جيل بعض بنات اليوم!!

[خالد9921]

صقر( ن) لقيته سقاه السم ..

واضح إنّ حالتك العاطفية
مرتبطة بيولوجياً بحال تعبية الكرش عندك

والحقيقة طلبك في محلّه
لابد إن الحرمه تزغّط بعلها كويس
فالـبعل إذا تزغّط أصبح كالبطل المغوار

وللمرأه أيضاً أن تبلع و تتكرّش
فالعملية منافع مُشتركة
فيما عدا الضرر الناجم من تكريشها زيادةً عن الحمولة النظّامية


ولكن هذا كلّه ينفي أن تكون دب أكول
كل يوم تبي مفطّح وقرصان ... اللي يشوفك يقول ابن عجلان شيخ القبيلة
وإنت شاص تويوتا ما تعرف تسوقه خل عنك بس مب تذبح ذبيحة .. !


كلاّ .. بل هناك التدليع والتميلح والصبر رغبةً بدفع الضرر !

بنات هاليومين ما يبغالهم هالأساليب في النقد وإلا الشدّة عالواقع وهذا الأهم
بنات هاليومين يبون التعامل الحسن وطلب الأمور بمزيج من الدبلوماسية والرومانسية
وهالأيام بعضهن لو شافت صورة سفنج بوب بالمطبخ خقّت فـ ما يبغالها هالتعقيد

خذ علم .. ترى وشسمه يلف راسهن لف
وأكبر وحده ممكن يطيح راسها وتصير تسوي لك مدفونة لو تبي

وبالتدّرج تجي خلها أوّل شي تتهوّر في حلا يعني إن الحياة كلّها حلويات ونعومة
ثم قط وجهك بعد يومين ولا يردّك إلا الكبسة وإلاّ منت بكفو !

والثوابت ضرورية ..
بنظري ما ينفع إقحام الشغالات أو العجز خصوصاً في أوّل شهور الزواج
حتّى لو الزوجة موظفّة أو طالبة معليش الأفضل تاخذ إجازة لو فترة كافية
هاذي أفضل فترة ممكن يعيشها الزوجين
و بالود والتعامل الطيّب
ممكن تنقلب هالطبخات لأمور يحمد عقباها كثير يا قوم الملحّطين وأنا اوّلكم
وحينها بصراحة وجود الشغالة قلق واللي تبيك وتبي رضاك بتغار عليك منها
لكن ما يخفى فيه ضروريات ممكن تسبب العجز بعذر مُقنع
مثل مرض الزوجة نفسها أو حين الولادة ..
هنا لابد من تقدير الحال حسب المُستطاع المادّي

أنا أؤمن كثير إن أغلب النساء بالسياسة الطيّبة تلين رؤوسهنّ

وبالنهاية العملية إختيار
من بعد أيام الملكة والعقد الشرعي تقدر تكتشف شريكتك
اللي باقي مب راضيه تتنازل تسّوي لك كاسة شاي أو حلا و من هالأمور التمهيدية
اللي تشوف فيها عقلية اللي قدّامك ومدى التنازلات اللي ممكن تقدمها لك
وإنت تعاملها كويّس ومب مقصّر بحقها


مانت ملزوم فيها الله ييّسر لها في بيت أهلها


حتّى الناس اللي اشوفها من أوّل زواجهم .. شغالتين وثلاث
أظنّ ذول شوي وضعهم فوق مب شاص هههههه لا لا يا صقر بي إم كذا ما قد شفتها بالشمال عندكم



يعني بالنهاية بلا دلع أيّها الجنسين
إذا إنّكم من فئة المجتمع الملحّطة وهي الأكثرية ..
فعلى الزوج الكرف بذمة وضمير وعلى الزوجة الحشو في هذه الأمانة التي أمامها