إعلان هام لطالبات الانتساب المتخصصات

[zoze_6]

من منطلق حرص جامعة المؤسس على مصلحة طالبات الانتساب، وسعياً منها لتحقيق أقصى استفادة للطالبات من المواد العلمية، فيمكن لجميع طالبات الانتساب الاستفادة من المحاضرات الإلكترونية المسجلة طوال الفصل الدراسي وليس خلال ثلاثة أسابع فقط كما كان في السابق، مع إمكانية تحميل المحاضرات وتخزينها على أجهزة الطالبات والاستماع إليها مرات عدة حتى دون الحاجة للاتصال بالإنترنت. هذا كما يمكن للطالبات مناقشة أستاذات المواد على ما صعب عليهن فهمه أو أي استفسارات متعلقة بالمواد خلال الساعات المخصصة لذلك لكل كلية بحسب المواعيد المحدد في الجدول التالي :



ملاحظات هامة:



ستكون المحاضرات المباشرة عبر نظام الفصول الافتراضية (Centra) أيام الأربعاء , و الخميس , و الجمعة , فقط حسب جدول كل كلية خلال الأسابيع المحددة أدناهــ ( موعد المحاضرة موضح في جدول الطالبة أمام كل مادة مسجلة في جدولها )

· لن تكون المحاضرات شرح للمادة بالتفصيل، بل ستقتصر على النقاشات والرد على استفسارات الطالبات، حيث أن شرح المواد كاملاً متوفر في المحاضرات المسجلة.

مع تمنياتنا لجميع بناتنا الطالبات بالتوفيق والنجاح (طبعا مافهمت شي ياريت الي يفهم يشرحلنا )

[المهاتما تسونامي]

يعني اول كان الحضور للدورة بالجامعة
بعدها خلوها سنترا من السبت لحد الاربعاء
الحين خلوها اربعاء-خميس-جمعة
طبعا المواد تلاقينها مشروحة وجاهزة كلها من اول الكتاب لاخره بالموقع الجامعي على هالرابط
http://elearning.kau.edu.sa/accesspa..._id=214&lng=AR
طبعا السؤال هنا ايش فايدة حضورنا عالسنترا؟؟
انتي تكوني تصفحتي المادة الي تبغينها لما يجي موعد محاضرتك بالسنترا تكون كمناقشة مع الدكتورة للاشياء الي ماستوعبتيها ويبلها شرح وهيا تقوم بواجبها بتوضيح النقطة الي مافهمتيها
الخلاصة
السنترا للنقاش مو لشرح المادة لان المادة موجود شرحها مسبقا عالرابط الي فوق
_طبعا شرح المواد المسجلة ماله وقت معين يعني لاتخافوا ماراح ينحذف لانو موجود على طول
هذا ماتوصل اليه عقلي واستوعبته خلايا مخيخي اذا استجد الامر برجع للموضوع<<يارب ماجبت العيد

[zoze_6]

اها طيب دحين مفروض اليوم في عندي الساعه 3 اقتصاد كلي ودخلت مافي شي فهمتك انا دحين بس المشكله في مخي دحين عندي دي المواد نظم معلومات واقتصاد كلي وقيادده وابتكار ومبادئ علوم سياسيه واتفاقية المنظات التجاريه كيف ؟؟

[غرامي ذبحني]

جزاك الله خير على التوضيح لكن الرابط لاتوجد به كل المواد فسؤالي ياعسل باقي المواد فين تسجيلها معليش ماعاد صرت استوعب

[المهاتما تسونامي]

المشاركة الأصلية كتبت بواسطة zoze_6 اها طيب دحين مفروض اليوم في عندي الساعه 3 اقتصاد كلي ودخلت مافي شي فهمتك انا دحين بس المشكله في مخي دحين عندي دي المواد نظم معلومات واقتصاد كلي وقيادده وابتكار ومبادئ علوم سياسيه واتفاقية المنظات التجاريه كيف ؟؟

روحي لجدولك الدراسي وشوفي الوقت والايام

w<اربعاء
r<خميس
f<جمعة
هذا الي فهمته

انا كمان عندي الساعة 6 ادارة استراتيجية ومانزلي شي بالسنترا حاطه يدي على خدي انتظر

[غرامي ذبحني]

طيب انا اضفت مواد وطلعت في جدولي السبت والاثنين والاربعاء وكمان وحدة الاحدء والثلاثا كيف وهم يقولو الاربعاء والخميس فقط ياناس بتجنن من هالانظمه الجديدة اللي مو فاهمه منها حاجه

[المهاتما تسونامي]

المشاركة الأصلية كتبت بواسطة غرامي ذبحني جزاك الله خير على التوضيح لكن الرابط لاتوجد به كل المواد فسؤالي ياعسل باقي المواد فين تسجيلها معليش ماعاد صرت استوعب

فعلا مو كل المواد موجودة

هالسؤال نسأله لما نكون اثناء المحاضرة مع الدكتورة لانو ماعندي علم بهالشي
انا عندي مادة اسمها ادارة مبيعات ومالقيتها بنتظر لحد موعد المحاضرة وربنا يسهل

[zoze_6]

تسلمي ياقمر الله يسعدك يارب بس برضو متنحه نستنا ونشوف

[zoze_6]

طيب بنات في احد فتح ت معاها الاقتصاد الكلي مع منال محاضرتها من 3 كانت اليوم مفروض

[أروع إنسآنة]

بنات انا دا الترم تخرج ابغى افهم دحين يعني صارت كل المواد سنترا ولا بعض المواد
وكيف افرق بين مواد السنترا والحضور وربي ماني فاهمة شي ؟ ):
والسنترا بدأت ولا لسه ياريت تجاوبوني لاني حاسه نفسي تايهه !!