شباب وصبايا هااااااااات البشارة :: بخصوص الاعفاء من الرسوم

[ابو تركي 2]

المشاركة الأصلية كتبت بواسطة ابو-ريان عميد خدمة المجتمع لـ «عكاظ»: ...الرسوم الدراسية البالغة 3 آلاف ريال للفصل الدراسي الواحد، معبرا عن تطلعه للموافقة على قرار إعفائهم من قبل الجهات المختصة. وبين أن هذه الرسوم تمثل جزءا بسيطا من تكلفة الدراسة وتتحمل الجامعة الجزء الأكبر

اي تكلفة ياعم الدكتور اي تكلفة
اصلا الثلاثة آلاف ندفعها وحنا مو مقتنعين انها مقابل شي
وانت تقول انها ماتغطي وأن الجامعة تتحمل الجزء الأكبر من التكلفةَ!َ!َ!
اللي يسمعك يقول ابد مسكنيننا بالراديسون ساس على حسابكم
والله عجيب

طيب اتركنا من الجزء اللي تتحملونه وخلنا بالجزء اللي نتحمله حنا
الثلاثة آلاف اللي ندفعها كل ترم
حق ايش وعلى ايش تصرفونها؟
قيمة ورق الأسئلة؟ولا خارج دوام للمراقبين؟
ولا انتم بالجامعة تستأجرون لنا القاعات من انفسكم
ولا تكلفة مواقف السيارات<<<مابقى الا هذيَ!َ!َ!
والله من جد اي تكلفة تتكلمون عنها؟
لاصار نسافر على حسابنا ونسكن على حسابنا
وحتى الكتب حنا نشتريها من برا
اي تكلفة؟