بنات اللي اختبروا مالية دولية سحر مهران

[7oriah_ksa]

السلام عليكم ورحمة الله وبركاته..
بنات أنا عندي اختبار بديل لمالية دولية فالله يوفق اللي متذكر الاسئلة ولو سؤال تحطه في هالموضوع فأنا ما كنت خايفة من هالمادة بس تفاجأت كثير بنات ماخذين f حتى اللي ماشاءالله مستواها ممتاز ماجابت علامات كويسة وكثير قالوا الوقت ما كفى للحل.......
خاصة النظري فيه لف وتعمق فأرجوكم اللي متذكرة شي تحطه بهالموضوع..

[T2A3R]

شوفي اختي هذي الماده لازم تكوني فاهمه التمارين تمام لان المساله الوحده فيها 4 او 5 فقرات واهم شي تدربي زين ع التمارين واذا حضرتي المحاضرات جات نفس التمارين بس غيرت الاقام جات 50 سوال 12 سوال نظري والباقي عملي انا سلمت ورقتي قبل ما ينتهي الوقت والحمد الله جبت 90
هيا بس تلخبط في الخيارت حق النطري لو مذاكره ومتوكله ان شاء الله تجيبي درجه كويسه
متى اختبارك ؟؟
اذا قدرت احاول ادور ملزمتي وافتكرلك

[7oriah_ksa]

الله يعطيكي العافية انا بس متخوفة من النظري والحمدلله فاهمة مضبوط المسائل وحضرت الدورة ومعايا الملزمة وكل شي واختباري يوم الثلاثاء الجاي ان شاءالله بس لو احد يفتكر اسئلة النظري على الاقل يعطينا هي والله يوفقكم جميعا....

[اخت القمر]

السلام عليكم
شوفي حبيبتي لاتخافي المادة حلوة بس يبغالها مذاكرة بالتركيز مره بذات النظري ذاكري تمام النظري طبعا مرة فترة طويلة يعني يادوبك الواحد يفتكر بس ص 2 من الملزمة جابت فيها كم فقرة القيد المزدوج وجابت تمرين ص 3 وكان لازم نحط فقرة السهو والخطأ علشان يتعادل الناتج الي فوق الخط مع الناتج الي اسفل الخط
* اذا كان هناك فائض في ميزان المدفوعات فان الحكومة تقوم بسياسة ( اختيار متعدد) ص 5 ركزي عليها كويس جابت التضخم
*في حال وجود عجز في ميزان المدفوعات فان البنك المركزي يقوم ( اخيار متعدد ) ص5 ركزي كويس عليها
* يستطيع البنك المركزي رفع سعر الفائدة ( اختياري
اداوات التعامل بالعملات الاجنبية احفظيها تمام تجيب التعريف وانت تختاري ايش اسمه
سعر الصرف المرن والثابت المزايا والعيوب احفظيها تمام واعرفي الفرق بينهم
* من العوامل الفنية التي تؤثر على سعر العملة 1 _ الكميات المتعامل بها 2- سعر الفائدة 3- الستيراد والتصدير طبعا رقم 1 ركزي وفرقي بين العوامل الفنية والعوامب الاساسية
* القروض الدولية تؤدي الى ( اختياري
* جابت يا السعر الاني يا السعر الاجر وتحت خيارات ركزي عليهم تمام
هذا الي قدرت افتكره واذا افتكرت شي تاني حكتبه وحرجع اكتبلك التمارين ان شاء الله

[7oriah_ksa]

الله يوفقك اخت القمر يااااااااا رب دنيا واخرة وجزاك الله كل خير واي احد يتذكر بعد يفيدنا بالله النظري جدا غثيث لهذه المادة..
سبحان الله والدي كان مريض جدا وكنا عارفين انه بيتوفى في أي لحظة وكنت اقول يارب إلا في ايام الاختبارات وسبحان الله اختبرت اختبارين بس وبعدها توفى وفاتني 3 اختبارات الله يرحمه ويصبرنا..

[اخت القمر]

تسلمي حبيبتي والله ماسويت شي بالعكس نفسي اساعدك اكثر بس هذا والله الي اقدر عليه وعظم الله اجرك في الوالد والله يصبركم
شفتي مثال اشترى مستثمر عقد خيار جابت السؤال وطبعا تحته خيارات ومن ضمن الاسئلة الي تحته كيف يتجنب البائع الخسارة الغير محدوده * طبعا كيف يتجنبها أذا كان هو بائع عقد خيار شراء يشتري عقد خيار شراء في نفس القيمة ونفس الوقت * اما اذا كان في المثال هو بائع عقد خيار بيع يشتري عقد خيار بيع بنفس القيمة ونفس المكان
* جابت مثال ص 27 سعر التبديل شراء وسعر التبديل بيع
* جابت مثال ص 28 او ص 29 مني فاكرة اي واحد فيهم بس كلهم زي بعض وتحتة خيارات ومن ضمن الخيارت ايهم افضل في الاسثمار طبعا انتي عارفة اذا طلع التاتج اصغر من الفرق اسعار الفائدين استثمر في الفائدة الاكبر واذا طلع الناتج اكبر من الفرق بين اسعار الفائدتين استثمر في الفائدة الاصغر
* جابت مثال ص 30 الي فيه ال LIBRO
* وجابت كمان نفس الصفحة المثال الي اسفل c &D وتحته خيارات
* اتوقع والله اعلم انها جابت كمان هذا منى متاكد بس ذاكريه ص 31 هو بس اختياري كلام كيف يمكن الاستفادة من الميزة النسبية للشركتين
الشركات متعددة الاجنسيات ما جابت منها ولا شي

[الانس]

عظم الله أجرك عزيزتي في الوالد
الله يغفرله ويرحمه ويسكنه الفردوس الأعلى من الجنه
وبالنسبه للماده .. لسه أفكر آخذها إختياري هذا الترم إن شاءالله
بالتوفيق يآرب ...

[7oriah_ksa]

يا رب يا رب وفق اخت القمر ويحققلك كل مرادك يعطيكِ العاااافية وكلها بتلقيها في ميزان حسناتك بإذن الله ...
وجزاكم الله خير اخت القمر والانس ......