لا تبخل علينا .. أدخل وأكتب خواطرك

[kaloody-007]

ماهو بكيفك تواصلني وتقطعني = اما غلا بين(ن) او فضها سيره

ياشين لا جيت تقطع لا توادعني ! = ليتك تحس الوداع شلون تأثيره

يا ما خذ الحب قل فيني وسمعني = حب(ن)على كبر صعب ابدل بغيره

قلت احتفظ فيك وادري منت نافعني = يمكن مع الوقت اقول محبتك خيره!!

والله تدري وش اللي معك دافعني = اني معاك انت امارس آخر الغيره

واحب فيك البرود اللي يقاطعني = لو ما تكلمت صمتك صعب تفسيره

ياللي عليك البشر شفها تقاطعني = ومنين ما اوجه الهقوات لك سيره

وياشينها من الخوي قول: اتركه .. طعني = ماغير شره ولاانت بشايف(ن) خيره

ويا شينها منك لا جيتك توزعني = في عذرك اللي على هالظرف تجييره

شف كبر صبر البشر ما عاد ياسعني !!= واكبر هموم العباد اشوفها صغيره

وش جاك مني خطا يومك اتبيعني = في سوق ذقها / عليك اسوقها جيره

انا اذكر انك اليامن قلت دلعني = القلب هانت على شانك مشاويره

يا مشغل القلب بين تحبني/ ويعني! = شفني عليك احترق ياسيدي حيره

مرات اقول اتركك لا شك يمنعني = شي(ن) يقول اعذره واقبل معاذيره

قلت احتفظ فيك وادري منت نافعني = يمكن مع الوقت اقول محبتك خيره !



الشاعر : حمـــد السعيــد