟؟؟ أنا أبقول لك ليش

الحين باقي على الاختبارات حوالي شهرين ونصف وهذي المده من وجهة نظري قليلة اذا كنت بتنزل كل هالمواد خصوصا اذا كنت تعتمد أساسا على الكتب

أما اذا كنت تعتمد على المذكرات يمكن يكون وضعك مختلف من ناحية الوقت

الخلاصة : اذا كنت من هواه الفهم انصحك باختيار : المحاسبة 101 و التحليل الكمي والاقتصاد الجزئي و القانون التجاري
ولو كنت من هواه الحفظ اختر : المحاسبة 101 والقانون التجاري ومبادئ الادارة والثقافه الاسلامية

[لمعة الماسة]

شكرا جزيلا مدير اقتصااااادي....والله وكل رد يحيرني بزياده....بس شكلي بضيفلهم الثقافه الاسلاميه واتوكل على الله.

[أم ميار]

اسمحلي انت باضافتك للثقافه الاسلاميه بتزيد عدد ساعاتك و بيقل تركيزك على المواد لان أسئلة اثقافه زي ما شفت الترم الماضي كانت مي سهله
اسمع مني :
احذف التحليل الكمي واضيف اللغة العربيه وخل ساعاتك 15 ساعه مره كافيه
وذلك للتخفيف من ضغط المواد الحسابيه و الرقميه

[لمعة الماسة]

وتستمر الحيره .......بانتظار الاجابه الشافيه....

[funny girl]

المشاركة الأصلية كتبت بواسطة لمعة الماسة السلام عليكم اتمنى من اللي يرد علي..يكون مجرب ..ابغا معلومه احدد فيها وضعي. المواد كالتالي مباديء محاسبه القانون التجاري مباديء الاداره مباديء الاقتصاد الجزئي تحليل كمي 2

هلابك يالمعة الماسة
والله بالنسبة للحذف يعتمد على حاجتين مهمة
اول شي مايكون لها متطلب يترتب عليه في المستوى اللي بعده
وثاني شي على حسب ميولك
وأقترح اذافي حذف فيكون تحليل كمي
لأنه من باب التخفييف في الجدول
والمحاسبة والإقتصاد الجزئي لها متطلب
بمعنى حيترتب عليها مواد ثانية لازم تتاخذ
ويارب أكون افدتك
وبالتوفيق إن شاء الله
funny firl

[فايز الهذلي]

يعمي ضيف الثقافة الاسلامية وانقف التحليل الهمي وتستمر الحياة بدون اي عناء