ساعدوني بتقسيم المواد المتبقيه

[تاكسيه]

السلام عليكم ورحمة الله وبركاته

محتاجه رايكم بتقسييم جدولي على ترميين

انا باقيلي 7 مواد تخصص
و3 اختياريه و2 حره لسه مااخذت ولا شي منها

هذي مواد التخصص ..

تخطيط استراتيجي
التحليل التنظيمي
بحث وتدريب
قراءات اداريه بالانجليزي
ثقافة المنظمه
اجهزة التطوير الاداري
تقييم البرامج الحكوميه

والاختياريه مااعرف شي الا علاقات عامه ونظام سياسي سعودي واقتصاد كلي .. ايش رايكم اعتمدها ولا في مواد افضل منها ؟
والحره مااعرف ولا شي اقترحولي مواد


وساعدوني بتقسييم جدولي
يعني هذا الترم اخذ كم ماده حره واختياريه وايش مواد التخصص اللي اخذها معاها
وايش المواد اللي اخليها للترم الجاي اللي هو اخر ترم بإذن الله

[لمار عزوز]

وعليكم السلام والرحمه
بالنسبه لي أفضل تأخذين
تخطيط إستراتيجي
تحليل تنظيمي
قراءات إدارية
ثقافة المنظمة
وأجهزة التطوير أو تقييم البرامج الحكومية
ماده إختيارية أو حره
بحيث يكون ترم التخرج مواد أسهل
وهاذي كمان مابتكون صعبه يمكن التخطيط والتحليل وسط والباقي أسهل منها شووي على كلام البنات << بس مو سهله مرره
موووفقه ياعسل

[يـسـرا الشـمـري]

شوفي ياعسل خذي هذي المواد مع بعض للمستوى السابع
تخطيط استراتيجي
التحليل التنظيمي
ثقافة المنظمه
اجهزة التطوير الاداري
تقييم البرامج الحكوميه
1ماده اختياريه

خلي البحث والتدريب للمستوى الثامن
خذي معاه مواد بسيطه عشان تتفرغي للبحث وللتدريب

قراءات اداريه بالانجليزي
2ماده اختياريه
2ماده حره


وراح الكثير ومابقي الا القليل ان شاء الله
وفالنا وفالك التوفيق والتخرج

[تاكسيه]

لمار , خطاهم ضيع غلاهم

الله يسعدكم يارب
بإذن الله راح اعتمد كلامكم
الحين راح انزل خمسه مواد تخصص ووحده اختياريه
والترم الاخير بنزل بحث وتدريب ومادة تخصص ثانيه والمواد الاختياريه والحره الباقيه

الله يوفقكم ويجزاكم خير يارب

[همسة حلم]

الله يوفقك ، وان شاءالله ترتاحي مع المواد هذي ..

[فراشة جدة]

لا انا مانصحك تاخدي كل مواد التخصص دفعة وحدة كده
اذا كنتي تبغي معدل حلو وازني بين المواد
لانه المواد مهي سهلة صراحة وتاخد وقت
وكمان مرره غلط تخلي كل المواد الحر والاختياري اخر ترم
لانه ممكن تكوني مخططة لمواد معينة وفجاة تكتشفي انها تتعارض لانه بنفس الوقت
وقتها رح تضطري تاخدي مواد ثانية ويمكن اصعب ،، الترم الماضي صارت مع بنات كثير

انا اقترح عليكي


تخطيط استراتيجي
التحليل التنظيمي
ثقافة المنظمه
(اجهزة التطوير الاداري ،، او قراءات لو نزلت عند نرفانا خديها) على حسب الاستاذة اختاري
خدي مادة اختيارية
وخدي مادة حرة حرة

والترم الاخير
(قراءات ادارية او اجهزة تطوير) اذا اخدتي قراءات الترم الاول خلص تاخدي هنا اجهزة تطوير والعكس
وتقييم برامج حكومية
ومادة حرة
ومادة اختياري
وبحث وتدريب


من المواد الاختيارية اللي انصحك فيها :
نظام سياسي سعودي مرره سهلة عند خالدة
ادارة علاقات عامة خديجة الحربي
من المواد الحرة اللي انصحك فيها :
مشاريع صغيرةعند خديجة ضباب برضه سهلة
ادارة اعمال في بيئة ثقافات متعددة عند امل تركستاني سهلة وحلوة المادة

ان شاء الله اكون افدتك موفقة

[تاكسيه]

الله يسعدك فراشه كويس انك نبهتيني على هالنقطه
خاصتا على سالفة التعارض اللي ممكن يصيرلي وقتها

انا كنت بضغط نفسي هالترم
عشان الترم الجاي اتفرغ للبحث والتدريب

بس خلاص بإذن الله راح اوازن بين المواد عشان مااتورط وقتها
الله يجزاك خير