اللي عندهم تدريب 2 يدخلو ضروري

[عازفة الوتر الحزين]

جيجي

استاذه ايمان نزلت موضوع وفيها الاشيا اللي تطبعيها
وضروري تطبيعها الان
وعندك الورقه حقت موافقة ولي الامر
راح تعبي اول سطرين في الخانات
اعتقد اسمك ورقمك الجامعي والتخصص والقسم

وبعدين خلي ولي الامر يوقع عليها

وخدي استمارة تسجيل المتدرب
سجلي البيانات بس مو كلها
سجلي بياناتك انتي بس
وبعدين خدي الورقه وروحي لأستاذه ايمان في مبنى الجوهره غرفه 116
وهيا توقع لك الورقه حقت موافقه ولي الامر
وراح تقولك روحي عند السكرتيره في غرفه 118 عشان تختملك ورقة استمارة تسجيل المتدرب

التدريب يكون ( في مراكز اعاقات او ايتام على ما اظن - مستشفى - مدارس ) ومدري ايش كمان لاني نسيت
وبالنسبة للمستشفيات
مستشفى الجامعه مايقبلو اتوقع ياخدو بس حقون التخصص اللي في الماستر
مستشفى الملك فهد ماقبلو لان صارت مشكله من قبل بين الطالبات والدكاتره عشان كدا قفلوه
وقالو احتمال احتمال يفتحو بعد الحج يعني على شهر 1
والله اعلم صادقين ولا

ومستشفى الملك فهد قالو لي روحي الصحه النفسيه اللي عند المحجر
وابويا راح يشوف لي الموضوع بكرا

وان شا الله خير

ولو بغيتي مدارس ( المدارس تروحي مدرسه اهليه لان الحكوميه يبغو خطاب من الجامعه والاستاذه قالت ماراح نعطي او مافي خطاب )
المهم الاستاذه قالت لو جهة التدريب طلبت خطاب من الجامعه على طول غيري جهة التدريب
شوفي لك مكان غيرو

لو ماعرفتي اي شي راسليني على الخاص اعلمك

خدي اطبعي الاوراق من هنا

http://www.skaau.com/vb/showthread.php?t=623256