عقوبة السجن تواجه الشباب الذين يرتدون بنطال (طيحني) و (سامحني يا بابا) في السعودية

[soma al7elwa]

Northstar

تعرفي انك تنطقي درر؟؟

قد شفتو واحد عمرو 25 او 26 ولابسها؟؟

الا لو كان يتصبين دا شي تاني

زي ما قالت هنودة "هنادي عطية" هي teenager trend

يعني مجرد ستايل يلبسوه المراهقين وينتهي

نقوم نجلدهم عشان لبسوا شي

ونعم الدعوة إلى الدين والله


ترى كل ممنوع مرغوب

اعرف واحد قبل كم سنة كان في جامعة البترول

فجأة جانا من الشرقية لقينا شعرو كدش رهيييييييييب

كان وقتها تانية جامعة

وطبعا قامت امو واخواتو وكيف تسوي كدا ومدري ايش؟

وقص شوووية منو

خفف بس يعني قلك يرضيهم

وبعدها صار هوا لوحدو يخفف ويغير شوية بالستايل

الين ما وصل سنة رابع

قص شعرو قصة عادية

صح هي ستايل وكدا

بس مو غريبة

قلتلو بنفسي ليه قصيت شعرك؟؟؟ "وقتها كنت بالثانوي"

شعرك كان شكلو مررا كيوت

راح قال خلاص كدا ارتب

يعني كبر وبطل يفكر كدا

ودحين ما شا الله مهندس قد الدنيا

وزي كدا كل الشباب دول

تصور لو مسكو واحد من الشرطة او الهيئة وجلدو عشان شعرو غريب ويتشبه "بالكفرة االفجرة والفاسقين " على قولتكم

ايش كان راح يكون مشاعرو تجاه الدين وتجاه الهيئة؟؟

فكروا بعقلكم

لكل زمان ومكان تصرف مناسب

وزي ما نطق بدر البدر

"بدل العقوبة اعطوهم توعية ولهم الاختيار"