للنقاش هل صحيح الي باعنابعناه لو كان غالي ؟؟؟

[عاشقة الندى]

السلام عليكم ورحمة الله وبركاتهــ
اولا اشكرك اختي على طرح دا الموضوع اللي جا في وقتو ...

انا حتكلم عن تجربتي الشخصية اللي مريت فيها بصراحة لما يكون الانسان دا ماتحبيه يعني يكون بالنسبة لكي شخص عادي لو جا يوم وباعك بكل سهولة حقدر ابيعو ..

يمكن كلنا نقول اكيد كرامتي اهم واللي يبيعني ابيعو وانا دايما كنت اقولها واصر عليها كمان لكن لما تحبي انسان بصدق ومن قلبك مو بالسهولة حتبيعيه حتى لو باعك لانو القلب مو الة بكبسة زر حقدر اخليه ينسى اللي حبو واتعلق فيه لكن عن نفسي حمثل اني بعتو ونسيتو ومتجاهلتو لكن من جواتي باقي حب ويمكن لو جا واعتذر حرضى بسرعة وانسى ...
مرات القلب يطغى على الكرامة ..

بس دا مو معناتو انو الانسان ماتكون عندو عزة نفس بالعكس لازم يبين لهادا الشخص انو زي مابعتني اقدر ابيعك عشان لايبان انو ضعيف وماعندو كرامة...

يعني دا رأي باختصار رغم انو الموضوع يطول في النقاش...

وتقبلي مني اجمل تحية صباحية ياروح الورد ،،،،،